APKF-35

Makati Medical Hospital

Jheanne's Pov

Isang puting silid ang nakita ko nang imulat ko ang aking mga mata.

Nasaan ako?

Nagsimulang maglikot ang mga mata ko sa paligid at hinahanap ang taong huling nasilayan ko bago ako nawalan ng malay sa labas ng Café.

Pero dumapo ang mga mata ko sa taong hindi ko inaasahan na narito ngayon at nakaupo sa gilid ng kama at nakangiting nakatingin sa akin.

"H-Hugo..." malat ang boses na sambit ko sa pangalan niya.

"How are you, Jhe? Bakit ka ba sinugod dito sa Hospital? Alam mo bang alalang-alala ako sayo?" Umangat ang kamay niya at hinaplos ang noo ko. "Iniwan ko nga ang meeting ko para puntahan ka dito."

Nginitian ko si Hugo pero ang kabaliktaran niyon ay nalulungkot ako dahil ang taong hinahanap ko ay wala rito ngayon. Hindi kaya mas pinili niya ang babae niya kaysa sa akin? Naalala ko ang babaeng iyon, nakita ko na iyon sa Cebu. Pero sinabi ni Ubi na hindi niya ito kilala.

Bakit siya nagsinungaling sa akin noon?

Parang piniga ang puso ko sa isiping