All Chapters of Ang Lalaki Sa Salamin: Chapter 31 - Chapter 40

Tatlong araw na ang nakalipas simula nang gumising ako at matantong nasa pribadong kuwarto ako ng isang hospital. Hanggang ngayon ay naguguluhan ako dahil ang bangungot ko ay parang isang naging napakagandang panaginip. Nakasama ko raw ang guwapong binata na hindi ko matandaan ang pangalan na nakakulong sa isang mundo sa salamin.Pakiramdam ko ay nangyari talaga ang panaginip ko pero nang magmulat ako ay nalito ako. Kaya ito at palagi akong tulala dahil 'di ko na masabi kung ano ang reyalidad at hindi. Naging tahimik pa ako at kahit anong tanong o kausap ng magulang ko ay tikom ang bibig ko.Ayaw ko na 'pag nagsimula akong mag-usisa ay sasamantalahin na naman nila at pagsasabihan ako. Na kasalanan ko kung ano ang nangyari sa akin at napurhuwesyo ko na naman sila. Nadistorbo sa trabaho para ako ang asikasuhin nila. Alam ko ang ugali ng mga magulang ko at kung ano ang trato nila sa akin. Kaya mas minabuti ko na tumahimik na lamang at sarilinin kung ano ang napanaginipan ko habang comato

Nakita ko ang pagtutol sa mukha ni Nana sa araw na magbibiyahe kami papunta sa probinsya. Hindi ko sinabi sa kaniya ang plano ko kaya nagulat na lamang ito ng sabihin ko na kailangan niyang ayusin ang dadalhin niyang gamit at ngayon na kami babalik sa province. Nakita ko pa na plano niyang kausapin ang magulang ko pero may pagsamong pinigilan ko siya. Lumuluhang nakiusap ako na hayaan niya ako. Alam ko naman kung ano ang ginagawa ko.Sa mukha pa lang ni Nana ay halata nang 'di siya aprobado sa disisyon ko pero dahil nagmatigas ako ay hindi na siya komontra. Nang nakasakay na kami sa sasakyan at tumatakbo na ito ay wala kaming imikan ni Nana kaya natulog na lamang ako. Ito pa ang ikinaiirita ko. Nagkatotoo ang sinabi ni Amalia na hindi na ako dinalaw ng bangungot ko. Kung noon ay halos isumpa ko na ang pagsapit ng gabi ay ngayon naman ay hindi ako makapaghintay na matulog. Umaasang mapanaginipan ko si Leonides katulad noon.Pero nabigo lang ako dahil kahit minsan ay hindi siya dumalaw

"May hindi nabanggit ang Nana mo," singit ni Tiya na kanina pa pala nakikinig at nakatayo mula sa bukana ng kusina.Napatingin ako sa kaniya at lumalim ang gatla sa aking noo. Ano pa ba ang hindi nasabi ni Nana na alam nito? May idadagdag pa siya?"Siya lamang ang nag-iisang anak at apong lalaki ng pamilyang Nuevas. Ang anak ni Don Isagani Romualdo ay babae, si Lolita at napangasawa niya si Danilo Nuevas na isa ring mayamang angkan dito. Nagkaroon sila ng tatlong anak, dalawang babae at isang lalaki at iyon ay si Leonides. Siya ang panganay sa tatlo. Namatay si Don Isagani noong siya ay pitumpung taong gulang at edad trese naman si Leonides," salaysay ni Tiya."Nag-iisang lalaki sa pamilya Nuevas sa banda ni Don Isagani?" pagkokompirma ko."Si Danilo ay nag-iisa ring anak ng Nuevas kaya wala silang kamag-anak sa side niya. Ganoon din sa pamilyang Romualdo. Para bang itinadhana talaga na iisang lalaki ang ipapanganak sa kanilang henerasyon," dugtong niya. "Tama ba ako, Ate Tacing?"Tum

Nakatayo ako sa harap ng salamin at nakatingin sa kabilang mundo. Hinihintay ko na dumating si Cecily ngunit gumabi na ay hindi siya sumulpot. Walang ekspresyon ang mukha ko pero sa kalooban ko ay nasasaktan ako. Excited pa naman ako na sabihin sa kaniya na biglang bumalik ang nakaraan ko.Kaninang umaga na pagkaalis niya ay narinig ko na naman ang hagikgik ni Amalia. Kahit alam ko na sasaktan na naman niya ako ay binuksan ko pa rin ang pinto. Hindi nito inaasahan na lalabas ako kaya hindi niya naitago ang kaniyang mukha. Animo naitulos ako sa kinatatayuan ko nang makita ko ang wangis niya. Parang si Cecily ang nasa harap ko kung hindi lang siya isang kaluluwa lang.Nang magtama ang mata namin ay natulala ako. Isa-isang bumalik sa akin ang nakaraan ko. Simula noong bata pa ako at nagsimulang bangungotin. Noong madalas akong binabangungot ay hindi ko ma-decipher ang panaginip sa reyalidad. Minsan kahit gising ako ay ang alam ko nananaginip pa rin ako. Kahit nasa eskwelahan ako ay ganun

Napamulagat ako at biglang uminit ang aking pisngi. Lahat ng eksenang nangyari sa amin sa salamin ay nag-play sa utak ko at parang gusto kong matunaw sa hiya. Napasulyap pa ako kay Leonides na nasa salamin at nakamasid sa nangyayari rito.Nagkatinginan kaming dalawa at parang nagkahiyaan kami na mabilis ding nagbawi.Napatingin muli ako kay Darlin na hinaharangan si Amalia sa tuwing gusto niya akong sugurin. Para silang nagpapatentiro na dalawa."Gusto ko na ring magpahinga at makalaya sa sumpang 'to kaya gusto kitang tulungan, Cecily. Ilang taon na akong nagdurusa at pagod na akong makipaghabulan at makipagtaguan kay Amalia. Tutulungan kitang makapasok muli sa salamin —""P-Pero may nangyari na sa aming dalawa!" bulalas ko."Iyon ba ang aktwal mong katawan? Hindi ba at kaluluwa ka lamang nang makulong ka rin sa loob? Kaya ang naging kinalabasan ay nabuhay ang paboritong bulaklak ni Amalia na rosas at nagkaroon din ng buhay ang mundo sa salamin pero hindi naputol ang sumpa," paliwanag