All Chapters of Marrying her Billionaire Baby Daddy: Chapter 61 - Chapter 64

Mataman namang pinagmasdan ni Graciella ang reaksyon ng kapatid niya. Nang makita niyang maaliwalas ang mukha ng lalaki, bahagya siyang nakahinga ng maluwag."Ngayong nakilala mo na si Drake, siguro naman mababawasan na ang pag-aalala mo sakin," nakangiting ani Graciella.Marahan namang umiling si Garett. "Nah, masyado pang maaga para makampante ako Graciella."Palihim namang siniko ni Cherry ang asawa nito. "Hayaan mo na sila. Malaki na si Graciella kaya alam na niya kung ano ang ginagawa niya. Isa pa, kasal na sila, anong gusto mong gawin? Paghiwalayin sila? Gwapo naman ang asawa ni Graciella. Maayos pa kung manamit. Mukhang hindi galing sa isang ordinaryong pamilya," anito bago ibinaling ang atensyon sa kanya."Sino ba talaga yang napangasawa mo, Graciella?"Noong una, akala ni Cherry na isang dukha ang pinakasalan ni Graciella lalo na't nalaman niya na hindi ito ikinasal sa simbahan at wala pang engrandeng selebrasyon. Pero nang makita na niya sa personal si Drake, masasabi niyang

Mabilis na napalis ang ngiti sa labi ni Graciella. Ulilang lubos na pala ang asawa niya pero wala man lang siyang alam?Agad na sumagi sa isipan niya ang malamig na pakikitungo ni Drake at kadalasan ay hindi pa marunong ngumiti. Akala niya noong una ay ganun lang talaga ang lalaki pero ngayong alam na niya na wala na itong mga magulang, bigla siyang napaisip kung ano ang pinagdadaanan nito. Kaya siguro mukhang nakakatakot si Drake ay dahil iyon ang defense mechanism nito.Agad siyang nakaramdam ng simpatiya para sa lalaki. Malungkot siguro ang buhay nito."Patapos na ako dito Kuya. Ang mabuti pa ay samahan mo na muna sina Ate Cherry at Gavin sa balkonahe. Ako na ang bahala dito," pag-iiba niya ng usapan para pagtakpan ang katotohanan na wala siyang kaalam-alam sa buhay ng asawa niya.Pero imbes na umalis si Garett ay nanatili ito sa kusina at mariin na umiling. "Tutulungan na kita. Hindi ko rin alam kung paano pakiharapan ang asawa mo pagkatapos ng naungkat ko. Nahihiya ako."Inilinga