Chapter 49

SUNOD-SUNOD na pumatak ang tubig sa sahig nang pumasok sina Clarence at Mari sa loob ng mansyon dahil sa basa nilang mga damit. Magkahawak-kamay nang palihim na nagtungo ang dalawa sa isa pang daan papunta sa ikalawang palapag. Patingkayad pang hinahakbang ang hagdan hanggang sa marating nila ang pinto ng kwarto ni Clarence.

“Sige na pumasok ka na sa loob at baka may makakita sa atin,” sabi ni Mari nang bitawan niya ang kamay ni Clarence.

Nginig na nginig ang katawan ni Mari dahil sa lamig. Gusto na niyang maligo para makapagbihis na kaagad.

Tumango si Clarence. “Right. Baka sipunin pa tayo katulad dati,” pabirong sabi ni Clarence habang siya ay nakangiti.

Narinig nila ang hakbang ng paang papalapit sa direksyon nila. Gulat na nagkatinginan ang dalawa at bigla silang kinabahan. Dahil do’n ay agad na binuksan ni Clarence ang pinto ng kwarto niya, hinawakan ang kamay ni Mari at pagkapasok niya’y hinila ang asawa sa loob. Nang maisara na ni Clarence iyon ay napasandal si Mari sa pi