Isang salita ni Fredrick ay tumigil sa pagsasalita ang lahat, lalo na sina Celeste at Charlotte. Bigla namang tumayo ang dalaga at nagpaalam. “Sandali lang, kuya. Nakalimutan kong uminom ng gamot ko, kaya pala medyo iba ang pakiramdam ko.” Hindi pa man nakasagot si Fredrick ay tumalikod na ito. Sa mansyon ng Farrington, bukod kay Lolo Mio ay mas may kapangyarihan ang salita ni Fredrick keysa sa ama nito na tila laging walang pakialam sa lahat. Ngumisi si Georgina. Alam niya sa banyo ang tungo ni Celeste at hindi iinom ng gamot tulad ng idinahilan nito. Kung tama ang hinala niya na may inilagay ang mga ito sa inumin para mapahamak siya ay maapektuhan din niyon si Celeste dahil mas marami ang ininom nito. “Ahm… excuse me rin po. Kailangan ko lang pumunta sa banyo,” biglang pagpapaalam niya. Gusto niyang sundan si Celeste para kumpirmahin ang hinala niya. “Sure, iha,” kaagad na sang-ayon ni Lola Andrea. Simula pa lang ay malamlam at puno nang pangungulila ang tingin nito.“Mag-ingat
Last Updated : 2025-03-23 Read more