Chapter 2

Lumiban sa trabaho si Marga ng isang linggo dahil sa sakit, at pagkatapos niyang gumaling, bumalik siya sa kompanya. Doon lang niya nalaman ang tungkol sa paglipat ng kaniyang kapatid.

Nilapitan siya ng isa sa mga empleyado ng kompanya at nagtanong, “Manager Santillan, hindi mo pa ba alam? May bago tayong sekretarya sa kompanya, apelyido rin ay Santillan. Magkakilala po ba kayo?”

Napamangha si Marga. Hindi niya aakalaing magagawang ilipat ni Brandon si Cathy sa kompanya. Makalipas ang ilang sandali, ipinatawag si Marga sa opisina ngkanilang presidente na ni Brandon.

Pinagmasdan siya ni Brandon nang kalmado. “Kung gusto mo talagang manatili sa kompanya, hindi bagay sa iyo ang posisyon ng personal na sekretarya. Ang manager ng project department ay nailipat na sa branch company, at may bakante pa roon.”

Alam na alam ni Marga kung ano ang ibig sabihin nito. Laging malinaw ang pag-iisip ni Brandon. Hindi hahayaan ng lalaki na magkaroon ng anumang hindi magandang impresyon kay Cathy ang mga tao sa kompanya. Sa halip, kinilala niya ang kakayahan nito dahil ayaw niyang magdulot ng anumang maling pagkaunawa kay Cathy.

Nagkibit-balikat si Brandon. Napakunot ang noo ni Brandon at nagsalita, “Kaka-graduate lang ni Cathy at wala pa siyang gaanong karanasan.”

Tumingin si Marga sa kuwintas na nasa kanyang leeg at labis na nagulat. Matagal na niyang nagugustuhan ang kuwintas na ito. 

Dinala ni Marga si Cathy upang maging pamilyar sa pangkalahatang daloy ng trabaho, at nang matapos ito, tinawag siya ni Cathy  

"Ate, hindi mo ba ako gusto? Dahil ba kay Mr. Fowler?"  

Kaunting katahimikan ang bumalot sa kanilang dalawa. Hindi alam ni Marga kung ano ang sasabihin niya. Alam niya rin kasi na may gusto si Cathy kay Brandon.

Ngumiti si Cathy ng matamis. “Mahirap talagang sabihin kung ano ang tama o mali pagdating sa nararamdaman. Ganoon din ang nangyari kina Mama at Papa noon. Ate, kahit ano pa man, gusto ko pa rin maging kaibigan ka...” 

Bago pa matapos magsalita si Cathy, tiningnan siya ni Marga at kalmado siyang pinutol, “Ang anumang emosyon ay dapat nakatali sa moralidad. Kung hindi, hindi ka sana ipinadala sa probinsya. Gawin mo ang sarili mong mga bagay at tigilan mo ang pagturing sa iba na parang mga hangal."  

Nagkaroon ng relasyon sa labas ng kasal ang kanyang ama, na siyang naging dahilan kung bakit si Cathy. Hindi ‘yon tanggap ni Marga kay malaki rin ang galit na nararamdaman niya para sa kanyang kapatid. Kahit pa pumanaw na ang kanyang ina, mahirap para sa kanya na magkaroon ng lakas ng loob upang patawarin ang ina ni Cathy para sa kanyang ina, lalo na si Cathy dahil ito ang naging bunga ng pagtataksil ng kanyang ama. Ano ang karapatan niyang sabihin na mahirap sabihin kung ano ang tama o mali? Sila ang dahilan kung bakit nasira ang pamilya ni Marga. 

Tumalikod si Marga at umalis. Pagbalik niya sa opisina, nagpadala siya ng mensahe kay Brandon: "Mr. Fowler, hindi ka ba busy mamaya? Kukunin lang sana natin ang mga dokumento ng ating annulment.”

Kahit hindi sigurado si Marge kung pupunta ba si Brandon sa kanilang meeting place, nagbabasakali pa rin siya upang matapos na ang lahat. Pareho naman nilang hindi ginusto ang kasal noon. 

Pagkatapos pirmahan ni Marga ang mga dokumento, nag-angat siya ng tingin kay Brandon. “Pinirmahan ko na lahat. Pumirma ka na rin para matapos na ‘to.” Nagkibit-balikat siya habang pinagmamasdan ang lalaki. 

Lumabas si Marga sa kompanya nang hindi man lang nagpalit ng damit. Suot niya pa rin ang manipis na blouse at maiksing palda. Gayunpaman, ang kanyang itim na buhok ay nakalaylay, na sumasalamin sa kanyang malamig at banayad na mukha, na talagang nakakabighani. 

Napatitig ng ilang segundo si Brandon sa kaniya. Kaagad rin itong nag-iwas ng tingin nang mahuli siya ni Marga na nakatitig. “Kinakabahan ka ba?”

“Hindi. Bakit naman ako kinakabahan?” pagtataray ni Marga.

Napapailing na lang si Brandon habang pinipirmahan ang mga dokumento ng kanilang annulment. Nang makuha na nila ang mga dokumento ay sabay na silang lumabas sa kasama ang kanilang mga abogado. 

Nagsindi ng sigarilyo si Brandon at sinulyapan si Marga. Hindi iya mapigilang mag-alala dahil kanina niya pa napapansin ang pamumutla nito at ang malalim na paghinga. Tinitigan niya ng maigi si Marga at nagtanong. “Ayos ka lang ba?”

“Oo,” tipid naman na sagot ni Marga at tumango.

Paalis na si Brandon nang makita niyang nakatayo pa rin si Marga sa gilid ng kalsad, naghihintay ng sasakyang taxi pauwi ng bahay. Binuksan niya ang bintana. “Ihahatid na kita sa bahay,” alok ni Brandon.

Napalingon si Marga sa kaniya. Sasabihin na sana niyang ayaw niyang mag hatid ng bigla niyang maramdaman ang pagsakit ng kaniyang tiyan. Nagpahawak siya sa poste ng bigla siyang nakaramdam ng pagkahilo. Nang medyo naging mabuti na ang pakiramdam niya ay napaangat siya ng tingin kay Brandon. Titig na titig si Brandon sa kaniya, puno ng pagtataka kay hindi nito mapigil ang magtanong.

“Buntis ka ba?” tanong ni Brandon.

Pakiramdam ni Marga ay biglang tumalon ang puso niya sa sobrang kaba dahil isang buwan na ang nakalipas nang hulingn may nangyari sa kanila. Imposible rin na mabuntis siya lalo na’t alam niyang nag-iingat si Brandon sa tuwing sila ay nagtatalik.