Chapter 37

PALIHIM na napangiti si Agatha, dama niya na pinagmamasdan siya ni Khevin. Mas ginagalingan niya pa ang pangangabayo, ipinamalas ang husay niya bilang Mondragon.

"Maaari mong sakyan si Sabrina," ang tinutukoy niya ay isa sa mga matikas na kabayong naroon, pagkababa sa kabayong si Apollo ay saad ni Agatha. Nakamasid lang si Khevin ngunit napailing dahil sa tinuran niya.

"Tulad ni Apollo, marami ng naipanalong laban si Sabrina." Pagpapatuloy ni Agatha. Hinaplos ang makintab na balat ng kulay-itim na kabayo. Napansin ng dalaga na maging si Mang Emil ay nag oobserba sa kaniyang kilos.

"H-hindi ako sumasakay ng kabayo, Miss Agatha." Pagtanggi ni Khevin. Natigilan si Agatha saka nilingon ang gwapong CEO. Pinipigilan niyang mapasinghap, ang taglay na karisma ni Khevin kaya pa ring magpaluwag ng garter ng panty niya ngunit hindi na siya ganon karupok. Nginitian niya ito saka napailing.

"Marami ang nangangarap na masakyan ang mga kabayo ko." Sinalubong ni Agatha ang nanunuring mga titig nito