CHAPTER 05

CHAPTER 05

Nagkatinginan silang dalawa ng estranghero at kunot noo itong nakatitig sa kanya.

"Sinusundan mo ba ako?” Mas lalong magkasalubong ang dalawang kilay ng lalaki dahil sa sinabi ni Tiffany. Hanggang sa natawa ito at lumayo sa babae.

“How could you tell I was following you?” Natikom ang dalawang bibig ni Tiffany dahil sa sinabi ng lalaki. Bukod sa malalim at buo ang boses ng estranghero ay nakaramdam siya ng kahihiyan dahil huli na para malaman niya na tama nga ang lalaki. Paano niya nasabi na sinusundan siya kung iba naman ang destination nila.

“Do I know?" Tanong ulit ng lalaki kay Tiffany dahil bigla na lang itong natahimik na kanina ay gusto ng sumabog dahil sa pangyayari.

“Malay ko ba, basta kilala na kita kaya baka kilala mo rin ako." Sambit ni Tiffany pero sa katunayan ay hindi naman talaga siya sigurado kung ang lalaki na kaharap niya ay iyon ang nakita niya noong isang araw pauwi sila ng kanyang anak sa kanilang bahay at ang nakita niya kanina papasok ng building kung saan siya huling nag-apply ng trabaho ay iisa. At ngayon na nakita niya na ito ng harap-harapan ay biglang nagbago ang awra ni Tiffany at napabintangan niya na ang kaharap niya na iisang tao lang sila, lalo at may nakita siya na sasakyan sa labas na nakaparada na magkatulad or pwede ring magkaiba.

“I don't think so, lady. I don't know you from the very start–" sambit nito at walang paalam na umalis na lang sa harapan niya. Susundan pa sana ni Tiffany at para pagalitan dahil wala nitong modo at binalewala niya lamang ito at baka sa gagawin niya ay mas lalong hindi siya matatanggap sa trabaho dahil nakita na mismo ng may-ari ang ugali niya.

Inayos ni Tiffany ang sarili at ngumiti sa staff na naroon sa loob at nagtanong siya.

“Hello po, good afternoon, ako po pala si Tiffany at may nagsabi na hiring daw po kayo ngayon, miss?”

"Ikaw ba si Tiffany?” Sabay lumingon ang staff at si Tiffany sa nagsasalita na babae na kakapasok lamang, galing ang ginang sa pinto na may nakapaskil na staff only.

Ngumiti si Tiffany at binigay ang attention sa ginang.

“Yes po ma’am, itinuro po ako ni Lerianna sa shop niyo po dahil naghahanap kayo ng bagong employee?" Magalang na wika niya, mabuti na lang hindi nakita ng matanda ang nangyari kanina no'ng nagkita ang landas ng estranghero na lalaki.

“Oo hija, may resume ka ba riyan na dala? Tinawagan ako ng pamangkin ko kaya may idea na ako."

"Hala! Salamat po, yes po, meron po akong dala rito.” kinuha niya ang resume at binigay ito sa kanya. Habang binabasa ng tita ni Lerianna ang resume niya ay napalinga siya sa paligid. Napapalibutan ang buong loob ng mga bulaklak na iba't- ibang kulay, hugis at pangalan.

“Hmm, same pala kayo ng pamangkin ko na tinatrabahoan dati, at na ikwento ka niya sa akin, magaling ka sa trabaho. Ayos lang ba sa inyo ang trabaho na maibigay namin sa'yo?"

Ngumiti ng malapad si Tiffany at sinabi sa kanyang puso na kahit anong trabaho basta marangal ay tatanggapin niya.

At masaya na ibinalita ni Tiffany sa kanyang ina at anak na meron na siyang bagong trabaho at pwede na siyang makapagsimula sa Lunes.

Ang nasa isip ni Tiffany na kahit magulo man ang buhay pag-ibig niya dahil sa hiwalayan ng kanyang asawa ay mahal pa rin siya ng tadhana dahil bukod sa kanyang anak, nariyan ang kanyang ina at kapatid na handa siyang damayan. At ngayon ay, nakahanap agad siya ng trabaho bilang isang sales associate, na kung saan ang trabaho niya ay tumutulong sa mga customers at nag-aasikaso ng mga benta.

Bago siya umalis kanina ay tinuruan na siya ng mga dapat niyang gawin at kahit papano ay natuto si Tiffany dahil sa pagsisikap nito na matuto sa bagong field ng trabaho na binigay sa kanya.

Wala namang impossible hangga't willing matuto sa lahat ng bagay at isa-puso ang lahat na tinuro sa kanya para hindi siya nahihirapan sa hinaharap.

“Mommy–”

"Hmmm,” humm ni Tiffany sa kanyang anak. Nakahiga na ang mag-ina sa kama para matulog.

“Malapit na po ang birthday ko–” ngumiti si Tiffany dahil sa sinabi ng kanyang anak.

"Yes baby, malapit na po. Excited ba si baby Trisha?" Nakikita niya ang pagkislap ng mata ng kanyang anak.

“Excited na po."

“Anong gusto mo sa birthday mo?"

“Hmmm, gusto ko po like barbie party po. Maraming foods, toys, like nasa malaking place po tayo magce-celebrate, you, Lola and tita and my friends are invited." Napatigil si Tiffany dahil sa narinig niya. Gusto ng kanyang anak ang bongga na birthday party.

Hindi niya alam kung makakaipon agad siya ng ganoong halaga at dahil may trabaho na siya at pagsikapin niya na magkaroon ng ganyang halaga na pera.

“Pero, it's okay mommy if hindi po pwede ang wish ko po, I understand naman po." Umiling si Tiffany sa kanyang anak at nakangiti habang sinusuklay ang kanyang buhok na mahaba gamit ang kanyang mga daliri.

“Gagawa ng paraan si mommy anak, don't worry. What's my baby want, grant natin, okay?" Parehong nakangiti ang mag-ina dahil sa narinig nila na pangako sa isa't-isa.

Hangg sa nakatulog ang kanyang anak at mabigat ang kanyang loob na maalala ang hiling ng kanyang anak.

Naalala ni Tiffany kung gaano kasaya ang nakaraan na birthday ni Trisha na sobrang saya na makita niya ito dahil sa tuwing birthday ay laging bongga ang birthday celebration ng kanyang anak. Minsan, pumupunta pa sila sa ibang bansa para ipagdiwang ito, ngunit ngayon na hiwalay na sila ng kanilang ama at hindi pa nagsisimula si Tiffany sa kanyang bagong trabaho ay hindi niya pa alam kung paano magkaroon ng birthday celebration ang kanyang anak na gaya ng dati.

"Hay, mahirap talaga kapag nakasanayan mo ang isang bagay, ngayon ay kailangan kong baguhin ang lahat, magkakaroon pa rin ng bonggang celebration si Trisha kahit wala ang tulong ng kanyang ama na si Martin." bulong ni Tiffany sa kanyang sarili.

At nang masiguro na natutulog na ang kanyang anak ay saka palang inayos ni Tiffany ang sarili para humiga ng maayos at makatabi ang anak niya sa pagtulog.

Ngunit, nagising siya dahil sa isang panaginip. Napahawak siya sa kanyang dibdib dahil hindi niya ito maiintindihan, at nasa panaginip niya ay kinasal muli siya, hindi kay Martin kundi sa ibang lalaki, pero sa panaginip niya ay hindi niya nakita kung ano ang mukha ng lalaki dahil malabo ang nakikita niya sa panaginip.