Chapter 119.1

Pagkarinig niya ng mga sinabi ni Finn ay bigla na lamang siyang natigilan. Ang kamay niyang nakahawak ng sigarilyo ay biglang tumigil sa ere. Sa mga sandaling iyon ay bigla siyang napaisip ng malalim. Dati ay ni hindi man lang iyon sumagi sa isip niya pero ngayon dahil sa sinabi ni Finn ay bigla siyang napaisip. Mula nang makipagkasundo siya kay Annie na bigyan pa ng isa pang pagkakataon ang pagsasama nila dahil sa hiling ng lolo niya ay hindi na pumasok pang muli sa isip niya na makasama si TRisha.

Lalo na ngayon, kahit na maghiwalay man sila ni Annie ay hindi na niya pipiliin pa ang makasama pang muli si Trisha, pero napakalaking tanong sa isip niya ng mga oras na iyon kung bakit nga ba? Bakit nga ba ayaw niya? Mukhang gusto niyang sabihin na totoo nga ang hula ni Finn na kung sakali man na maghiwalay sila ni Annie ay hindi ba at sobrang saya niya sana dahil magkakabalikan na silang muli ni TRisha?

Pero bakit patuloy niyang tinatanggihan ang pakikipaghiwalay ni Annie sa kaniya? Iyon