Chapter 77

Nang marinig ni Igneel ang pangalan na Jefferson, naalala niya lang ang nag message na nakita niya sa laptop ni Aricella.

“Nabasa mo ang sinabi niya?” tanong ni Igneel.

Nagtaka naman si Aricella sa tanong nito. “Uhm oo kasi hawak ko ang cell phone ko kanina habang nasa meeting—“

“Mas inuna mo siyang i-message kaysa sa akin na alam mo rin na nag-aantay ako rito, ganoon ba?” tanong pa ni Igneel, baka sa boses nito ang pagtatampo.

Mas lalong kumunot ang noo ni Aricella dahil sa sinabi ni Igneel, hindi niya pa rin naitindihan ang ibig sabihin ito.

“Bakit parang galit ka? Nabasa mo ba ang message niya?” Nagtatakang tanong ni Aricella.

Umiwas ng tingin si Igneel dahil hindi niya alam kung sasabihin niya ba o hindi na nabasa niya ang sinabi ng lalaking iyon. Nahihiya siya kay Aricella na sabihin pa iyon dahil hindi niya naman iyon ginagawa noon, ngayon lang talaga na sinubukan niyang pakealaman ang kahit na anong gamit ni Aricella. Pero inaamin niya sa kanyang sarili na naiinis siya sa l