Chapter 3

Madeline's P. O. V.

Pinasakay niya ako sa kaniyang kotse. Wala akong nagawa kundi ang sumama sa kaniya, kahit napapansin ko ang feeling close niya na sa akin. Kung hilahin niya ako akala mo wala siyang ginawang kasalanan sa akin.

"Bakit ba hindi mo na lang ako minessage?" irita kong tanong at sinuot ang seatbelt.

Pinaandar nito ang sasakyan. Wala akong kamalay-malay kung saan niya ako dadalhin ngayon.

"Hindi ko alam ang number mo."

"Pero alam mo kung saan ako nag-aaral?" tanong ko.

Binigyan niya ako ng sulyap, hindi pa matagal ang pagsasama namin pero bumubuo agad kami ng pagtatalunan. Wala akong magagawa, kung ganito ba naman kasi ang ugali niya.

"Your father told me to fetch you. I was looking for you, wala ka sa company at sabi ng Dad mo na uwian mo na at sunduin kita, okay?" iritable ang tono ng kaniyang boses.

"So, bakit mo naman ako hinahanap, anong meron sa kasal natin?" tanong ko ulit.

"My mother made a schedule on my auntie, a fashion designer, she made thousands of wedding dresses. She wants me to take you there."

Napatango ako. Kakapirma lang kahapon pero kailangan na agad asikasuhin, nakakaubos pala ng oras ang kasal na magaganap sa aming dalawa.

"Matanong ko lang ulit, bakit ayaw mo umatras? Hindi ka ba naiinis sa akin--I mean, kakayanin mo ba ako?" tanong ko.

Narinig ko ang pagngisi niya, napatingin ako sa kaniya.

"Kayanin? I am just going to marry you, wala na akong pakialam sa 'yo after that. I have goals in my life, I am a busy man. Wala akong panahon para intindihin ang pag-iinarte mo," aniya.

Napairap ako. Hinawakan ko nang mahigpit ang seatbelt saka tumingin sa bintana.

"Dapat lang, huwag na huwag ka magkakagusto sa akin. Baka mamaya kung ano pang gawin mo sa akin. I will never gonna let you touch me," mataray kong sambit.

"I am not interested in you, Madeline. Stop dreaming."

"Whatever, pinapaalalahanan lang naman kita. Maraming nahuhulog sa ganda ko," mayabang kong sambit, hindi niya ako pinansin. "Saan ba tayo pupunta, parang ang layo naman," irita kong tanong.

"We're almost there. Can you please shut your mouth? You're so talkative, parang walang kapaguran yang bunganga mo."

Hindi ko siya pinansin at tumahimik na lang kagaya ng sinabi niya. Inip na inip na ako. Kinuha ko ang cellphone sa aking bag at nagsalamin sa akinh camera. Nagandahan naman ako sa aking sarili kaya kumuha ako ng selfie. Akmang pipindutin ko na ang camera button pero bigla na lang pumreno si Raven dahilan para maging malabo ang kuha ko sa aking sarili.

"Nandito na tayo," wika niya sabay tanggal ng kaniyang seatbelt.

Napairap ako. Ibinulsa ko ang aking cellphone at tinanggal ang seatbelt ko. Lumabas ako ng kotse, iniwan ko na ang aking bag doon.

"Hoy, Raven!" sigaw ko nang makitang nauna siyang maglakad.

Tignan mo nga naman, dinala niya ako dito pero hindi niya ako mahintay. Tumakbo ako para habulin siya. Pumasok ito sa isang malaking building, puno ng mannequins ang harapan nito at naka-display ang iba't ibang klase ng gown. Masasabi kong ang ganda ng quality nito, paano pa kaya kapag sinuot na.

"Good afternoon, Mr. Aguilar. Your Auntie is waiting at her office," bati ng isang employee.

Tinuro niya ang daan at kami naman ay sumunod lang sa kaniya. Pagdating namin sa isang pinto ay iniwan na kami ng babae. Kumatok doon si Raven.

"Come in."

Binuksan ni Raven ang pinto at tumambad sa akin ang isang malaking office na mayroong mga tela, mannequins, sewing machine. Napatingin ako sa paligid, ang gaganda ng dress na suot ng mannequins.

"Auntie, this is Madeline, my soon to be bride," ani Raven.

Bakas sa mukha niya na napipilitan lang siya sa kaniyang sinabi. Nakakadiri naman siya mag-introduce, akala mo tunay.

"Hello po," I said awkwardly.

"You're so pretty, hija. Mukhang madami kang kaagaw sa babaeng ito, Raven. Mabuti na lang ikakasal na kayo."

Natawa ako ng mahina sa pambobola ng Tita niya. Lahat naman ay nagagandahan sa akin, lahat ng crush ko nagiging crush din ako lalo na noong highschool ako.

"Auntie..." walang emosyong sambit ni Raven, bakas sa mukha niya ang pagkapikon.

"Anyways, I have a magazine here, full of wedding dresses. I hope may mapili kang perfect sa 'yo. Bilang Auntie ni Raven, the wedding gown and suit that you'll pick is my gift on your wedding," aniya.

Napaawang ang labi ko. Ganito sana lahat, manlilibre.

"Hala! Talaga po, Auntie? Thank you po!" masigla kong sabi at kinuha ang hawak niyang magazine.

Tila ba nagulat si Raven sa inakto ko. Tinignan ko siya at pasimpleng inirapan. Naupo ako sa couch at binuksan ang magazine. Puno ito ng wedding dresses na sobrang gaganda.

Naramdaman ko naman ang pag-upo ni Raven sa tabi ko. Napatingin ako sa kaniya na may hawak ding isang magazine na puro suit naman ng lalake. Busy ito sa pagtitingin kaya tinuon ko na lamang ang pansin ko sa magazine.

"Susukatan kita, soon to be Mrs. Aguilar. Tell me kapag nakahanap ka na ng perfect gown for you," ani ng Tiya ni Raven at kumuha ng measuring tape.

"Sure, Auntie. Sobrang gaganda ng wedding gowns niyo. Mukhang pricey din siya, am I right?" ani ko.

Tumango ito at ngumiti. Ang swerte ko naman, isang branded at mamahaling wedding gown ang susuotin ko.

"By the way, couples. Kailan ang wedding day niyo?" tanong ni Auntie.

Napakunot ang noo ko, oo nga pala. Bakit hindi ko alam kung kailan kami ikakasal?

"Teka, kailan nga ba? Hindi ko binasa yung contract," bulong ko kay Raven.

"We'll getting married next week, Saturday."

Bumagsak ang panga ko sa sinabi niya. Hindi ako makapaniwala na matatapos na ang pagkadalaga ko, iilan na lang pala ang natitirang araw ko. Dadalhin ko na ang apilido ng lalaking ito.

"W-What?" tanging nasabi ko.

"That's exciting and kinda rush," ani Auntie.

Napabuntong hininga ako. Kailangan ko na sulitin ang pagiging dalaga ko. Ikakasal na ako next week!

**************

Kinabukasan, para akong lantang gulay buong araw ng klase. Lumulutang ang isip ko, tinawag ako sa recitation at ibang subject ang isinagot ko. Gumugulo sa isip ko ang kasal namin ni Raven. Hindi pa ako handa.

"Maddy, kanina ka pa lutang," puna sa akin ni Roselle.

Nakatayo kami sa gilid ng library at hinihintay namin si Catalina. May kinuha kasi siya sa loob at bawal pumasok ang walang gagawin sa library kaya nasa labas lang kami.

"Alam ko... Hindi ko lang matanggap, tapos na ang maliligayang araw ko ng pagiging dalaga."

Napayuko ako. Naramdaman ko naman ang pagtapik ni Roselle sa likod ko.

"Kung ako nasa kalagayan mo, matutuwa ako na mapangasawa ang isang gwapo, mayaman, matcho, hot papi na si Raven," aniya.

Napalingon ako sa kaniya. Bumusangot ako. Talagang nagawa niya pang pagnasahan ang lalakeng 'yon?

"Hindi siya hot for me," ani ko at tinaas ang dalawa kong palad.

Biglang lumabas si Catalina ng library. Hawak niya ang dalawang libro sa biology.

"Hinihingi nung grade 10 yung number mo, Maddy. Hindi ko binigay," ani Catalina.

"Oo, huwag mo ibigay, ikakasal na 'to--"

Agad kong tinakpan ang bibig ni Roselle dahil lumalakas na naman ang boses niya. Baka kumalat pa sa campus ang tungkol sa pagpapakasal ko. Issue na naman 'yon.

"Ang ingay, Roselle. Sisipain kita," ani ko.

"Tara na, umuwi na tayo," aya ni Catalina sa amin at hinawakan ang braso namin.

Naglakad kami palabas ng campus.

"Tutal malapit ka na maging Misis. Bakit hindi tayo mag-enjoy hangga't Miss ka pa?" ani Roselle.

Napakunot ang noo ko. Napahinto kami sa paglalakad.

"Ano na namang iniisip mo, Roselle?" ani Catalina.

Nabuhayan ang dugo ko. Ano-ano ba ang ginagawa ng mga dalaga na nagsasaya lang sa buhay?

"Mag-Bar tayo!" ani ko kay Roselle.

"Pareho tayo ng iniisip!"

"Ano na naman ba 'to?" ani Catalina at napasapo sa kaniyang noo.

************

Nagtungo kami sa Bar na malayo sa aming school. Tutal pagabi na, masusulit namin ang pagpunta dito. College students naman na kami kaya siguradong papapasukin kami.

"May bayad ba dito?" tanong ni Roselle.

"Hindi ko alam, basta pumila ka," ani ko.

"Lagot ako nito kay Mama," ani Catalina.

"Kami bahala, sasabihin namin inaya kita sa amin para sa assignment," ani ko kay Catalina at hinila ang kamay niya para pumila sa likod ko.

"I.D?" ani ng lalake sa entrance.

Sabay-sabay naming itinaas ang I.D namin. Tinuro niya ang loob hudyat para pumasok kami sa loob. Halos mabingi naman ako sa lakas ng sound system.

"Grabe! Ang ingay!" sigaw ni Catalina.

"Mag-e-enjoy tayo para kay Maddy!" sigaw ni Roselle at hinila si Catalina.

Sumunod ako sa kanila. Naupo kami sa isang pabilog na lamesa at gawa sa bakal na upuan. Agad na lumapit sa amin ang waiter.

"Drinks?" tanong nito.

"Ano bang iniinom na alak dito?" tanong ni Roselle.

"Tequila!" sigaw ko.

Siniko ako ni Roselle.

"Gagi ka!" aniya.

"Three tequila, coming up," ani ng waiter at naglakad paalis.

"Bakit ba? Iyon lagi kong naririnig sa mga pumupunta ng bar," ani ko.

"Baka kung ano 'yon, baka mapaano tayo. Hindi ko iinumin 'yon!" ani Catalina at niyakap ang bag niya.

"Maddy, nakikita mo ba yung nakasuot ng polo na itim? Ang gwapo niya!" sigaw ni Roselle.

Tinuro niya ang lalake na nakaupo sa mahabang upuan sa gitna na may kasamang mga lalake. Hindi ko ito makita nang maayos sa dami ng dumadaan.

"Here's your order, Ma'am."

Nilapag ng waiter sa lamesa ang tatlong baso ng tequila. Kinuha ko iyon at inamoy.

"Mukhang matapang 'to," bulong ko.

Akmang iinumin ko na ito ngunit biglang naramdaman ko ang vibrate ng cellphone ko sa aking bulsa. Agad ko itong kinuha, nakita ko ang unknown number na tumatawag sa akin.

"Hinahanap ka na ba ng Mommy mo?" tanong ni Roselle.

"Hindi si Mommy 'to, teka." Pinindot ko ang accept call.

"Hello?" ani ko.

"Madeline, where--bakit ang ingay diyan, nasaan ka ba!?" ani ng pamilyar na boses sa kabilang linya.

"Raven, ikaw ba 'yan?" tanong ko.

"Nasaan ka!?" sigaw niya.

Napakagat ako sa ibabang labi ko.

"Ha? Ano? Wala akong marinig!” agad kong pinatay ang tawag.