AYW - 38

"Oh, ano 'yang ginagawa mo? Dinadasalan mo ba 'yang pagkain?" tanong ni Lee nang makita nila si Samantha sa kusina na nakaupo sa harap ng mesa at nakatitig sa pinggan na may laman na pagkain.

"Baka nilalagyan ng orasyon. Kanino mo balak ipakain 'yan?" sabi naman ni Simone na kasama niyang dumating. Narinig ni Samantha ang sinabi ng dalawang binata. Napasimangot siya at tumingin sa kanila.

"Oh, bakit ganyan ka makatingin, may sinabi ba kaming masama?" natatawang tanong ni Lee habang lumalapit sa dalaga. "Ikaw ba ang nagluto nito?" tanong niya nang makalapit at saka napatingin sa pagkain.

"Ang tanong, anong klaseng pagkain ba 'to?" biro ni Simone. Isang matalim na tingin ang ibinato ni Samantha sa binata.

"Huwag mo nga akong tingnan ng ganyan na para bang gusto mo akong kainin ng lupa," natatawang sabi niya saka ginulo ang buhok ng dalaga. "Ano ba kasi ang meron sa pagkain na 'yan at pinakatitigan mo?" tanong niya pa habang tumatabi sa dalaga.

"Niluto ko," simpleng sagot ng dalaga.

"Nil