All Chapters of ELLIOT JAMES HART (Wild Men Series #4): Chapter 21 - Chapter 22

Malori Ano nga ba ang dahilan kung bakit ayaw nating subukang gawin ang isang bagay? Takot? Pagkabigo? O ayaw nating makasakit o masaktan? Para sa akin, lahat. Simula nang magkrus muli ang landas namin ni Atty. Hart sa sarili nilang kumpanya ay hindi na siya nawala sa isip ko. Kaya siguro umabot pa sa puntong napanaginipan ko siya ng husto. Hindi lang basta panaginip, dahil pakiramdam ko, lahat iyon ay totoo. Gusto ko siyang lapitan. Bakit? Hindi ko rin alam. Ilang beses ko siyang pinanood mula sa malayo. Ang mga paa ko na parang may sariling utak ay nagtatalo kung lalakad ba ako palapit o palayo sa kan’ya. Sa huli, nanaig ang takot kong ipagtabuyan ng isang katulad n’ya. Dahil pakiramdam ko, hindi ako ang babaeng gusto n’ya. Sino ba naman ako para paglaanan ng oras? Wala! Isang linggo na ang lumipas simula ng tumuntong siya rito sa studio. Pero sa halip na ikatuwa ko iyon, nabigo lang ako sa nalaman ko. Tama lang pala ang naging desisyon ko, ang lumayo. Akala ko, dahil sa katoto