Chapter 26 - Inside Of The Small Paper Bag

Mababaw na napabuntong hininga si Stephen sa naging desisyon ni Airith. Matapos itong sabunutan ni Jessie kanina ay ganito nalang kadali para sa kanya na patawarin ito? "Sigurado ka ba sa desisyon mo?"

Tipid na nginitian lang ni Airith si Stephen. Para sa kanya ay sapat nang humingi ng paumanhin sina Jessie sa nagawa nito.

Nagkatinginan si Stephen at Wilbert, tila nag-uusap ang kanilang mga mata. Inaalam ni Wilbert kung anong dapat niyang gawin kina Paul.

"Whether they're staying or not, pagbayarin mo sila ng kumpensasyon para sa nasirang cellphone ng fiancée ko." seryosong sambit ni Stephen. "Limampung libong piso."

Pagkasabi nito ni Stephen ay inakay niya na si Airith papasok ng elevator. Naiwang gulantang sina Paul at Jessie. Gusto sana nilang magprotesta dahil hindi naman sila ang nakabasag ng cellphone ni Airith pero biglang nagsalita si Wilbert.

"Sure. Gagawin nila 'yon, hindi ba?"

Napalunok nalang si Paul sa sinabi ni Wilbert. Tila may pananakot na kaakibat sa tono ng pananalit