CHAPTER 04

CHAPTER 04

Tiffany?" Kahit hindi sigurado kung siya ba ang tinatawag ay napalingon siya sa kanyang likuran na may narinig siya na tumatawag ng pangalan niya.

Napangiti siya na makilala niya kung sino ang tumatawag sa kanya at ang familiar na boses ay sa kanyang kaibigan.

“Lerianna–”

“Anong ginagawa mo rito?" Isa siya sa kaibigan ni Tiffany no’ng nagtatrabaho pa siya sa isang Finance, sa department kung saan kasama ang kanyang asawa na si Martin pero dahil sa nangyari na diborsyo kaya maaaga palang ay nagbigay na siya ng resignation letter.

Hindi sinabi ni Tiffany ang buong pangyayari kung bakit gusto niyang mag-resign sa trabaho pero alam niya sa sarili niya na iyon ang tamang paraan para hindi na magkita muli ang landas niya at ang kanyang dating asawa.

“Naghahanap ng trabaho,” sabi niya. Nakita niya ang paglaki ng kanyang mga mata.

"Di nga– akala ko nga no'ng umalis ka sa dati mong tinatrabahuan ay hindi na kita makikita muli, wait, ano bang trabaho ang hinahanap mo?" tanong nito habang may ka text sa kanyang cellphone habang naghihintay ng sagot ng kaibigan.

“Kahit ano sana, kaso wala pa akong mahanap ngayon eh, saan ka ba ngayon? Di ba nauna ka pang nagbigay ng resignation letter sa department at umalis sa kompanya?” nagpalit kasi si Tiffany ng bagong phone at naging cellphone number kaya wala siyang balita sa kasamahan niya dati lalo na kay Lerianna.

"Oo, nauna nga ako, hindi ko nga maisip na wala ka na pala roon, alam ko na may sasabihin ka s akin kasi alam mo na may lakad ako ngayon at nagmamadali. Teka, gusto mo bang magtrabaho kung saan ako ngayon nagtatrabaho? Pwede kitang ipasok doon lalo at kulang kami ng tauhan. Iyon kung gusto mo lang." Masaya at napangiti naman si Tiffany dahil sa narinig niya na sinabi ng kanyang kaibigan.

" Ano naman at saan banda iyan?”

"Sa isang flower shop, mabait ang mga amo ko dahil tita ko ang nagmamay-ari at sa usapang sahod ay hindi man kasing laki tulad ng work natin noon ay para sa akin ay ayos lang din sa pang-araw araw na gastusin.” Wika niya at nag-isip si Tiffany kung susubukan niya.

“Ngayon ba ako pwedeng pumunta?"

“Hmm, pwede pero hindi kita masasamahan dahil may pupuntahan ako ngayon na importante, pero wait, ibibigay ko sa'yo ang calling card para kung gusto mo pumunta ay alam mo kung saan at di ka mahihirapan, marami namang sasakyan papunta sa roon,” aniya at kinuha sa kanyang bag ang isang maliit na card na at ibinigay kay Tiffany. "Ayan, calling card ko iyan at nariyan ang bago kong cellphone number. Kapag may katanungan ka ay tawagan mo ako or text, okay? I'll text tita na ni-recommend kita sa kanya.” Dagdag niya pa kaya masaya siya na kahit pagod siya buong maghapon at ang akala uuwi siya na wala na talagang makukuha na trabaho pero hindi siya pinabayaan ng Panginoon.

Agad naghiwalay ang landas ng dalawa at hindi nagsayang ng pagkakataon si Tiffany at agad siyang pumara ng taxi para makarating ng maaga sa sinasabi ng kaibigan niya bago lumubog ang araw.

Hindi naman nagtagal at nakarating siya sa kanyang destination at hindi nahirapan na hanapin ang sinasabi ng kanyang kaibigan dahil nasa tapat lang ito ng kalsada at kitang-kita ang mga iba't- ibang klase ng mga bulaklak sa labas at loob nito.

Pagkatapos magbayad si Tiffany sa driver ng taxi at nagpasalamat ay hawak ang brown envelope na kung saan nakalagay ang kanyang mga requirements na kailanganin sa interview lalo na ang kanyang resume.

Malalim siyang bumuntong hininga dahil kinakabahan, wala pa kasing kasiguraduhan kung matatanggap siya sa inaapplyan niya at bago siya bumama kanina sa tapat ng flower shop ay tinawagan niya ang kanyang kaibigan na si Lerianna kung tama ba ang pinuntahan niya at sinagot naman ng dalaga na tama naman raw kung saan ang shop at sinabi sa kanya na nakausap niya na ang may-ari o ang kanyang tita na darating si Tiffany para mag-aapply.

Kinakabahan man ay hindi na umatras si Tiffany dahil kung hindi niya susubukan ngayon ay hindi niya malalaman kung tanggap ba siya o hindi para kinabukasan, iba naman ang pupuntahan niya na company para mag-apply ng trabaho. Basta malapit lang sa kanilang bahay or isang sakayan lang ay mas mabuti sa kanya lalo at may anak siya na laging naghihintay sa kanya sa pag-uwi. Nagbabakasakali siya na tanggapin siya ng kanyang bagong amo na stay-out lang muna siya kung matanggap man siya.

Pagkarating niya sa tapat, pinagmasdan n'ya muna ang paligid. May glass door ang flower shop kaya hinawakan niya ang doorknob para makapasok ngunit laking gulat niya na subukan niyang i-tulak ang pinto ay bigla naman itong bumukas galing sa loob kaya napasama s'ya, ang akala niya lalanding ang kanyang katawan sa lupa ngunit ang nangyari ay ang kanyang palad at noo ay nasubsob papunta sa dibdib ng isang estranghero.

Dali-dali niyang inangat ang ulo niya kaya nagkatinginan sila ng lalaki ngunit biglang natigilan siya nang makilala niya ito.

“Ikaw na naman?"