CHAPTER 70

Lumipas ang ilang araw na abala si Kenneth. Panay ang alis nito dahil inaasikaso raw ang mga kakailanganin nila sa kasal. Ito mismo ang naglalakad, lalo na ang mga papeles dahil nga fake lahat ng ipinagagawa nito.

Nag-iingat ang demonyo.

At kung mahal siguro ito ni Leia ay maaawa o mata-touch siya sa binata dahil sa hindi basta-basta na effort nito, pero dahil salungat siya sa ginagawa nito ay wala siyang pakialam. Ni hindi siya interesado kapag dumadating si Kenneth.

“Bukas sasama ka sa amin ni Mommy. Titikman natin ng pa-sample ng catering na kinuha niya,” sabi sa kaniya ni Kenneth minsan ay dumating ito. Kung saan ito galing, hindi niya alam. Basta may bitbit itong brown envelop na kinalalagyan ng mga document. Nakalapag na iyon sa bedside table.

“Kayo na lang siguro. Alam mo naman na mailap sa akin ang Mommy mo. Baka magkagulo lang kami doong dalawa,” aniyang umiwas.

“Hindi ‘yan dahil siya mismo ang nagsabi na sumama ka.”

Napatingin siya kay Kenneth. Hindi niya pinaniniwalaan iyon.