Chapter 115

Hindi pa rin nakapasok sina Aricella at Jennica sa loob ng maliit na bahay dahil tulad ng sinabi ng taong kausap ni Jennica, hindi sila makakapasok hangga't hindi umaalis ang sumusunod sa kanila.

"We need to find that person kung sino man ang sumusunod sa atin," galit na sabi ni Jennica at naglakad.

Sumunod si Aricella, kinakabahan na siya dahil pakiramdam niya parang may mali sa nangyayari ngayon. Hindi na dapat sila umalis ng bahay at maniwala sa taong kausap ni Jennica.

"We should go home, Ate. Iba ang pakiramdam ko sa taong kausap mo at iba rin ang pakiramdam ko sa taong sumusunod sa atin, baka malagay tayo sa panganib sa parehong paraan," nag-aalalang sabi ni Aricella.

Bumaling si Jennica sa kanya. "Hindi nga tayo aalis dito, Aricella. Hindi tayo aalis hangga't wala akong nakukuhang sagot mula sa taong kausap ko."

Nagpatuloy sa paglalakad si Jennica para hanapin ang taong sumusunod sa kanila pero ilang minuto silang naghahanap, wala silang mahanap dahil lahat ng kotse na nar