Kabanata 24

“Sebastian? Anong ginagawa mo sa lugar na ito at—”

Hindi makapaniwala si Nicole nang makita niya si Sebastian at bago pa niya matapos ang sasabihin ay biglang umalis si Sebastian na parang isang hangin lamang. Dinaanan lamang siya nito.

“Weird,” sabi ni Nicole na nagtataka. Mabilis naman siyang nagpatuloy sa paglalakad na agad pumasok sa kwarto kung saan naroroon si Allison.

Subalit ang kanyang nadatnan ay muling nagpagulat sa kanya. Nakita niya si Adrien Castro na ngayon ay nakahandusay sa sahig, wasak ang kamay at binti nito. Halos hindi bababa sa dalawampung bangkay ang nakakalat sa buong paligid.

‘Sino ang gumawa nito sa 'yo?’ tanong ni Nicole sa kanyang isip habang nakatitig pa rin kay Adrien.

Bigla namang sumagi sa isip ni Nicole si Sebastian na nakasalubong niya at tumatakbo.

‘Maaari bang siya ang may gawa nito?’ aniya sa kanyang isip.

“Hmm...”

Sa sandaling ito, bigla namang nagising si Allison mula sa pagkakatulog.

“Allison!” agad namang nilapitan ni Nicole si Allison upang yak