A NIGHT TO REMEMBER WITH THE CEO Chapter 133

Pitong taon ang lumipas mula nang maghiwalay ang kanilang landas, at sa kabila ng lahat ng paghahanap ni Donya Loida at Kean, nanatiling misteryo kung saan naroroon sina Maria at Harry. Habang ang sakit ng pagkawala ay patuloy na bumabalot sa kanilang mga puso, ang buhay ni Maria ay nagpatuloy sa Australia, sa kabila ng mga sugat at alaala ng nakaraan.

Limang taon na pala ang lumipas mula nang lumipat sila upang manirahan sa Australia. Sa panahong ito, si Harry ay 10 taong gulang na—isang masiglang bata na puno ng buhay at saya, na kahawig na kahawig ng kanyang ama, si Kean.

Habang ang buong pamilya ay nag-aayos ng mga detalye para sa graduation ceremony ni Maria, isang malalim na kalungkutan ang sumasakop sa kanyang puso. Bawat hakbang na ginagawa niya, bawat ngiti na ibinibigay sa kanya ng kanyang ina at mga kapatid, ay parang may malupit na paalala sa kanyang isipan—ang hindi makatagpo ng closure, ang pagkakaroon ng isang pamilya na nawawala.

Habang nag-aayos ng mga damit at nagpa