Chapter 21.3

NAPAPALO NA SA sariling noo si Daviana nang marinig niya iyon. Hindi niya na alam kung ano pa ang ire-react niya sa nalaman. Kahit kailan talaga pahamak ang kanyang kaibigan. Ginamit pa talaga siya nito para sa pansariling kapakanan lang. Naisin niya mang magtampo ay hindi niya magawa, huli na at panigurado na siya lang din sa bandang huli ang masasaktan. Ayaw din niyang palakihin pa ang kanilang gusot nito.

“Oo nga, Daviana, tapos ayon pinilit niya na kailangan daw natin mag-celebrate ng birthday mo. Eh, naroon din si Darrell na napilitang sumama at saka iyong leader ng company nila na si Mr. Gonzales. Sabi pa ni Keefer, kung gusto mong magsama ng ibang mga mo ay pu-pwede naman daw.” madaldal pa rin nitong turan na animo ay hindi naramdaman ang iritasyon ni Daviana, iyong tipong akala ng babae ay ayos lang kay Daviana ang naging desisyon niya. “Sige na Daviana, pagbigyan mo na ako. Ngayon lang naman eh. Hindi ko na nga iisiping birthday mo ito eh, iisipin kong tunay naming dinner dat