05

Isang buwan na ang nakalipas. Sa isang buwan na 'yon ay ginawa ko ang lahat upang masunod ang patakaran sa mansion. Hindi narin naging mahirap para sa akin ang umiwas sa master dahil siya mismo ay mas naging mailap. Hindi narin ako ang naghahatid sa kaniya ng pagkain, bibihira narin siyang bumaba at magpakita. Masyado akong naging abala sa mga gawaing paulit ulit, kaya naman habang tumatagal ay nakakasanayan ko na. Hindi naman 'yon ganun kahirap kaya madali kong nagagawa ng maayos. Hindi katulad dati.

Kakagaling ko lang mula sa paglilinis sa hardin ng makasalubong sa hagdan si Aunt sally.

"Aalis po kayo?" Bumaba ang tingin ko sa bag na dala dala niya. Medyo malaki iyon, halatang hindi siya mamamalagi rito ng ilang araw.

"Oo, kailangan kong bisitahin ang apo kong may sakit sa wiltan, may dumating na sulat kanina galing sa kapitbahay niya roon. Mga tatlong araw akong mawawala kaya sa'yo ko na muna iiwan ang nga gawaing maiiwan ko. Pasensya na hija, wala kasing mag-aasikaso sa apo ko."