A NIGHT TO REMEMBER WITH THE CEO Chapter 46

Si Maria ay nasa kwarto, nagbibihis ng damit para sa araw na iyon, nang bigla niyang maramdaman ang matalim na sakit sa kanyang tiyan. Tumigil siya sa kanyang ginagawa, napahawak sa kanyang tiyan habang unti-unting lumalalim ang kirot.

"Ahh…" mahina niyang sambit, ngunit sa loob-loob niya, alam niyang ito na ang araw ng kanyang panganganak.

Lumabas siya ng kwarto, pawis na pawis at nanginginig, habang naghahanap ng makakatulong. Agad siyang napansin ni Manang na naghahanda ng tanghalian sa kusina.

"Maria! Ano’ng nangyayari? Bakit ka namumutla?" nag-aalalang tanong ni Manang, agad na tumakbo patungo kay Maria.

"Manang... ang sakit... mukhang manganganak na ako…" halos pabulong pero puno ng kaba ang sagot ni Maria habang nakahawak sa kanyang tiyan, nararamdaman ang sunod-sunod na contractions.

Napatingin si Manang sa paligid at mabilis na tumakbo upang tawagin ang iba pang mga kasambahay. "Diyos ko! Kean! Kailangan natin siyang dalhin sa ospital!" sigaw ni Manang, habang isa-isa nang na