Chapter 3

Gumising ako ng maaga gaya ng sabi ko kahapon dahil nga pupunta ako sa opisina ngayon. Bumangon na ako kahit masakit pa ang ulo ko dahil sa alak kagabi.

Dumiretso agad ako sa banyo para maligo. Habang naliligo, pumasok sa isip ko ang mga nangyari kahapon. It’s just too weird for me, dahil parang andaming nangyari kahapon. 

Pagkatapos kong maligo ay lumabas na ako ng banyo at dumiretso sa closet ko. Napili kong isuot ang isang blue bodycon dress na hanggang mid-thigh ko lang ang haba. I like the color of this dress kaya binili ko ito sa isang kilalang designer sa bansa.

Pagkatapos kong magbihis ay pumasok naman ako sa kusina ng condo ko at nagtimpla lang ng kape and I somehow toasted some bread para naman may laman ang tiyan ko pag-alis. Nasa kalagitnaan ako ng pagkain ko nang magring ang cellphone ko. I picked up my phone and checked the caller id, it’s Dad.

‘On the Phone’

 “Hi, Dad,” bati ko. 

“Hello, hija. Good morning. Be here at 8:30 AM, okay?” paalala nito sa akin.

“Yes, Dad. Btw, what is this all about? Bigla-bigla niyo nalang ako pinapapunta. I thought next week pa ako magsisimula?”  tanong ko.

“Yes. But I want to introduce you to our new business partner. Ngayong nakauwi na siya ng Pilipinas, he requested na ngayon siya bibisita dito sa kompanya natin and para mapag-usapan na din ang iba pang bagay,” paliwanag naman nito sa akin.                  “So, kailangan na nandito ka. Don’t worry hindi ka naman magsisimula agad. Like what I’d promise, next week ka pa magsisimula.”

“Okay, I get it.”

Pagkatapos nun ay nagpaalam na siyang ibababa ang tawag at sakto naman na natapos na ako sa pagkain ko. It’s 7:59 AM already kaya dali-dali na akong pumasok sa banyo at nag-toothbrush. Then, lumabas na ako ng condo ko.

Siguradong matanda na naman ang bago naming business partner ngayon gaya nung last na may ganito na naman.

Nakarating naman ako agad sa kompanya namin. Pagkapasok ko palang ay marami nang bumati sa akin. Nginitian ko lamang sila at pumasok na sa elevator kung saan diretso sa opisina ni Dad. Nang makarating ako sa opisina ay nandoon na ang secretary ni Dad na bumati naman sa akin at ininform akong pwede na ako pumasok.

Pagkabukas ko ng pinto ay nakita ko ang ama ko na nakatingin sa laptop nito. Pero nang maramdaman niya ang presensya ko ay napaangat ito ng tingin at tumayo para yakapin ako.

“I miss my baby girl,” lambing nito.

“Dad, I’m not baby anymore,” nakabusangot na sambit ko na tinawanan naman nito.

“But you’re still my baby no matter what,” inirapan ko naman ang sinabi nito. Luminga-linga ako sa opisina niya.

“I thought nandito na yung bago nating business partner, Dad? And btw, where’s Mom?” takang tanong ko.

“Mr. Albert is here soon. And about your Mom, she’s not coming.”

“What? Why?” tanong ko habang nakakunot ang noo.

“Tinawagan siya ng Tita mo Monique kanina and dahil nga matagal na silang hindi nagkikita, pumayag siya sa anyaya ng tita mo na lumabas muna sila at magbonding. So pumayag na din ako and besides meron ka naman na.”

Magsasalita pa sana ako nang pumasok ang secretary nito.

“Sir, nandito na po yung bisita niyo,” imporma nito.

“Okay, let him in.”

Lumabas naman agad ang secretary nito at nang bumalik ay may kasama na itong isang binata. Nagulat pa ako dahil parang nakita ko na ito. And I didn’t expect na binata pala at hindi matanda. I mean, I’m not sure kung binata pa nga ba ito pero parang oo naman, hindi ata nalalayo ang edad nito sa akin.

Agad naman nakipagkamay si Dad dito at para hindi na din ako magmukhang bastos, lumapit din ako at nakipagkamay.

“She’s my daughter. Wala ang asawa ko ngayon.” Ngumiti naman ang lalaki sa akin at tinanggap ang kamay ko.

“Hi, I’m Franz Albert.”

“Kiarah Chelz Maurer,” simpleng pakilala ko. Hindi nagtagal ang pakikipagkamayan naming dalawa kaya bumaling agad ito sa Dad ko.

“So, kamusta Mr. Maurer?” Tanong nito at umupo sa kabilang sofa na katapat ang Dad ko.

“Mabuti naman, ikaw Mr. Albert?”

Tumawa pa ang lalaki at pasimpleng tumingin sa akin.

“Masyado pong pormal ang Mr. Albert, Franz nalang po. I’m also good, bale kagagaling ko lang States,” magalang nitong sabi. Medyo natawa naman ako dito dahil masyado siyang magalang sa Dad ko parang hindi magiging business partner.

“So, is it okay if we start now?” tanong ko.

“Masyado kang nagmamadali, Miss.” sabi nito at ngumiti ng pagkalawak lawak. 

“Just asking.”

“Well, hintayin pa muna natin ang kasama ko. Medyo nahuli siya ng dating sa akin.”

Pagkatapos niyang sabihin yun ay bigla naman bumukas ang pinto at pumasok ang secretary ulit ni Dad.

“May naghahanap po sa inyo, Mr. Albert.”

“He must be here. Let him in,” utos nito.

Pagkapasok ng bagong dating ay tumayo naman yung Franz at sumunod si Daddy. Dahil nga hindi ko alam kung ano ang gagawin, gumaya na lamang ako.

Nang mapatingin ako sa likod ng secretary ni Daddy ay ganun na lamang ang gulat ko. It can’t be! How on Earth na napapdpad ito dito?!

Lumabas na ang sekretarya at siya naman ay dire-diretso ang hakbang papunta sa kaibigan nito. Kaya pala parang familiar itong Franz sa akin. Dahil totoong nakita ko na ito. Nagfist bump pa silang dalawa at bumaling ito kay Daddy na di man lang bumabaling sa akin.

“Hi, Sir.” bati nito.

Nakipagkamay naman ang Dad ko at nagpakilala.

“James Maurer.”

“Kyle Elis Alvey, Sir.” 

0___0

Pagkatapos niyang makipagkamay ay saka pa lang bumaling ito sa akin at nilahad ang kamay nito. Nag-aalangan pa ako kung tatanggapin ko ito. Pero dahil baka mapagalitan ako kay Dad, dahan-dahan ko naman itong tinanggap.

“She’s Kiarah Chelz Maurer, dude.”

Yung Franz na ang mismong nagpakilala sa akin sa Kyle na ito. Medyo nagtagal pa ang pagdidikit ng kamay namin at siya na ang unang bumitaw. Nahiya naman ako bigla doon dahil hindi ko namalayan na nakahawak pa pala ako. Tumikhim pa muna ito sabay tingin sa kaibigan nito. 

“So, Mr. Maurer, siya yung tinutukoy ko sa tawag kanina na magiging kasama ko. Actually siya yung inasikaso ko sa States. Siya ang isang may-ari ng company na hawak ko ngayon. And para mas maganda ang pagiging magpartner natin so I decided why not dalhin dito yung isang may-ari.”

“Well, much better then,” pagsang-ayon naman ni Dad.

Bumaling naman sa akin yung Franz.

“What do you think, Ms. Maurer?” Bumaling naman silang lahat sa akin, hinihintay ang sagot ko. Pati si Kyle nakatingin din sa akin. Parang hindi ako makahinga. I’m not prepared. WTH!

“Yeah,” tugon ko na lamang dahil hindi ko alam kung ano ang sasabihin ko.

“Good.”

Nagsimula na silang mag-usap about both company and nakikinig lamang kami ni Kyle. Well, nagsasalita naman siya minsan gaya nga ng sabi ni Franz kanina, siya din ang isang may-ari ng company. Ako sadyang tahimik lang sa gilid at walang iniambag na kahit isang salita lang.

Nasa kalagitnaan kami ng meeting nang pumasok ang secretary dala ang apat na kape. Yung tatlo ay gawa lang dito sa opisina habang yung isa naman ay starbucks. As usual, sa akin yung naiiba dahil nga medyo tumatambay ako dito noon, kabisado na nito kung ano ang gusto kong kape. Pagkalapag nito ng mga kape ay lumabas na ito agad.

Gumalaw ako para kunin sana ang kape ko nang bumaling silang tatlo sa akin. Napatigil naman ako at napatingin sa kanila.

Nakakahiya kaya ito. Anong mali? Gusto ko lang naman magkape. Bigla naman tumawa si Franz at sinundan iyon ng tawa ni Dad. Habang yung isa naman ay bumaling na sa ibang direksiyon. Napakunot naman ako ng noo.

“Is there something wrong?” takang tanong ko.

“Nothing. Mahilig ka pala magkape,” ngiting sambit nung Franz.

“Hindi ka nagkamali,” si Dad na ang sumagot.

“Maybe I can invite you to some coffee shop next time, then.” matapang nitong saad kahit nasa harap lang niya si Dad.

Gumalaw naman si Kyle at nabaling sa kanya ang tingin ko. Pinulot niya ang kape nito at humigop. Habang nasa bibig nito ang baso ay nakita kong nasa akin ang tingin niya. Pinagpatuloy ko nalang pulutin din ang kape ko at uminom. Bakit ba ako kinakabahan sa lalaking ito?

Pinagpatuloy nila ang pag-uusap nila at aaminin ko, hindi na ako nakikinig. Kung ano-ano na lang ang ginagawa ko sa upuan ko. Minsan napapatingin sa akin si Kyle pero panandalian lamang iyon. Di nagtagal bumaling na naman ang atensyon nila sa akin.

“What do you think, MS. Maurer?” tanong sa akin ng Franz.

“Huh?” takang tanong ko at bumaling kay Dad.

“We decided na sa company ka namin muna magtatrabaho. It means dun ang opisina mo,” paliwanag ni Franz.

“What?!” medyo napataas ang boses ko doon at tinignan nila ako maigi. Bumaling ako kay Dad.

“Like what Franz said, sa kanila ka muna papasok for the mean time,” si Dad.

“But I thought, napag-usapan na natin ito, Dad?”

“Yeah, but I changed my decision,” saad naman nito sakin.

“But—”

“No buts.” Sabay tayo nilang tatlo. Wala na din ako nagawa kundi tumayo at pinulot ang bag ko.

“So, it settled, then.” Sabi nung Franz at una nang nakipagkamay sa Dad ko bago sa akin. Sumunod naman si Kyle pero hindi na ito nakipagkamay sa akin. Akala ko pa man din magkakamay kami ulit.  His hand fits mine, tho. Pero ganun na lamang ba ito kasuplado at di man lang ulit makipagkamay.

“I’ll go na,” paalam ko sa kanila. “And uuwi ako mamaya, Dad.” Baling ko kay Dad at nang makita kong tumango ito, dali-dali na akong lumabas ng office at hindi na tumingin doon sa dalawa.

This is so frustrating! 

Ang akala ko dito ako mag-oopisina. Hmp!

Sumakay na agad ako ng elevator at pagkarating ko sa labas, pinakuha ko na lamang sa isang guard ang kotse ko. Habang nakatayo ako sa harap ng company namin, bigla naman sumulpot sa gilid ko yung dalawa.

“It’s nice to see you again, Ms. Maurer.” si Franz.

Napabaling naman ako sa kanila at ngumiti ng tipid. Nang tignan ko si Kyle, hindi man lang ito tumingin sa akin ni isang beses. Suplado! Nakita kong naunang sumakay sa kotse si Kyle at sumunod naman si Franz. Kanya-kanya sila ng gamit na sasakyan. Pagkaalis nila ay siya namang dating ng kotse ko. Nagpasalamat ako sa guard at sumakay na. Pinaharurot ko na ito paalis. Uuwi ako ngayon sa bahay, and I need to talk to my Dad.