APKF-29

Hugo's Pov

Binalibag ko ang lahat ng gamit na makita at madaanan ko.

"Buwesit!" galit kong sigaw sa hangin.

Pinagsusuntok ko ang pader dahilan upang tumiklop ang balat ko sa aking kamao at lumabas ang dugo mula roon. Naramdaman ko ang matinding hapdi pero binalewala ko ito.

Pumupuyos ang kalooban ko sa lalaking iyon. Gustong-gusto ko siyang sakalin ngayon, pero papano? Binali niya ang isang braso ko!

"Fuck!" gigil ko pang sigaw.

Pumasok ako sa kusina at kumuha ng maiinom na beer sa refrigerator gamit ang isang braso ko. Nasa bahay ako ngayon at wala sa condo namin ni Janna. Mabuti na rin at wala rito ang babaeng iyon. Dahil kung nagkataon, mapupuno na naman ng talak ang tenga ko ngayon lalo na kapag nalaman niya ang ginawa ko kanina.

Alam kong wala na kami ni Jheanne, at ako ang dahilan ng pagkawasak namin, pero napag-isip-isip ko na mas bagay talaga kaming dalawa kaysa sa bestfriend niya, at gusto ko siyang bawiin sa lalaking iyon.

"Ubi? Hahaha! Bakit naman ganoon ang pangalan niy