Chapter 103.1

"Tikman mo." Sabi ni Lucas nang mapatingin siya kay Annie. Agad naman na umupo si Annie at pagkatapos ay dali-daling dinampot ang mga kubyertos.

Naghiwa si Annie ng isang maliit na piraso at mabilis na isinubo sa kanyang bibig. Halos mapapikit siya nang malasahan ang lasa ng karne sa bibig niya. Grabe, napakasarap nito. Ninamnam niya ang bawat pagnguya niya at pagkatapos niyang lunukin ito ay nagmulat siya ng kanyang nga mata at nilingon si Lucas na nakatitig sa kaniya, naghihintay ng sasabihin niya. "Masarap.” sabi niya rito

"Masarap lang?" May himig na pagkadismaya ang tinig nito. At dahil doon ay dali-dali siya napakunot noo.

“Sa totoo lang ay napakasarap ng luto mo, pwede ko ng sabihin na pang first class restaurant na ito.” Nakangitig sabi niya rito. Ewan niya na lang kung hindi pa masiyahan ito sa papuri niyang iyon.

Nagtaas lang ito ng kilay sa kaniya at pagkatapos ay dali-dali nang inumpisahang hiwain ang steak nito sa plato kaya maging siya ay naghiwa na lang din ng isang pi