Chapter 32: His Name

AYEISHA

“A-anong ibig mong sabihin, Asha?”

“Malaking parte ng alaala ko ang nawawala. Anim na taon na akong ganito. Tanging magulang ko lang ang nakikilala ko.”

“K-kaya ba sumasakit ang ulo mo kagabi?”

“Oo, King. Sa totoo lang, napapadalas siya.”

Tumitig siya kapagkuwan. “So, hindi ka sigurado kung single ka?” Hindi maalis ang kunot sa noo niya kaya napalunok ako.

“Sabi naman ng magulang ko, nabigo daw ako. Pero hindi ko alam kung kami pa bago ang aksidente. Iniisip ko rin na baka kasal ako. Pero parang hindi din, ang apelyido ko ay ‘yon pa rin.”

“A-Alcaraz?” tanong niya na ikinatango ko.

Hindi ko p’wedeng sabihin ang totoong pangalan ko. Hindi pa nga kami nag-uusap ni Bem. Tikom rin si Benrick nang tanungin ko kung sino ang lalaking nanakit sa akin. Malamang, ayaw niya akong masaktan kaya tikom siya. Tinampal ko ang sarili ko.

Pero malakas ang kutob ko na si King na nga ang lalaking iyon. Pero magkakaiba ng bersyon. Si Ayeisha lang talaga ang makakapagsabi nang totoo.

“Sino