Chapter One Hundred-Fourteen: Katotohanan

“PAANONG nangyari na marunong lumaban ang asawa ko?!”

Napalunok si Theo nang galit na sumigaw si Stella pagkapasok nila sa hide out na ginawa ni Stella noon na nakakonekta sa kaniyang opisina. Tinignan ni Vanessa si Theo at pinanlakihan ito ng mata na tila nagsasabi na magpaliwanag ngunit umiling lang si Theo.

Humarap sa kaniya si Stella kaya napatayo ng maayos si Theo, kagagaling lang nila sa Hacienda nila upang tulungan sila Philip na tapusin ang mga tauhan ni Eduardo ngunit natigilan siya ng makita ang pagbaril ni Ace sa mga kalaban lalo na ang pagbigay ni Philip ng mask kay Ace.

“Sagutin mo ako Theo! Paanong nangyari na napabilang ang asawa ko sa agency!” napapitlag ito dahil sa muling pagsigaw ni Stella “H-Hindi ko alam Stella,” hindi nagustuhan ni Stella ang sinasabi ng kaibigan kung kaya kinuha nito ang isang patalim na malapit sa kaniya at ibinato sa lalaki. Agad naman nakaiwas si Theo habang nanlalaki ang mata.

Doon na umaksyon si Vanessa na nagsisilbing mata nila sa p