Chapter 28

NAGLAKAD-LAKAD si Agatha sa dalampasigan upang maiwasang makita ang bebetime nina Cassey at Khevin. Kung makatili kasi si Cassey tila pinipiga ng puso niya. Tila nananadya pa itong ipinakikita sa kaniya at ipinamumukha na tila pag-aari na nito ang binata. Akala niya pa naman, umaayon na sa kaniya ang tadhana dahil nasolo nila ang isa't isa ni Khevin pero hindi pala dahil sinundan nga ito ng maarteng nobya nito. Nakakainis!

Nabawasan ang inis ng dalaga nang mapagmasdan ang ganda ng sunset. Sa edad niyang beinte-sais ngayon niya lang napagmasdan ang ganito kagandang tanawin. Gusto niyang pasalamatan ang binata na dinala siya sa ganitong lugar. Tila naging pahinga niya mula sa mundong hindi uso ang pahinga o marahil sa mga kagaya niya lang na walang karapatang mapagod.

"Balang-araw, uulitin ko ito!" Tila kinakausap ni Agatha ang kulay gintong-araw na tila unti-unting lumulubog sa tubig.

"Ang alin?" Tinig na nagpalingon kay Agatha. Napasinghap si Agatha, kayang lusawin ng ngiti ni Khevi