All Chapters of GUERRERO LEGACY 1: ADRIELLE GUERRERO: Chapter 31 - Chapter 40

NANG lumapat ang mga paa ni Adrielle sa veranda ng hotel suite niya ay kaagad niyang niluwagan ang pagkakabuhol ng hoodie sa ilalim ng kanyang baba pagkatapos niyang tanggalin ang pagkakatali ng mountain climbing rope sa kanyang beywang. Naglakad siya patungo sa sliding door at dahil iniwan niya iyong bukas kanina ay mabilis lang siyang nakapasok. Nakatuon ang buong atensiyon niya sa hawak niyang cellphone kaya hindi kaagad niya napansin ang lalaking nasa loob ng kanyang silid at nakatutok sa kanya ang hawak nitong baril. "Hanggang diyan ka lang!" Napatigil si Adrielle sa akmang pagsend ng mensahe kay Anya nang marinig ang pamilyar na boses ng lalaki. Dahan-dahan siyang nag-angat ng paningin bago balewalang hinubad ang suot na mask habang ang mga mata ay nakatutok sa kanyang kaharap. Sinasabi na nga ba niya na may kakaiba sa mga ikinikilos nito kanina kaya hindi na siya nabigla. She was just waiting for him to act. At mukhang kating-kati na ito dahil hindi man lang nito hinintay na

NANG MULING idilat ni Adrielle ang mga mata niya ay bumungad sa kanyang paningin ang isang hindi pamilyar na lugar na kanyang kinaroroonan. Kumunot ang noo niya habang tinatanaw ang labas ng salaming bintana ng sasakyan. Dahan-dahan siyang bumangon at hindi pinansin ang pagpitik ng kirot mula sa sugat sa kanyang balikat. Umupo siya nang maayos sa tabi ng bintana at pinagmasdan ang paligid. She was surrounded with an endless rice fields at sa dako pa roon ay mga nagtatayuang niyog naman. Bahagya siyang naaliw nang makitang banayad na sumasabay sa ihip ng hangin ang mga dahon ng palay. Mukhang bagong tanim lang ang mga iyon pero masarap pagmasdan ang tila pagsunod ng mga ito sa lihim na ritmong tila ang dahon lang nito at ang hangin ang nakaka-alam.Kunot ang noong muling sinuyod ni Adrielle ng tingin ang paligid pero ni dulo ng anino ng lalaking nagdala sa kanya roon ay hindi niya makita. Salubong ang mga kilay na nagpasya siyang bumaba ng kotse. Mas mabuti pang punuin na lang niya ng

MAHIGIT na isang linggo na ring nasa San Simon si Adrielle kasama si Cougar. Natuyo na rin ang sugat sa balikat niya. Wala si Cougar sa farm house dahil nasa bukid ang lalaki. Umaga pa lang ay naroon na ito sa niyugan dahil anihan niyog para gagawing kopra. Ang tanging kasama lang ni Adrielle doon ay ang katiwalang si Nanay Tilde, ang bunsong anak nitong si Niña na siyang katulong ng matandang babae sa pag-aalaga ng dalawa nitong apo. Si Xenia na anak ng panganay nitong anak na lalaki na sa kasamaang palad ay maagang binawian ng buhay. Bukod kay Xenia ay may isa pang apo si Nanay Tilde. Ang walang buwan na si Codie na anak naman ng pangalawang anak ni Nanay Tilde na namatay naman dahil sa panganganak.Matamang pinagmasdan ni Adrielle ang makulay na mga bulaklak sa harapan ng farm house ni Cougar. Kasalukuyan siyang nasa terrace at nagpapahangin habang humihigop ng kape. Alas-nuebe pa lang ng umaga pero tirik na tirik na ang araw. To be honest, she somehow starting to like the place.

FIESTA ng San Simon kaya abalang-abala ang lahat sa farm. Nagpakatay ng limang baboy para gawing litson si Cougar. May mga manok ding kinatay para gawing fried chicken para sa mga bata. Tulong-tulong ang lahat para sa pagdiriwang at nag-ipon-ipon sa isang bahagi ng manggahan.Sa isang parte naman ay naroon ang palaro kung saan, ang makakahuli ng kahit isa sa apat na biik ay mananalo ng limang libong piso. Pinaliguan ng langis ang mga biik at sinadya ring gawing maputik ang lupa na pansamantalang binakuran para hindi makalabas ang apat na hayop."Sali tayo, Ate El," yaya ni Eunice kay Adrielle na biglang napatigil sa pagsubo ng hawak na kapirasong balat ng litson na kinuha niya nang mapadaan sila sa mga nagta-tadtad ng litsong baboy. "Saan?" takang tanong ni Adrielle kay Eunice na bahagya pang nalukot ang noo.Inginuso ni Eunice ang apat na biik na paikot-ikot sa loob ng kural kung saan nakapalibot naman ang mga tauhan ni Cougar na gustong manood at sumali. "Doon," sabi ni Eunice sab

NAPIKIT si Adrielle nang makita niyang dahan-dahang bumababa ang mukha ni Cougar palapit sa kanya. Dama din niya ang mainit nitong hininga na tumatama sa kanyang balat at nagbigay iyon sa kanya ng nakakakiliting pakiramdam. Kumuyom ang magkabila niyang mga kamay na nakatukod sa kama at bahagya ring lumalim ang kanyang paghinga. Alam niya kung ano ang gustong gawin ng lalaki pero hindi na siya makagalaw. Pakiramdam ni Adrielle ay bigla siyang na-paralize lalo na nang tuluyang lumapat ang mainit at may kalambutang mga labi ni Cougar sa mga labi niya.Mas lalo pang humigpit ang kapit niya sa bedsheet at isang mahinang ungol din ang pilit na kumawala mula sa loob ng bibig niya.It was her first kiss, for goodness' sake! Sa edad niyang bente-kuwatro ay hindi pa niya naranasang magka-boyfriend dahil umiikot lang naman ang buhay niya sa training at mga misyon. Wala ring nagkakalakas ng loob na manligaw sa kanya dahil intimidating daw ang dating niya. At si Cougar—siya pa lang ang kaisa-isang