Chapter 12

Fevianna’s Pov

“Yow Vanna! The star of the night.”

“Magaling ka pala sumayaw, huh? That was one great hot dance you made last party night.”

“How I wish kuya Ry had seen it, baka sinabayan ka pa niya.”

Iyan ang bungad sa akin ng mga kaibigan ni Ryven nang makalapit ako sa table nila. Sa kahihiyan ay hindi ko alam kung ano ang isasagot ko. Naalala ko na kasi kung ano ang ginawa ko no’ng gabing ‘yon at kahit alalahanin lang ay hiyang-hiya ako tapos aasarin pa nila ako nang ganito? Ngayon pa nga lang na narito ako sa harap nila ay grabeng lakas ng loob na ang hinanda ko para lang sa misyon na ‘to. I can’t imagine also na mapapasayaw ako sa gitna ng party at sexy dance pa talaga. And worst, nang makauwi ako sa mansyon ay sigaw pa ako nang sigaw na tinatawag si Dad para lang sumuka sa harapan niya. 

What the fuck did I just do? Hiyang-hiya ako thanks to Emma na nagpalasing sa akin noong gabing ‘yon. That’s when I promised to myself I’ll never ever drink alcohol anymore. 

“Try this wine, Vanna.” Inabutan ako ni Emma ng isang baso ng wine.

“Thanks,” sagot ko at tinanggap ‘yon.

Narinig ko ang pekeng ubo ni Gin sa tabi ko kaya napatingin ako sa kaniya.

“So that’s what you mean by not drinking alcohol anymore?” nakataas ang kilay na tanong niya. I smiled awkwardly at him at sinenyasan na isa lang.

Narito kasi kami ngayon sa vip room ng bagong bukas na bar ng kaibigan nina Jasper at niyaya nila akong pumunta rito. Hindi na rin ako nakatanggi dahil last night na raw nila ‘yon at patapos na ang midterm break. Bukas ay balik school na sila kaya hindi na masyadong makakapag-bar. Nakilala na rin nila si Gin bilang kaibigan ko, hindi na rin naman kailangan pang palitan ang pangalan niya dahil hindi kilala ang mga butler ng Lauriel.

“Dude, wala pa rin ba si Ry?” tanong ni Jasper kay Jiro na kanina pa abala sa cellphone niya.

“Otw,” maikling sagot lang nito.

Napansin ko ang bulungan ni Emma at Jasper habang may tinitingnan sa cellphone. Na-curious ako kung ano ‘yon pero hindi nila pinapakita sa amin. Nasa kabilang side kasi kami ng table at katabi ko si Gin sa kanan. Si Emma, Jasper, at Jiro naman ang nasa tapat namin pero may sariling mundo si Jiro dahil hindi pa rin maalis ang tingin nito sa cellphone habang naka-headphone.  

Ngayon alam ko na kung bakit mabilis lang nahulog ang loob ng kapatid ko sa kaniya. Well, honestly speaking, effortless nga naman magpa-fall ang lalaking ‘to, dagdag mo pang tanga si Fion kaya mahuhulog at mahuhulog talaga ‘yon.

Maya-maya lang ay biglang bumukas ang pintuan at iniluwal nito si Ryven. Nakasuot siya ng dark blue jacket na in-adjust ang sleeve hanggang siko at black jeans. Nang makita ako nito ay ngumiti siya at agad na lumapit sa akin.

“Vanna!” nakangiting saad niya at umupo sa tabi ko. Nang makita niya si Gin ay nagsalubong ang kilay niya na parang may inaalala.

“And you are…?”

“Gin.” Iniabot nito ang kamay niya at tinanggap naman ‘yon ni Ryven.

“Right. From that night,” tumatangong saad niya habang nakikipagkamay.

“Magkakilala na kayo?” tanong ni Emma sa kanilang dalawa.

“Yeah, sort off,” sagot ni Ryven. Hindi na nagtanong pa si Emma at tumango na lang.

“Dude, watch this, matutuwa ka.” Iniabot sa kaniya ni Jasper ang phone na kanina pa nila pinagbubulungan ni Emma. Tinanggap ito ni Ryven at nang silipin ko ay inilayo sa akin ni Jasper ang phone.

“Exclusively for Ryven,” nakangising saad niya at pinaalis si Ryven sa tabi ko para hindi ko masilip ang kung ano mang video ‘yon. Nagsalubong ang kilay ko at inirapan siya. Ano ‘yan, porn? Kinuha ko na lang ang cupcake na nasa lamesa at kinain ‘yon.

“What the heck! You’re a hot sexy dancer, Vanna!” Naubo ako sa sinabi ni Ryven at mas lumala pa ‘yon nang maramdamang sumabit sa lalamunan ko ang cupcake. Tang*na! Ano nga ulit ang sinabi niya?!

“Shit!” Tumatawang inabutan ako ni Gin ng tubig na agad ko ring ininom.

What the fuck?! So video ko pala ang kanina pa pinagbubulungan at tinatawanan ng dalawa? Muntik na akong mamatay sa cupcake!

“Jasper, delete that video! Hindi ka matutuwa sa gagawin ko!” banta ko sa kaniya pero parang wala lang siyang naririnig at pareho pa silang tumatawa ni Ryven.

“Dude, kung napanood mo lang ‘to ng live baka bigla ka na lang maka-move on sa ex mo,” natatawang saad ni Jasper sa kaibigan na hindi pinansin ang sinabi ko.

“Jasper!” 

“Uh-oh, sadist mode on,” rinig ko pang saad ni Gin at palihim na tumatawa. Nakita ko rin ang ngisi ni Emma habang umiinom ng tubig. Isa ka pa!

Hindi pa rin nila ako pinapansin kaya naman mabilis akong tumalon sa lamesa at sapol kay Jasper kung saan sumakto ang pagsakal ko sa leeg niya. Lahat sila ay lumapit sa akin para tanggalin ang kamay ko sa leeg ni Jasper pero kahit sila ay wala na ring lakas dahil sa kakatawa.

“Delete the video or you’ll die here!” saad ko at inuubo na siya dahil sa sakal ko. Yeah, that’s right, magsimula ka nang mamaalam.

“Farewell, our dearest friend Jasper,” kunyare ay malungkot na saad ni Jiro na ngayon ay tumatawa na rin. 

“OMG! Hindi ko sukat akalain na hanggang dito na lang ang buhay mo. Farewell, Jasper.” Nakisali rin si Emma na  kinukuhanan ng video ang kawawang Jasper.B

“Bawi ka na lang next life, dude.” Sumenyas pa ng pamamaalam si Ryven.

Saka sila tatawa-tawang bumalik sa kaniya-kaniyang upuan. Seriously? Wala bang balak na tulungan ng mga ‘to ang nag-aagaw buhay nilang kaibigan?! Patuloy pa rin sa pagkuha ng video si Emma habang tinatawanan ang pulang-pula nang mukha ni Jasper.

“Tang… ina…. n’yo…” halos hindi na makapagsalita pa si Jasper at pulang-pula na ang mukha dahil sa sakal ko. Serves you right after you took that video without my permission! At ipinanood mo pa talaga kay Ryven! Matutuluyan ka talagang bwesit ka!

“He…to…na…” Iniabot niya sa akin ang phone kaya ako na ang nagdelete sa video. Uubo-ubo siyang napaupo sa sahig nang bitawan ko ang leeg niya.

“Man, I almost died!” Uubo-ubo pa ring aniya.

“Matutuluyan ka talagang mokong ka!” bara ko sa kaniya saka binalik ang phone.

“If I were you, dude, hinding-hindi ko iinisin si Vanna,” makahulugang saad ni Ryven at naalala ko bigla no’ng tinutukan ko siya ng kutsilyo. Nagpeke lang ako ng ubo at bumalik na sa dating upuan.

“I agree,” sabat ni Gin na may kahulugan din.

Saka sila nagtawanan. Pero kahit na deleted na ang video ay hindi pa rin matigil si Jasper sa pag-uusap tungkol sa video ko. Gusto na ata talagang matuluyan nito e. 

“I should’ve seen it live. But thanks to you bro, maaasahan ka talaga sa oras ng pangangailangan,” saad ni Ryven at nakipag-apir pa kay Jasper. Pero hindi pa rin mawala sa isip ko ang sinabi ni Emma noong gabi ng party. Is he pretending again like what he usually do?

“Hindi libre ‘yon, dude. I almost died! I deserve a reward,” nakangising saad ni Jasper.

Inakbayan siya ni Ryven nang makatayo ito. “Okay then, ako na bahala sa date n’yo ni Ems.”

“What? Binebenta mo ba ako, kuya Ry?” nakataas ang kilay na reklamo ni Emma. Nang tingnan siya ni Ryven ay tumawa lang ito.

“Arte mo. Hindi ka naman kagandahan para ibenta,” asar sa kaniya ni Jasper at ngayon ay silang dalawa na ang nagbangayan. Hmm. Pwede.

Tumayo ako nang may maalala.

“Oh, I almost forgot. Jiro, can we talk?” tanong ko at lahat sila ay napatingin sa akin?

“Woah, what’s the meaning of this?” nagtataka na may halong pang-aasar na tanong ni Jasper.

“Just a friendly talk, excuse us.” Ngumiti ako sa kanila bago naunang maglakad palabas ng bar. Naramdaman ko namang sinusundan ako ni Jiro hanggang sa makarating kami sa parking lot.

“What is it?” tanong niya habang nakatalikod pa rin ako. 

“I want to clarify something between you and my sister,” panimula ko nang hindi pa rin tumitingin sa kaniya.

“So you already know. What is it that you want to clarify?” 

Huminga ako ng malalim bago siya hinarap at pilit na ngumiti. Nakita ko ang pagtataka sa mukha niya nang gawin ko ‘yon.

“This.”

Walang anu-ano’y sinuntok ko ang mukha niya na nagpaatras sa kaniya sa pader at gulat na napatingin sa akin.

“What the fuck!” gulat at pagkainis ang naging reaksyon niya.

“Yes. Fuck you! You deserve more than just a punch for hurting and fooling my sister,” inis na saad ko saka umayos ng pagkakatayo. 

Ito talaga ang ipinunta ko rito. Seeing my sister cried in front of me, ‘yon ang unang beses na nakita ko siyang umiyak at dahil pa sa mokong na ‘to. How dare he hurt my sister. 

“Anyways, act normal in front of everyone like nothing like this happened.” Nginisian ko siya bago tinalikuran at umalis doon.

“Tss, how I wish Fion had seen it. Napaka-protective ko namang ate,” proud na saad ko sa sarili at nakangiting bumalik sa loob.

Taka naman akong tiningnan ng lahat dahil sa nakita nilang reaksyon ko. Pumeke ako ng ubo at umupo sa kinauupuan ko kanina. Pati si Gin ay nagtataka rin nang tingnan ako. Ngumisi lang ako pero hindi pa rin maalis ang taka sa mukha niya.

“Nasaan si Jiro?” tanong ni Jasper sa akin, “don’t tell me nakatikim din siya ng impyerno sa ‘yo,” natatawang saad niya pero hindi ako sumagot. Sa halip ay nagkibit-balikat lang ako na nagpawala ng ngiti sa mukha niya.

“Man, you’re a monster,” nanlalaki ang matang saad niya at sakto namang pagpasok ni Jiro sa loob na ngayon ay halata na ang pasa sa gilid ng labi.

“I knew it! How was it, dude?” natatawang tanong ni Jasper pero si Emma at Ryven ay taka akong tiningnan.

“Matatakot na ba ako sa ‘yo?” pabirong tanong ni Emma.

“You really did that?” tanong ni Ryven habang napapalunok. Nang tingnan ko si Gin ay bigla niyang iniatras ang inuupuan palayo sa ‘kin.

“Why? Wala lang ‘yon,” natatawang saad ko dahil sa mga reaksyon nila. 

“Is this what you mean, Vanna? Friendly sun-talk?” natatawang tanong ni Jasper at nilapitan si Jiro.

“Huwag mo takpan, pre! Sandali, kuhanan ko litrato,” hindi pa rin matigil sa pang-aasar si Jasper at kinuha ang cellphone mula sa bulsa para kuhanan ng litrato si Jiro. Inis naman na iniiwas ni Jiro ang mukha at pilit na tinatakpan ang pasa. 

“Gara mo, pre, suki ka sa suntok ah.” Nagtawanan kaming lahat dahil sa sinabi ni Jasper.

“Shut up!” iritadong suway ni Jiro.

Patuloy pa rin sila sa pang-aasar nang biglang mag-ring ang phone ko. Napangisi ako nang makita ang pangalan ni Fion sa screen. Lumabas muna ako ng room para sagutin ang tawag.

“Guess what I did, Fion,” nakangising saad ko nang sagutin ito.

“You two, come here at Lauriel’s hide out now!” nagmamadaling saad niya na pinagtakhan ko. Bakit sila nasa hideout?

“What happened?” kinakabahang tanong ko.

“You won’t believe this,” sagot niya. Nagsalubong ang kilay ko dahil hindi ko alam kung anong ibig niyang iparating.

“Ano nga?!” inis na tanong ko.

“The traitor! We caught the traitor!”