Chapter 3: What does pressure look like?

***flashback***

(Moments before Heidi and Kurt bid farewell to each other...)

Heidi tried to kiss him as soon as she opened the door of her condo unit. Ngunit naging maagap si Kurt sa pagpigil kay Heidi. Mabilis niyang nahawakan ang magkabilang kamay nito na akmang hahawak sa mukha niya palapit sa kanya.

"P-Parang may dumi sa mukha mo, Heidi..." He even looked at her closely and touched her cheek. Upon hearing it, parang nabigla nang husto si Heidi. Dali-dali niyang kinuha ang handbag para hagilapin ang salamin. Nang hindi niya ito makita, kinuha na lamang niya ang kanyang cellphone.

"Gosh, what was that? I never knew I was embarrassing already!" Maarte niyang sagot. Parang nakahinga naman nang maluwag si Kurt sa idinahilan niya sa kaibigan. He knew that if he would not agree to what she will do, she will think that he might be bisexual or he's not into women.

Kilala niya si Heidi bilang malakas na social media influencer. Isang post lang nito, tiyak may pipyestahan ang madla kinabukasan.

Niyakap pa ni Heidi si Kurt bago siya tuluyang lisanin ang unit niya. Sinabi rin niya kay Kurt na 'unforgettable' ang naging date nila at masaya siya, samantalang para kay Kurt, kasalungat iyon. Nang nalaman niyang masyado itong tutok sa social media life niya, sana nag-zoom date na lang sila with snacks on the side. Palagay ni Kurt, mas epektibo pa iyon kay Heidi.

Nakahinga siya nang maluwag nang nakapasok na siya sa kanyang kotse at sinimulang paandarin ang makina ng sasakyan niya. He couldn't wait to get home to rest. He stopped in front of the door of his room to grab the keys from his pocket.

Nang pihitin ni Kurt ang doorknob ng kanyang kwarto, para naman siyang iniwan ng kaluluwa niya sa sobrang gulat pagkabukas ng pinto ng kanyang kwarto. Hindi niya inasahan ang mangyayari sa dis-oras ng gabi, kung saan tahimik at tulog na yata ang lahat sa bahay nila.

Halos nakalimutan na niya ang pagod at ang naramdaman sa buong pagkikita nila ni Heidi. Lalung lalo na ang karanasan niya sa kung paano siya tratuhin nito dahil sa nakita niya ngayon lang.

Nakatayo ang mama niya sa bungad ng pintuan papasok sa kwarto niya, nakapameywang at may facial mask itong nilagay sa kanyang mukha. Ang hindi na lang natatakpan ay ang mata, ilong at bibig nito.  (hindi niya alam kung anong klaseng ninja moves ang ginawa ng mama niya. Nakapasok kasi ito sa kwarto ni Kurt pero naka-lock naman ang pinto niya bago siya umalis ng bahay). Daig niya pa si Casper dahil nakasuot din ito ng puting damit pantulog. 

She even put something on her hair and wrapped it in a black cloth. His mom didn't even manage to switch on the lights inside his room which made the whole scene great for a spooky night bluff.  Intentionally, she wanted to surprise Kurt and she succeeded.

"Ma, naman! Akala ko kung sino na po 'yung nandito sa kwarto ko kayo lang pala." As soon as he switched the main lights of his room,he wrapped his arm around her waist. He guided her inside his room in an awkwardly nervous chuckle.

  "How's the date, my dear?" Ngumingisi pa ito at tuwang-tuwa dahil sa wakas ay galing ang kanyang anak sa pakikipagdate sa babae. Mukhang ito pa 'yung excited na makibalita sa kung ano na ang nangyari sa date nila ng anak niya.

"Okay lang." He grinned as he met her eyes. Gusto siyang paniwalain ni Kurt pero binigo siya ng kanyang tono ng pananalita. 

"Wala akong tiwala kapag sinabi mong "okay lang". It's the opposite of it, for sure." Hala siya, parang nagtatampo na naman ang mama niya at hinarap pa siya sabay pinukulan ng masamang tingin. Napahalukipkip pa ito habang sinasalubong ang mga mata niya.

Napalunok si Kurt ng kaunti at napakamot sa batok at napangiti ng alanganin. Patay!

"Okay nga lang. Ayun busy siya kaya hindi kami nakapag-usap ng matagal." Napaupo si Kurt sa kama niya at naghubad ng sapatos. Ang Mama naman niya ay nakatayo pa rin sa harap niya at napabuntong hininga na may halong pagkairita. Masama pa rin ang tingin niya kay Kurt  at tila ba nagpapakunsensya.

"I'm okay, mom. Hindi naman minamadali ang pag-ibig." Hindi pa rin gumagalaw ang mama niya sa kinatatayuan nito. Parang sumama pa yata lalo ang tingin niya kay Kurt.

"I really don't like it, dear. I can't accept the fact that my only Kurt is getting old without someone liking him." Her facial reaction from a half frowning turned into a worried one. With that, Kurt guided her to sit on the side of his bed. He sat next to her right away.

"Without someone liking me? Really, ma?" Kurt suddenly blurted out loud. 

"Then prove it to me!" Ang facial reaction naman niya ngayon ay parang mag-eevolve na pokemon. Haha! Parang gusto niyang batuhin si Kurt sa kung ano man ang makita niyang bagay sa kwarto nito.

"You know your uncle Sam? Oh my goodness dear. 50 years old na siyang doctor at nangulubot lang ang mukha niya at naging bugnutin dahil hindi na siya nakapag-asawa."

"And so?"

"Anong "and so?" ka diyan? Can't you connect the dots I am explaining to you, son?"

"Ma naman. Sabi ko nga sa'yo hindi ba? Trust me..."

"I can't help it, you know. With the case of your uncle, it was so unfortunate of him I don't want it to happen to you." Dagdag pa niya at napaupo na rin sa tabi ng anak at napabuntong hininga ng malalim.

"Ma, alam mo naman na ang pag-aasawa hindi 'yan biro. Isipin mo na lang, ang babaeng 'yun ang palagi kong makakasama sa buong buhay ko. Paano pala kung hindi ko siya mahal? Hindi ko naman gusto ang makasakit ng iba at ang idea ng divorce." Sinadyang hinawakan siya ni Kurt sa mukha ng mama niya na para bang nang-iinis ng sadya.

He giggled upon the irritated reaction of his mom's face. Shocked ito dahil may ibang kamay ang humahawak sa facial mask na nakadikit sa kanyang mukha.

"Oh no, not my facial mask, ok?" Sumimangot ang mukha niya at inilalayo ang kamay ni Kurt sa mukha niya. Hindi niya tinigilan ang mama niya, bagkus, ninakawan pa niya ito ng halik sa pisngi.

"Siguro hindi pa rin ako handa na mag-aasawa ka na. Ang mga amiga ko kasi, they are all pressuring me because you're still not getting a wife." Nagkukunwaring nagtatampo pa rin ang mama ni Kurt sa kanya. Tawa lang ang isinagot niya rito at ginantihan din siya ng kurot sa tagiliran.

"Ma, you're too old to be in a peer pressure." Taas-baba ang kilay ni Kurt at inakbayan ang mama niya. Napabuntong hininga na lang ang mama niya at kunuha ang braso nito mula sa balikat niya at hinarap si Kurt.

"It's more of being in a peer pressure, hijo. It's the reality of life. Gugustuhin mo na lang bang dumadalaw sa mga inaanak mong anak ng mga kaibigan mo kung pwede ka namang gumawa ng sarili mo?" Pinukulan siya ng mama niya ng masamang tingin na para bang gusto nitong iparating na hindi na siya nagbibiro sa pagkakataong ito. 

Hindi niya magawang magalit sa mama niya. Sabagay, tama naman ito sa kanyang sinasabi dahil hindi na siya pabata. Tiningnan siyang mabuti ng kanyang ina na para bang inaalam ang reaksyon niya sa sinasabi nito.

"Let's just see, Ma. I guess before I reach thirty, you'll be expecting a grandson or a granddaughter. Just be patient." Kurt assured his mom. Her face eventually turned into a hopeful one. 

"Nako, Gawin mo kasi. Puro ka salita d'yan."  Napatayo na ang mama niya at tuluyang nagpaalam sa kanya. Hindi na pala nila namalayan ang oras at alas dos na pala ng madaling araw ng mga oras na iyon. Napasarap ang kanilang kwentuhan at dahil doon hindi pa sila dinadapuan ng antok.

"I hope you'll dream of the girl for you. Please update me of what she looked like, nang maipasketch natin 'yan at mahanap agad." Pahabol pa itong bumalik sa pintuan ni Kurt para sabihin lang iyon sa kanya. Napahawak pa ito sa pinto at para itong multo na biglang sumulpot at nagsalita bigla.

"I will tell you as soon as I wake up, Ma. Promise!" He managed to say between a hearty laughter.

Hindi mapigilan ni Kurt ang matawa sa inaasal ng mama niya. Hindi naman niya ito masisisi dahil 'yun talaga ang gusto niyang mangyari. Kung may gugustuhin man kasi ang mama niya, sisiguraduhin niyang makukuha niya ito sa kahit anong paraan. Creepy, hindi ba?

Kung ang mama niya ay gustung gusto na makapag-asawa siya, aba, mas lalo naman siya. Kung hindi lang dahil sa pagpupumilit ng mama niya sa ganitong aspeto ng buhay niya, wala na siya sigurong pake. Buti na lang at may tao pang concerned sa love life niya.

He should start to find one this time. Hindi niya hinahanap ang pag-ibig pero hindi naman masama kung siya na mismo ang gagawa ng paraan. As the saying goes, "there are many fish in the sea...

..you just have to catch one, on your own."