KABANATA 14 I SHE REFUSES TO REMEMBER

Pagkagising niya ay agad siyang tumakbo sa banyo at sumuka sa lababo. Napaupo siya sa sahig at wala namang lumalabas sa kaniyang bunganga. Matagal siyang natapos bago tuluyang naghilamos ng bibig at mukha.

Pakiramdam niya ay masamang-masama ang pakiramdam niya, humiga siya sa kama ng dalawang minuto. Nagising siya sa tunog ng alarm at nagulat nang makitang mabilis na lumipas ang oras.

Parang limang minuto lang siyang nakahiga sa kama, hindi niya namalayan na dalawang oras na pala ang lumipas.

“Via? Ayos ka lang ba?” tanong ni Willow habang kumakatok sa pinto mula sa labas.

Bumangon si Via sa kama at tiningnan ang namumugto pa rin niyang mukha.

“Lalabas na ako saglit lang,” sagot niya habang naglalakad papuntang banyo para linisin ang sarili.

Pumunta siyang dining room, kita niya na nakahanda na ang lahat ng almusal sa mesa. Kita niya rin si Willow na mukhang abala sa paglilinis ng kawali sa lababo. Nakaramdam siya ng pagkailang nang makitang nagtatrabaho si Willow nang mag-isa dahi