Chapter 4

Madeline's P. O. V.

"Oh! Bakit mo binabaan yung future husband mo?" tumatawang sabi ni Roselle.

"Kilabutan ka nga," irita kong sabi at uminom muli ng alak.

Tumabi sa akin si Roselle saka dinikit ang kaniyang mukha sa akin.

"Kapag ganyang chupapi, hindi na dapat pinapalampas. Kagaya nung lalake na 'yon." Tumuro siya sa mga lalakeng nakatayo sa harapan ng stage. "Tignan mo yung lalakeng nakakulay light blue na polo, mukhang mayaman na Tito na single."

"Huy! Grabe ka na Roselle, narinig ko 'yon kahit malayo." Umirap si Catalina sabay inom ng alak.

"Chismosa ka. Tara na, lapitan natin. Malayo pa lang mukha nang mababango," ani Roselle sabay hawak sa aking kamay.

Tinignan ko si Catalina para sumama rin sa amin pero pinangunahan niya ako ng pag-iling saka tinaas ang baso ng alak niya.

"Saglit lang, maglalandi muna kami," ani ko.

"Enjoy, girls!" tumatangong sabi ni Catalina.

Bakas naman sa mukha ni Roselle ang kilig habang papalapit kami sa mga lalakeng naroon. Napatingin sa akin ang lalakeng naka-white na polo. Mukhang magbabarkada ang mga ito, ngumiti siya nang magtama ang mata namin.

"Hi, are you the girl from the dating app?" aniya sa akin.

"W-What?" naguguluhan kong sambit.

"Mukhang single, dating app daw," bulong ni Roselle sa tenga ko.

Napangiti naman ako, tila ba may kung anong kumiliti sa akin at nakaisip ako ng kahuratan. Nilapitan ko ang lalakeng naka-white na polo saka humawak sa braso niya.

"I'm sorry, nakalimutan ko kasi yung itsura mo. So, you're the guy that I've been talking to--for how long na nga ba?" tanong ko.

Bigla niya akong inakbayan. Napansin ko ang kamay niyang mahigpit na humawak sa balikat ko.

"For a week, sa wakas nag-face reveal ka rin." Tinitigan niya ako sa mukha ko.

Halata namang gandang-ganda siya sa akin. Bahala na kung sino man yung babaeng dapat ka-meet up niya.

"Chikababes pala talaga yung kausap mo sa dating sites, pare. I will try that too, wish me luck!" ani ng lalakeng naka light blue na polo.

"Bakit ka pa pupunta sa dating site, kung nandito na ang kaibigan ko. Meet my best friend, she's..." tinignan ko si Roselle.

Pinanlakihan ko siya ng mata.

"Catalina!"

Napakunot ang noo ko sa pangalan na binanggit niya. Nakipagkamay pa siya sa lalake, nakakapagtaka naman na pangalan pa ni Catalina ang ginamit niya? Mukhang wala siyang balak seryosohin ang gabing ito, flirting stage pa rin pala si Roselle, samantalang ako ay tatalon na agad sa wedding stage.

Nakakainis, tuwing naiisip ko na ang bilis ng mga nangyayare. Hindi man lang kami dumaan ni Raven sa flirting stage, getting to know each other stage at committing stage.

"I've been waiting for you. Gusto mo ba magpahinga sa loob ng VIP room?" tanong niya.

Napairap ako, hindi pala landi lang ang habol nito. Mukhang kapag sumama ako ay ikakama ako agad. Over my dead body, no way.

"Uhhmmm... About that..." Unti-unti kong tinanggal ang pagkaka-akbay ko sa kaniya.

"What?"

Nasagap ng aking mata ang upuan namin, kung saan naiwan si Catalina. Nanlaki ang mga mata ko nang makitang may katabi na siyang lalake roon na may kulay ang buhok at nakangiti sa kaniya. Agad akong kinutuban ng masama dahil hindi naman gusto ni Catalina ang makipaglandian.

"Bes!" tawag ko kay Roselle.

Napatigil siya sa pakikipaglandian sa lalakeng naka-light blue na polo dahil napatingin siya sa akin. Muli akong lumingon sa upuan ni Catalina at nakita kong umusog ito palayo sa lalake pero dumikit sa kaniya ang lalake. Nang makita kong umangat ang kamay ng lalake sa balikat ni Catalina ay hindi ako nagdalawang isip na tumakbo.

"HOY! BITAWAN MO ANG KAIBIGAN KO!" sigaw ko.

Hindi ako narinig ng lalake, maski si Catalina. Sobrang lakas kasi ng tugtog kaya halos hindi na magkarinigan. Naramdaman ko naman ang presensya ni Roselle sa likod ko na sumunod sa akin.

"ROSELLE! MADDY!" sigaw ni Catalina nang makita kami. Tumayo siya at lumapit sa amin.

Nagulat naman ang lalakeng katabi niya, hindi ako nagdalawang isip na kuhanin ang isang baso na may lamang alak at binuhos sa lalake.

"Napakabastos mo! Ilang beses niya ako sinubukang hawakan, inaaya niya ako sa kwarto! Hindi ako pick me girl!" sigaw ni Catalina.

Kumulo ang dugo ko sa mga narinig ko. Napagkiskis ko ang mga ngipin ko sa sobrang gigil.

"Sino ba kayo, ha? Bakit ba kayo nangengealam dito!?" sigaw ng lalake.

"Tarantado ka pala! Kaibigan niya kami, gunggong!" sigaw ko at agad na sinapak ito sa pisngi.

Halos masubsob siya sa lamesa dahil sa lakas ng suntok ko.

"Bastos ka!" sigaw ni Roselle.

"Lintek na mga bata kayo!" sigaw ng lalake.

Hindi ako natigil. Kinuha ko ang bote ng alak at marahas na binuhos sa kaniya. Sa sobrang galit nito ay tumayo siya at umakma sa akin.

"Ano! Sige! P*tangina mong bastos ka!" sigaw ko.

"P*****a kang--"

Handa nang tumama sa akin ang kamao ng lalake pero bigla na lang may sumalo sa kamay nito. Nagulat ang lalake nang may tumabig sa akin, naamoy ko ang pamilyar na pabango nito.

Kusang nanlaki ang mga mata ko sa gulat nang makita si Raven. Tila ba bumagal ang ikot ng mundo ko sa ginawa niyang pag-ikot sa kamay ng lalake at hinawakan nito ang balikat saka pinatalikod. Bumagsak ang lalakeng manyak sa lamesa.

"Don't you dare touch that woman."

Hindi malakas ang kaniyang pagkakasalita ngunit sapat na para marinig ko. Napakurap ako ng ilang beses dahil hindi ko akalain na ipagtatanggol niya akong muli. Hindi ako sanay na mayroong lumalaban bukod sa akin, na handang sumalo ng suntok para sa akin.

"Bes, yung future mo!" sigaw ni Roselle sabay tulak sa akin.

Bigla akong nagising sa reyalidad. Dumating na pala ang mga bouncers at hinila ang lalakeng bastos palabas. Humarap naman sa amin si Raven, magkasalubong ang kilay niya at bakas ang galit nito sa kaniyang mukha.

"Paano nalaman ng soon to be husband mo na nandito tayo?" tanong ni Catalina.

"I tracked her location." Napalingon kami kay Raven nang siya ang sumagot.

Inayos niya ang kaniyang suot na polo habang papalapit sa amin.

"Bantay sarado na agad, hindi pa kasal," bulong ni Roselle.

"I heard that. Kaya nga pinoprotektahan ko si Madeline dahil inutos ng magulang niya, hindi rin ako iresponsableng tao. I know my duty as her fiance." Hinawakan ni Raven ang braso ko.

Nagpumiglas ako pero mas hinigpitan niya pa ang pagkakahawak sa akin.

"Ano ba? Sabihin mo sa parents ko, malaki na ako at kaya ko na tumayo sa sarili kong paa. Hindi niyo 'ko kailangan i-baby!" sigaw ko.

"I can't believe may gana ka pang gumanyan. Stop being a stubborn and go home! Hinahanap ka sa akin ng magulang mo, they are assuming that you're with me. Meaning, hindi nila alam kung nasaan ka!"

Napataas ang kilay ko. Mukhang akala nila Mommy nagkasundo na kami ng lalakeng 'to para isipin niyang kasama ko ang siraulong 'to.

"Ano bang pakialam mo!?" sigaw ko at bahagya siyang tinulak sa kaniyang dibdib.

Hindi man lang siya nagalaw sa kaniyang kinatatayuan mula sa pagkakatulak ko. Napakalakas naman niyang lalake?

"Tama na, Maddy. Hindi dapat kayo mag-away, ikakasal kayo tapos hindi kayo magkasundo ng chupapi mo," bulong ni Roselle sa tenga ko sabay hawak sa aking braso.

Naramdaman ko naman ang kamay ni Catalina na humahagod sa likod ko.

"See? Kaya ayoko magpakasal sa lalakeng 'yan. Pakiramdam ko, masasakal lang ako lalo. I want freedom, ngayon ko pa nga lang na-eenjoy yung pagkadalaga ko. Kaka-eighteen ko pa lang, and I want to feel what teenage girls usually do!" sigaw ko at pumadyak pa.

"Shut up, you'll come with me, whether you like it or not." Hindi ako nakatanggi nang hilahin bigla ni Raven ang kamay ko.

Sa sobrang lakas niya ay wala akong nagawa. Napatingin ako sa dalawa kong kaibigan na naiwan ko, malungkot ang mga mukha nila at bakas ang pag-aalala. Hindi ko man lang na-enjoy ang gabing ito, na akala ko magiging masaya dahil kaunti na lang ang natitirang oras ng pagkadalaga ko.

"BITAWAN MO NA AKO!" sigaw ko dahil pakiramdam ko sumasakit na ang kamay ko sa pagkakahawak niya ng mahigpit.

Tuluyan kaming nakalabas ng bar, binitawan niya ako nang nasa parking lot na kami.

"Ihahatid muna kita, sumakay ka na sa kotse ko," utos niya.

"Ayoko---"

"Hindi mo ba naisip na mas napapahamak ka lang sa mga ginagawa mo!? Paano kapag napagalitan ka pa?" aniya gamit ang iritableng tono.

Pumamewang ako, pakiramdam ko umuusok na ang ilong ko sa sobrang galit sa kaniya. Ang lakas ng kabog ng puso ko dahil sasabog na ako. Gusto ko lang mag-enjoy, maging masaya. Kasama ang mga kaibigan ko.

"Ikaw na ang nagsabi, ikakasal lang tayo pero sa papel lang."

Tumitig siya sa mga mata ko.

"Yes, it's true. Kaso hindi mo maintindihan na kailangan ko ang kasal na 'to para sa pamilya ko, para sa future ko. I am doing this to gain a trust from your parents, para makita nila na okay lang kung ipagkakatiwala ka nila sa akin. I am doing this not because I want to, but because I need to."

Natahimik ako sa sinabi niya. Masama pa rin ang timpla ng kaniyang mukha at bakas ang galit nito. Napairap ako sa kaniya, hindi ko na alam ang isasagot ko.

"Sumakay ka na."

Narinig ko ang pagtunog ng katabing kotse kung saan dumiretso si Raven. Binuksan niya ang pinto ng passenger seat. Tinuro niya iyon sabay tingin sa akin ng masama.

Wala akong nagawa kundi ang sumakay doon. Una kong napansin ang amoy ng kaniyang pabango sa loob ng kotse, hindi amoy ng air refresher.

"What's the problem?" tanong niya nang makaupo ito sa aking tabi.

Mukhang napansin niya ang pagsinghot ko sa paligid.

"Wala, mabango lang, yung pabango mo," ani ko sabay hila sa seatbelt.

"Huwag mo na uulitin 'to, aalis ka sa inyo nang walang paalam."

Tinignan ko siya ng masama. Para ko siyang kuya na nagpapangaral sa akin ah?

**************

Pagdating sa bahay ay sinalubong kami ng kasambahay.

"Ma'am at Sir, nandito po pala kayo. Kakaakyat lang nila Madam sa kwarto nila. Tatawagin ko ho ba?" tanong ni Manang.

"Hindi na, hinatid lang naman ako ni Raven---"

"Sige po, Manang. Pakitawag na sila."

Nanlaki ang mga mata ko kay Raven. Mukha namang naguluhan si Manang, pero mas ikinagulat ko nang umakyat ito sa hagdanan at sinunod ang utos ni Raven.

"P*****a, ako ang nakatira dito, bakit kasi umepal ka pa? Ikaw pa ang sinunod!?" inis kong sabi sa kaniya.

Pinamulsa niya ang kaniyang dalawang kamay saka tumayo ng tuwid sa harapan ko.

"I am your fiance."

"Kapal, porket fiance. Hindi naman totoo, acting lang naman!" reklamo ko.

Nakarinig kami ng footsteps kaya natahimik kami ni Raven. Napatingin kami sa hagdanan. Nang makita ko ang kilay ni Mommy na magkasalubong ay agad na akong kinabahan. Mukhang may alam si Mommy, baka pagalitan nga ako.

"Madeline!"

Napapikit ako ng mariin, pagtawag pa lang sa pangalan ko... Mukhang sasamain ako.

"Who told you that you're already allowed to party in a club!?"

Nanlaki ang mga mata ko, napatingin ako kay Raven. Paanong nalaman ni Mommy 'yon?

"Sinumbong mo ba ako!?" hindi ko napigilan ang sarili ko. Hinawakan ko ang kwelyo ng polo ni Raven kahit na mas matangkad siya ay inabot ko ito.

Napaawang ang labi ko nang magawa pa nitong mag-smirk. Ang yabang ng dating niya!

"He's just concerned and told me where you are. Hindi ko akalain na ang kagaya mo magagawang mag-party sa mga ganoong lugar? Hindi kita pinag-aral para maging party girl!" sigaw ni Mommy.

"Hon, calm down. Baka tumaas ang presyon mo niyan," sumulpot si Daddy dala ang kaniyang cellphone.

Sa sobrang inis ko sa mga sinabi ni Mommy ay hindi ko napigilan ang sarili kong tabigin ang halaman na nakapatong sa side table. Napaatras si Mommy, napasigaw naman si Yaya sa gulat. Kitang-kita ko ang pagsalubong ng kilay ni Daddy.

"Hindi mo kailangan magdabog, manira ng gamit dahil lang galit ka at pinagsasabihan ka. If you didn't disobey us, we will not nagged about your wrong doings, Maddy." Akmang hahawakan ako ni Daddy pero umatras ako.

"Ganyan naman kayo palagi, kinokontrol niyo yung buhay ko. Since elementary, kayo nagdedesisyon kahit kung sino yung dapat kong kaibiganin. When you heard my friend cursed, sabi niyo agad lumayo ako sa taong ganoon. Now pati ang pag-aasawa ko kayo ang pipili? I just can't accept my life right now!" sigaw ko at pumadyak.

"Maddy, enough---" Napalingon ako kay Raven nang magsalita ito.

"No, Raven! Hindi ko matatanggap na hindi ko mararamdaman yung dream kong teenage life!" sigaw ko at tumalikod.

Dali-dali akong naglakad palabas, naririnig ko ang pagtawag sa akin ni Mommy, Daddy at Yaya. Hindi ko sila pinakinggan. Pakiramdam ko sasabog ang puso ko sa sobrang galit, sa inis at pagkalungkot.

"Taxi!" sigaw ko nang may makita akong taxi na dumaan.

Hindi niya ako hinintuan dahil may sakay pala siya sa loob. Naglakad pa ako sa kalsada mag-isa. Pinipigilan kong maiyak sa sobrang inis.

"Maddy!"

Nakarinig ako ng malakas na busina ng motorsiklo. Isang lalake ang humila sa akin papunta sa gilid ng kalsada, hindi ko na namamalayan kung saan ako papunta. Nanghihina akong napaupo sa kinatatayuan ko.

"Maddy---"

Napakunot ang noo ko nang pamilyar na boses ang narinig ko.

"Bakit ba nakiki-Maddy ka!?" sigaw ko.

***********************