Kabanata 26

MASUYONG tinapik ni Arthur ang pisngi niya.

“Masungit si kuya at kung minsan ay masakit magsalita. Kaya nga marami ang nagsasabi na wala siyang puso because he doesn't care about the feelings of others. Don’t worry. Tumatahol lang siyang parang aso pero hindi naman nangangagat.”

“May girlfriend na ba ang kuya mo?” naiintriga niyang tanong.

“Girlfriend?” ulit nito sa sinabi niya at pinong ngumiti. “May mga fling siya pero hindi niya matatawag na girlfriend. As I told you, walang mahalaga sa kanya kundi ang negosyo niya. Magparami ng pera at makilala sa business industry.”

“Sa ugali ng kapatid mo, may posibilidad na hindi siya magkaroon ng sariling pamilya,” maasim ang mukhang sabi niya. “Naku, kailangan mo pumunta araw-araw sa simbahan at ipagdasal na magka-girlfriend na ang kuya mo. Baka sakaling magkaroon siya ng puso.”

Humalakhak si Arthur. “Natutuwa ako sa ‘yo, alam mo ba ‘yon? Kasi, mas matapang ka pa sa ‘kin. Dahil ako ang kinakabahan at nilalamig ngayon.