15

"Kaoree and Latrelle <3 forever?!" Bulalas ko sa mga salitang nakaukit.

Sinipa ko ang inosenteng puno.

"Gunggong ka talaga, Latrelle! Inisahan mo na naman ako!" Malakas kong pagsigaw at napansin ko ang paglipad ng mga ibon sa himpapawid.

Pinagtinginan ako ng mga taong dumadaan sa mabatong kalsada. Isang batang lalaki ang lumapit sa akin nang gumulong ang bola niya sa paanan ko. Lumuhod ako para kunin iyon at iabot sa kanya.

"Sino ang hanap mo kuya?" Binigyan ko siya ng tissue para ipamunas sa pawis niya at tinanggap niya naman iyon.

Tinulungan ko rin siyang ayusin ang magulo niyang buhok. Naalala ko sa kanya ang batang ako na mahilig maglaro noon sa kalye at madalas na pagalitan ni Mama dahil puro galos ang tuhod ko pag-uwi ko.

"May nakatira ba rito na Kaoree? Kaoree Rogen?"

Sumigaw ang bata sa mga kalaro niya at tinanong ang pangalan ni Kaoree sa mga iyon. Nagkatinginan ang tatlo niyang kalaro.

"Si Ma'am Kaoree!?" Ngumiti ako sa pagkagbigla ng bata. Teacher na pala siya ngayon.

Lum