01

"Mula ngayon ay dito ka na tutuloy,"

Bumungad sakin ang napakalawak na kwarto. Kulay itim, brown at puti ang loob, maging ang kama't mga gamit.

Hindi ito mukhang luma gaya ng napapanood ko sa mga palabas, tulad nang sabi ko'y parang isang modernong palasyo ang mansion na ito kaya hindi mukhang mga antik at vintage ang mga gamit.

"Wow!" Wala akong ibang masabi. Kumpara sa apartment na tinutuluyan ko ay napakalaki na nito. Baka nga malaki pa ang cr nito sa naging apartment kong magkakasama na ang kama, kusina, at salas.

"May tamang oras sa pagising at pagtulog natin. Dapat alas sais ng umaga ay gising ka na para tulungan akong maghanda ng umagahan ng master at pagkatapos ay lilinisan mo naman ang hardin habang ako sa likod naman ng mansion maglilinis, kasama na ang pasilyo sa pangalawang palapag. Sa gabi'y alas sais rin tayo maghahanda ng hapunan at hihintaying matapos kumain ang master bago tayo kakain. Bago magsapit ang alas diyes ng gabi kinakailangang nasa loob na tayo ng kaniya k