Chapter 2

I can't belive this!

Nang bumalik ang mga kaibigan ko sa pwesto namin ay medyo may lumingon pa sa amin dahil sa grabe yung ingay na ginagawa nila. Hindi ko alam kung ano ang pinagtatawanan nila. At nang sumulyap ako sa kabilang pwesto ay nakatingin din sila sa amin. And worst, Kyle is also looking at me! Teka, bakit sa akin? Eh hindi naman ako maingay gaya ng mga kaibigan ko na parang abnormal kung tumawa. Pero nag-iwas na lang din ako ng tingin. Hindi ko na kayang makipagtitigan sa kanya ngayon dahil sa pinag-gagawa ng mga kaibigan ko.

"His face is priceless," rinig kong sabi ni Aika habang tumatawa.

"Yeah, I can't stop laughing, tf!" wika naman ni Shona.

"Don't tell me, hindi ka umalis sa pwesto mo mula nung umalis kami?" baling sa akin ni Sofia.

"Yeah, mas gusto ko muna uminom ngayon," sagot ko.

"Weird," ani Aika at tumango nanan ang dalawa bilang pagsang-ayon.

Umiling na lang ako sa kanila at tumawa naman sila dahil sa akin. 

"Nakita pala namin yung Kyle kanina papasok. He's here! Nakita mo na? tanong sa akin ni Sofia.

Tumango ako at sinenyas sa kanila ang pwesto ng mga lalaking kadarating lang kanina. Tumayo ako at nagpaalam muna sa kanila para pumuntang restroom. Habang naglalakad ako at maraming sumisipol sa akin at marami din akong nakitang mga kakilala ko. Nginitian ko lang sila. I'm still not in the mood, though.

Pagkarating ko sa restroom, tumayo lang muna ako sa harap ng salamin at pinagmasdan ang sarili ko. Nanatili ako doon ng ilang minuto para kumalma. Bakit ganito ang epekto sa akin ng lalaking yun? He's always ignoring me! Nakakainis! Isang araw ko palang siya nameet pero ganto nalang ang epekto nito.

Mga ilang minuto pa ang nakalipas, napagpasyahan ko nang lumabas. Inayos ko muna ang lipstick ko. 

Nang buksan ko ang pinto ng banyo ay nagulat ako nang may nakatayo malapit sa pintuan pero nakatalikod sa akin. Hahakbang na sana ako nang humarap ito sa akin at matiin akong tinitigan.

This is freaking Kyle Elis Alvey!!!

What the hell is he doing here?! Tumaas ang kilay ko.

Kinalma ko muna ang sarili ko and I smiled at him sexily.

"What are you doing here?" I asked.

Hindi niya ako sinagot. Nahihiya na ang kaloob-looban ko pero nanatili pa din akong nang-aakit sa kanya. 

"Move," tipid nitong sabi.

Napatanga lamang ako sa sinabi niya. Hindi ko naman akalain na ganito siya magsalita sa akin.

"W-what?" utal kong sabi.

"I said move," preskong sambit pa din nito.

Why?! This is freaking Ladies Room!

Dahil sa kahihiyan, tumabi na lamang ako. Napayuko pa ako. Pero laking gulat ko nang ilagay niya ang kamay nito sa tabi ng ulo ko dahilan para mapaangat ako ng tingin at mapasandal sa pader. I, then looked at him and saw his dark eyes.

"What are you doing?" tanong ko.

He smirked at me.

"Pasabi sa mga kaibigan mo, masyado silang maingay." mahinang saad nito.

Hindi pa muna ako nakapagsalita sa sinabi niya at masyado siyang malapit sa akin. I can smell his scent. F*ck! Ang bango! Nang wala siyang matanggap na tugon mula sa akin ay tinanggal na niya ang kamay nito na malapit sa ulo ko at dahan-dahang lumayo sa akin. I want him closer! Napatigil ako sa pag-iisip kung gaano siya kabango para sa akin nang makita kong papaalis na ito.

"Anong sabi mo?" sabi ko bago pa siya makapaglakad palayo sa akin. Tumigil naman ito at tumingin sa akin.

"Deaf," simpleng saad niya.

Wtf! I'm not deaf for Christ's sake! Hindi lang ako nalinawan sa tinuran nito.

"What I mean is, bakit ko sila patatahimikin? Hello? Nasa bar tayo kaya normal lang na maingay," I said in a 'duh' tone.

"Wala naman akong sinabi," sabi niya sabay talikod.

Inisip ko ulit ang sinabi nito. "Pasabi sa mga kaibigan mo, masyado silang maingay." I get it. Wala nga siyang sinabing tumahimik sila but what's the point on telling me that sh*t?! Mas lalong sumakit ang  ulo ko dahil sa lalaking yun. I don't like the feeling na napapahiya sa kaloob-looban ko lalo na't siya yung mismong gumagawa nun sa akin. Napabuntong hininga na lamang ako.

Bago pa mas lalong sumakit ang ulo ko kakaisip, bumalik na ako sa pwesto namin. Napatingin ako sa kabila at nakita kong wala siya doon. Asan naman kaya ang lalaking yun? Matapos niyang sabihin sa akin na maingay ang mga kaibigan ko, aalis din naman pala. So, bakit nga ba niya sinabi sa akin yun? Ano? Nagpapapansin ba siya sa akin? Pasalamat nalang siya kasi gwapo siya kung hindi, baka hindi ako makapagtimpi, supalpalin ko pagmumukha ng lalaki na yun.

"Sini hinahanap mo?" tanong ni Sofia sabay lapit ng mukha nito na parang nakiki-usisa.

"Wala," tipid kong sagot.

"Umalis na siya kasama yung Sky. May pinuntahan ata sila," sabi niya.

"I didn't ask," mataray kong sagot.

Bago pa ako asarin ni Sofia, tumayo na ako.

"Let's dance," anyaya ko sa kanilang tatlo sabay lagok ng isa pang shot at nauna nang nagtungo sa dance floor na sinundan naman nila.

Noong una ay kaming apat na muna ang mga magkakasayaw pero kalaunan ay may nahila akong isang lalaki at sinayawan ko ito patalikod sa akin. Gaya ko naghanap din ang mga kaibigan ko ng kasayawan at magkakalapit lang ang mga pwesto namin at nagtatawanan.

Pero dahil nga lumalalim na ang gabi at iisa lang ang sasakyan na gamit namin, napagplanuhan na naming umalis na sa lugar na yun. As usual, si Shona ulit ang nagdrive sa kotse ko. Diniretso nito sa bahay nila dahil nandoon naman ang mga sasakyan ng dalawa.

"Why not, dito nalang tayo matulog?" suggest ni Aika.

"I'm in," tugon ni Sofia.

"I can't, may lakad ako bukas ng maaga. I got a text from Dad na kailangan kong pumunta sa opisina," paliwanag ko.

"Aw, sayang." Shona pouted her lips.

"Mauna na ako," paalam ko sa kanila.

"Ingat," sabay nilang sabi.

Tumango na lamang ako at pumasok na ulit sa kotse ko. I'm sure na matutuloy matulog yung dakawa sa bahay nila Shona. I wish I can pero mas lalo lang akong hindi magigising ng maaga dahil sigurado akong hindi agad matutulog ang tatlong palakang yun. Baka nga itutuloy nila doon ang naudlot naming inuman sa bar. Speaking of bar, pumasok na naman sa isip ko ang nangyari kanina. He left me dumbfounded.

Pagkarating ko sa condo ko, agad akong naligo at nagbihis. Pagkatapos komg mg-ayos, dumiretso na ako sa kama ko. Pero hindi ako agad dinalaw ng antok. Nahimasmasan na din ako sa alak kanina. Naisip kong magbukas ng mga social media accounts ko kaya naman kinuha ko ang laptop sa side table at binuksan.

Una kong binuksan ang Twitter ko. As usual, puno ng notifications, sa tagal ba naman na hindi ako nag-open dito. Nakita kong marami pa din ang nagfa-follow sa akin dito. Hindi nagtagal ay sa F******k naman ako naglog-in. Laking gulat ko na puno ng friend requests ito. Pero hindi ko na sila inisa-isa. Tinatamad ako, pero dahil nga curious ako dun sa Kyle na iyon, tinipa ko ang pangalan niya sa search button. Maraming nagpakita pero hindi na ako nahirapan na hanapin dahil agad ko naman itong nakita. Naka t-shirt ng white at nakasumbrero sa profile picture nito. Nung ni-click ko ang account niya, yun lang ang nakita kong picture niya. Mukha atang nakaprivate ang account nito ah, hmm.

Nang matapos ako sa F******k, lumipat naman ako sa I*******m. Hindi ko na nicheck ang mga nagmessage sa akin sa F******k.

Pagka-open ko ng I*******m, marami din akong natanggap na notifications dito. Nakuha ng tingin ko ang isang notif.

Sky Sanchez started following you.

Hmm, diba ito yung may-ari ng bar. Dahil nga curious ako, tinignan ko ang account nito.

He had thousands of followers. No wonder, sikat nga siya. Ano kaya ang I* account nung Kyle? I followed Sky back. Pagkatapos ay chineck ko ang stories nito. Yung una, daan lang ito at nakacaption ng 'otw' tapos kasunod nun ay isang restaurant kung saan kami kumain ng mga kaibigan ko kaninang umaga. Tapos ang sunod ay sa bar kung saan lima sila. Nandoon din yung Kyle. Nakita kong nakatag doon yung apat. Kung kanina tinatanong ko kung ano ang I* account niya, ito na ang sagot. I clicked his name and there! Tangina! Bakit lahat na lang nakaprivate ang account ng lalaking ito?

But he have so many followers. Tanging ang profile lamang niya ang nakikita ko dito which is nakashirtless siya and he was looking at the camera without smiling, just his normal expression. Ang hot niyang tignan pero nakakainis lang kasi wala na akong ibang makitang oicture nito kundi ang mga profile lang niya sa F* at I*. What the heck?! Sana hindi na lang siya nag-account! Btw, bakit ko ba pinapaki-alaman, eh buhay niya yan. Account niya yun kaya kahit anong gawin niya, labas na ako dun. Same with me. My account, my rules. Perk gusto ko pa makita ang ibang mga pictures nito. Hindi naman sa pagiging stalker pero nakakabitin kasi at mas lalo akong nacucurious about sa kanya. Dahil sa inis, naglog-out na lamang ako. In-off ko na ang laptop ko at binalik sa side table ko at humiga na. Napatitig pa muna ako sa kisame dahil hindi agad ako dinalaw ng antok. Pagkalipas ng ilang minuto ay nakatulog din ako.