Kabanata 2

“Naaalala mo na ako, Mommy?” nagliwanag ang mukha ng umiiyak na bata. Puno ng pag-asa siya nitong tinitigan. “I knew it! Mommy will never forget me!”

Sunod-sunod na napalunok si Yasmien at napahiwalay ng yakap sa batang lalaki. “Nasaan ang Daddy mo, bata?”

“It's Lance, hindi bata!” muli na naman itong nanlumo. “Hindi mo ako na-remember… you…”

Natikom niya ang bibig. Mas nag-aalala siya para sa sitwasyon ng bata ngayon. Dahil gabing-gabi na at delikado ang lugar nito. Paano na lang kung nadampot ito ng mga masasamang tao at ibenta?

Ano ba namang klaseng mapagbaya na mga magulang mayroon ang batang ito?

Tumayo siya para pumunta sa kalapit na kusina at kumuha ng mineral na tubig saka iyon inabot sa batang lalaki.

“Tahan ka muna. Paano ka ba napadpad sa lugar na ito?” tanong niya.

May pag-aalinlangang tinanggap ng bata ang baso ng tubig saka iyon tinitigan. “Is this safe to drink, Mommy? Madumi ‘yung glass.”

“P-Pasensya na. Luma na kasi ‘yang baso pero ‘wag kang mag-alala, hindi naman siya marumi.”

“Okay.” saka lamang iyon ininom ng bata.

Sa isip-isip ni Yasmien ay talagang nanggaling sa mayamang pamilya ang bata. At kadalasan pa naman sa mga mayayaman ay walang pakialam sa mga anak nila, pinapaalaga lamang sa mga katulong o yaya!

“Mommy, when you left, I swore I would find you no matter what! Kaya po nang ma-locate kita, nagtravel na agad ako.” may pagmamalaki sa boses nito sa kabila ng panlulumo. “I spent my whole life looking for you, mommy…”

Napalaki ang butas ng ilong ni Yasmien sa narinig. “I-Ilang taon ka na nga ulit?”

“Six!”

“Six…!” nahilot niya ang kanyang sintido. “Paano ka nakapag-travel mag-isa at anong locate-locate your whole life na sinasabi mo sa edad mong ‘yan? Teka lang, may kasama ka ba? Hindi puwedeng magtravel mag-isa ang bata. T'saka saan ka ba nakatira? Malapit ka lang ba rito sa probinsya?”

“Mommy, I’m smart enough to bring my yaya with me, of course. But we came from Manila all the way here just to bring you back to our home!” nananabik na kinuha ng bata ang kamay niya. “Let's go back na, Mommy! Don't mind our Daddy when he sees you, I hate him so much. Ako na po ang bahala sa'yo sa mansyon, kaya tara na, Mommy!”

“S-Sa Manila?” bumilis ang tibok ng puso niya. Napatayo siya sa paghila nito ngunit hindi siya nagpatangay. “Sandali lang, ha? Bata, nagkakamali ka. Hindi ko alam kung nasaan ang tunay mong ina, pero hindi ako siya. Ganito na lang, bakit hindi na lang kita ihatid sa yaya mo?”

Rumehistro ang maiiyak na ekspresyon sa mukha nito. “Mommy, what do you mean? Alam ko na it’s you… please, galit ka ba sa ‘kin, mommy? Ayaw mo na ba sa ‘kin? I’m your biological son!!”

Napakamot siya sa ulo, hindi malaman ang gagawin. Mukhang magta-tantrum pa ang batang ito.

Subalit sa kalagitnaan ng diskusyon sa bata ay muli na namang may kumatok sa kanyang pintuan.

“Sino ‘yan?” May pagtataka siya roong bumaling ng pansin, ngunit walang tumugon. “Mina? Ikaw ba ‘yan?”

Naglakad siya sa pintuan at may pag-aatubili iyong binuksan. Subalit tumambad sa kanya ay hangin, walang tao—

“Um…” may humila ng kadulu-duluhan ng damit niya.

Nang yumuko siya ay isa na namang batang lalaki ang kanyang nakitang nakatingala rin sa kanya!

At kamukhang-kamukha ito ng batang lalaking si Lance!!

“A-Anong…” nahilo siyang bigla at napahawak sa pader para masuportahan ang kanyang sarili. “Bakit merong duplicate…”

“Rence?! What are you doing here, you idiot!” galit at may pag-aalalang lumapit ang batang si Lance sa kamukha niyang bata upang hilain ito papasok sa kubo ni Yasmien.

Hindi katulad ni Lance na maingay, si Rence ay nanatiling tahimik at nakatikom ang bibig. Gumamit ito ng mga senyas sa kamay habang nakatingin kay Lance.

“What do you mean you followed me?!” mas nagsalubong ang kilay ni Lance habang pinapanood ang pag-sign language ng kanyang kambal. “You're really an idiot! What if you came across some bad guys? You didn't bring your nanny with you?! Do you want your digestive system to go on sale on the market or something?!”

Bumakas ang takot sa mukha ng kambal ni Lance at kaagad itong nanginig sa pagalit pa sa kanya.

Nang makabawi naman ng lakas si Yasmien ay agad niyang pinaggitnaan ang dalawang magkamukhang bata.

“S-Sandali, sandali lang! Huwag mo siyang awayin.” pagpapakalma ni Yasmien kay Lance. “Sino siya? Kakambal mo?”

Humaba ang nguso ng batang si Lance. “K-Kind of… His name is Von Lawrence, but you once always called him Rence.”

Hindi nga siya ang ina! Gusto niyang mataranta sa mga nangyayari. Kanino bang mga anak ito? Bakit nasa bahay niya ng ganitong oras? Paano kung makasuhan siya bigla ng kidnapping?! Isa ba itong trap??

Kinalma niya ang sarili at humarap sa batang si Rence. Bahagya pa siyang yumuko at lumuhod upang mapantayan ito. “Bata, nasaan ang mga magulang niyo? Paano ka naman nakarating dito?”

Ang malalaki at mapupungaw na mga mata ng bata ay puno ng pagtataka at pagtatanong na nakatitig sa kanya. Bumuka ang manipis nitong labi subalit walang salita na lumabas. Sa halip ay gumamit ito ng sign language, na hindi naman ni Yasmien naintindihan.

“Mommy, he can't speak. He can hear you but he doesn’t understand Tagalog anyways…” napapabuntong-hiningang saad ni Lance sa kanyang tabi. “Unlike me, hindi ka niya naaalala because he's too stupid.”

Nahilot ni Yasmien ang kanyang sintido. “Kasi nga hindi naman talaga ako ang ina ninyo. Ihahatid ko na lang kayo pabalik sa mga kasamahan niyo, okay?”

“Mommy, please! Stop playing pretend! I know you remember us. We are your sons!” determinado at puno ng paninindigan sigaw ni Lance sa kanya.

Akma na sana siyang magsasalita nang may isang boses ang nakauna sa kanya at nangibabaw sa lugar.

“Moron! Stop your delusions, Lance!”

Napalaki ang mga mata ni Yasmien at napatingin sa pintuan kung saan nanggaling ang boses ng batang lalaki.

Gano’n na lang ang gulat niya nang makita ang isa pang kamukha ni Lance at Rence na nakatayo roon! Ang pinagkaiba lamang ay mayroong suot na salamin ang batang iyon sa mga mata, ngunit kuhang-kuha nito ang mukha ng dalawang bata! Napaawang ng husto ang bibig niya.

“P-Posible ba ‘to? Namamalik-mata lang ba ako?” napakusot-kusot pa siya ng mga mata subalit hindi nawala ang pangatlong bata sa kanyang pintuan, sa halip ay pumasok pa ito sa loob para galit na humarap kay Lance.

“Lance, I don't know what you're doing here with this stupid woman. Matagal na tayong iniwan ni Mommy at matagal na siyang namatay!” giit ng pangatlong bata.

“Anong ginagawa mo rito, Leo?! I didn't ask you to come with me! Bakit niyo ba ako sinusundan dalawa ni Rence?!”

“Because you're doing something so stupid like this!”

“She's our mother!!” pagturo pa ni Lance sa naguguluhang si Yasmien.

May matalim na mga matang pinasadahan ng pangatlong bata na si Leo si Yasmien. “She’s… not our mother. She may look like it. But she's not our mother! Remember Dad risked everything to find her? Pero ano? Matagal nang patay si Mom!”

“Shut up, Leo!”

“You shut up, you moron! Dahil sa ginagawa mong ‘to, alam mo ba na muntik pang mapahamak si Rence?”

“Hindi ko naman siya pinapasunod sa ‘kin! Hindi ko nga alam na sinusundan niya ‘ko!”

“Kasi nga hindi ka nag-iisip! You know how much he's attached to you, and you left him behind! Kung hindi ko pa siya sinundad, malamang susunod na rin siya kay Mom sa kabilang buhay!”

“Hindi patay si Mommy!!” galit na galit na nagmartsa si Lance patungo kay Yasmien at yumakap sa hita nito. “I told you she's here!”

Subalit mas galit ang mukha ni Leo. “Dad is looking for us, you know that? You're in big trouble. At hinding-hindi ko na ipagtatanggol ‘tong kalokohan mo. Explain everything to Dad on your own!”

“I'm not asking for your protection anyway! I'm bringing Mommy back home. Magsama kayo ni Daddy!”

Napako ang paningin ni Yasmien sa batang si Rence. Ang hindi makapagsalita na bata ngayon ay nanginginig na sa takot at tahimik na umiiyak, habang takip-takip nito ang dalawang tainga.

Samantalang patuloy paring nagbabangayan ang dalawang bata na sina Lance at Leo.

Hindi mainitindihan ni Yasmien ang mga nangyayari. Nagkakagulo ngayon sa kubo niya ang tatlong bata na may magkakaparehong mga mukha, tangkad, at kasarian.

Triplets… may triplets ngayon sa kubo niya!!

Kanino bang mga anak ito!?