Chapter 6

''Baby, it's time to wake up! Lady Shemaia!" Naalimpungatan ako dahil sa may narinig na tumatawag ng pangalan ko. Kailan pa naging lalaki ang  boses ni mama?

"Shemaia, gising na anak, sabi mo maaga kitang gisingin dahil may event kayo sa school." yan biglang boses babae na ang naririnig ko.

Dahil nga totoo ang sinabi ni mama na maaga akong papasok sa school ay napilitan akong bumangon. Hindi ko pa tuluyang idinilat ang aking mga mata sa kadahilanang inaantok pa. Pagkatapos kong magdasal ay tulungan na nga akong bumangon sa higaan.

Dahil nakaramdam ng pagkauhaw ay naglakad ako palabas ng kwarto, iniwan ko muna ang higaan na makalat dahil gusto ko na talagang uminom ng tubig.

Nakapikit pa halos buong mata ko, kaya ang nakikita ko ay parang blurred ang vision ko. Napangiti ako na makita ang bulto ni mama sa lababo, naghuhugas siguro ng mga ginamit na pangluto sa umagang ito, masipag talaga ang mama ko, pwede naman ako na yan mamaya.

Nilapitan ko sya, nasa likuran nya ako. Dinala ko ang mga braso ko sa bewang nya para mayakap ng mahigpit at saka batiin sya ng magandang umaga.

"Good morning mama ko!" kiniss ko pa ang kanyang likuran habang nakapikit ang mga mata.

Nagtataka nga lang kung kailan pa naging panglalaki ang amoy ni mama at bakit matigas ang kanyang tiyan.

"Tatawagin ko ulit ang anak ko Cloud sanda…..ay nandito na pala." Narinig kong Boses yun ni nanay na papasok galing sa labas. 

Dahil sa gulat ay bigla kong naimulat ang mga mata ko at kumalas sa pagkayap ng kaninong bulto sa harapan ko dahil kanina pa ako nagtataka. Dahil sa nakita parang gusto ko na lang lamunin ng lupa ang buong mukha ko. Wearing his P.E uniform, naka bandana ang ulo na kulay black habang nakangisi sa akin.

"Cloudy!" naitawag ko na pangalan kasi totoong nandito talaga sya sa harapan ko.

"Good morning sleepyhead," pinipigilan nitong tumawa dahil sa nakikita sa reaksyon ng aking mukha at dahil naalala na bagong gising lang ako, nakalugay ang mga buhok, baka mabaho pa tong hininga ko at baka may muta ang mga mata at higit sa lahat wala akong bra.

"Haaaaaa noooo.. noooo.. haaa….no way!" sigaw ko habang tumatakbo ako ng mabilis pabalik sa kwarto ko, tinalikuran ko ang dalawang tao na nasa labas ng kwarto.

Dahil hindi pa nailigpit ang higaan ko ay bigla akong humiga at tinabonan ng kumot ang mukha ko at sumigaw.

"NOOO… way…ahhhh….!" wala na akong pakialam kong umabot sa kabilang bayan itong boses ko basta gusto ko na lang talagang kainin ng lupa sa ngayon.

 "Shemaia! Anak nagpapagising ka ng maaga tapos nakabaloktot kapa d'yan sa higaan mo," narinig kong pumasok at sabi ni mama.

Binalingan ko sya, "mama! bakit nandyan s'ya, I mean di ko alam na nandyan na si Cloud tapos ganito ang hitsura ko, look oh waahhhhhh….ang pangit ko maaa….!" 

Nagpapadyak na ako sa higaan ko, ok lang naman kapag si mama ang nakakita ng ayos ko na ganito pero sa ibang tao hindi ko ata matanggap, lalo kapag si Cloud na ang boyfriend ko ang nakakita ng ganung ayos ko baka sabihin nya ang pangit pala ni Shemaia 'pag bagong gising ohh nohh, baka iwan niya ako.

Patuloy parin akong nagwawala "oh, hala kanina pa ang tao dito gusto mo bang pinaghihintay mo s'ya? Imbes makalibre ka sa pamasahe papuntang school ay hindi, dahil nauna na ang boyfriend mo na umalis dahil sa tagal mo."

Nakapamewang si mama habang sinesermonan ako. Dahil nga sa naisip na kanina pa pala s'ya pumunta dito para sunduin ako ay agad-agad akong bumangon sa higaan at niligpit ang mga higaan.

Pagkatapos kong magligpit ay kinuha ko na ang tuwalya na nakasabit sa sampayan at sunod na kinuha ang mga damit na susuotin ko mamaya papuntang paaralan. Pangit naman na katakip lang ako ng tuwalya habang naglalakad-takbo sa loob ng bahay pagkatapos maligo habang naghihintay si Cloud sa akin, halos lahat ng galaw mo pa naman ay kitang- kita dahil maliit lang naman tong bahay namin hindi tulad ng kina Cloud. Plano ko na sa CR na lang maligo at magbihis.

Binuksan ko ang pinto ng kwarto namin at luminga-linga muna baka mamaya nasa harapan ko lang si Cloud.

Nang marinig na nasa kusina lang ito at kausap si mama ay dali-dali akong tumakbo papuntang pinto ng bahay para makaligo na sa labas, sa may likod bahay. Nakayuko akong tumatakbo para hindi ko sila makita na nakatingin sa akin na ganito ang ayos.

 Pagkalabas ko ng bahay ay parang kaytagal kong pinigilan ang paghinga ko dahil sa nabigla sa taong dumating, ganun na ba ako kapagod sa final practice namin kahapon at di ko na agad naalala na sinusundo niya talaga ako sa bahay simula nung nalaman na ni mama. 

 Hay naku, bakit ang bilis kong makalimot. Pagkarating sa banyo inumpisahan ko na agad ang mga ritwal ko sa pagligo, sinasabonan ko ng mabuti ang aking katawan kasi mamaya malalagyan na naman ako ng iba't -ibang klaseng alikabok mamaya sa paaralan dahil umpisa na ng intramurals namin.

Atleast yung mga previous na dumi ay natanggal at saka kailangan mabango tayo para hindi tayo ewan ng mahal ko, hay dami ko ng sinasabi basta ang importante ay mahalaga na mahal ako ni Cloud, sabehh…

Pagkatapos kong maligo at nakapagbihis na ay pumasok na ako sa loob ng bahay para mag-ayos sa sarili. Inikot  ko ang tuwalya sa aking uluhan para matuyo sila ng kaunti para madali na lang mamaya na isuklay.

Pagkapasok ko ay dederecho na sana ako sa kwarto ng tinawag ni mama ang pangalan ko, napabaling ako sa kusina at nakita ko si Cloud na nakatingin sa akin patagilid habang nasa hapag kainan.

"Kumain ka muna Shemaia bago mag-ayos para hindi lumamig ang pagkain at ng hindi rin kayo sobrang busog papuntang school, sabay- sabay na tayong kumain," si mama. 

Wala akong ginawa kundi ang sumunod sa kanya. Nasa katabi lang ni Cloud ang upuan na plastic na bakante, pangit naman kung lilipat pa ako katabi ni mama, eh ganito naman ginagawa namin kapag dito kumakain ang nobyo ko ng agahan.

Mas ok na lang daw na dadalhin na lang dito ang ulam nya for breakfast kaysa kumain ng mag-isa sa bahay nila habang nakatayo at  nakabantay sarado ang mga yaya nya sa mansion para pagsilbihan sya, naiilang kasi  din sila sa kanya.

Wala akong imik habang nakaupo sa chair, for sure nasa akin ang kanyang mga mata at for sure nagpipigil talaga itong tumawa. Kapag sinusundo nya kasi ako ay gising na ako at minsan naka uniform na para pagdating niya ready to go na lang.

Pero dahil nag final practice pa kami kahapon kaya ito na naman ako parang lantang gulay at matagal gumising.

"Baby, kausapin mo naman ako," bulong niya sa akin pero hindi ko s'ya pinapansin o binalingan man lang, hanggang ngayon kasi hindi ko maimagine ang mukha ko kanina kung ano na itsura nun, atleast ngayon bagong ligo at kahit nakatakip pa ang tuwalya sa ulo ko ay ok lang.

 "Oh! kain lang kayo ng kain, magpakabusog kayo ngayon para mamaya may energy kayo sa mga activities sa school n'yo at kung maglaro kayo 'wag yung bagong kain pa, mamaya sa lunch niyo magpahinga muna kayo bago kayo magsimula," paalala ni mama.

''Opo manang, salamat po sa agahan, this bacon you want this?" for sure sa akin na niya itinanong kasi umalis si mama para magtimpla ng kape n'ya at kami ni Cloud kasi mga gatas ang iniinom namin.

Sa wakas tiningnan ko na s'ya pero iniwas ko agad baka nagmukha na akong kamatis dahil sa pamumula ng pisngi ko dahil naalala na naman yung kanina, hay naku.

"Konti lang, at isang egg," sagot ko,ewan ko ba pwede naman akong kumuha para sa sarili ko ginawa pa ng iba. Kinuha ko ang tinidor ko at kumuha ng hotdog at nilagay ito sa pinggan ni Cloud, sunod ko naman kinuha ay bacon favorite nya kasi ito na almusal. 

Para kaming ewan dito,.pwede naman na kanya-kanyang kuha at ilagay sa sariling mga pinggan, pero pinapasa lang sa ibang mga plato.

Napapailing na lang si mama sa mga pinanggagawa naming dalawa. Sabay-sabay pa kaming nagpasalamat.

Kapag nakikita pa ni Cloud na konti na lang ang laman ng aking pinggan ay nilalagyan nya pa ito kaya tuloy busog na busog ako. Kanina pa ako umaayaw pero ang sabi niya final na yung volleyball namin kaya dapat ako ang mas mabusog kaysa sa kanya kasi sa birnes pa gaganapin yung basketball nila. Eh, bukas pa naman magstastart yung sa'min.

Nang matapos na kami ay ako na nagpresinta na hugasan ang mga pinggan may oras pa naman at saka bagong kain pa lang kami kaya bawal pang maglakad ng malayo.

Kahit sinabi ko na ako na ay talagang tinutulungan ako ni Cloud para daw mapadali, ang ending ako taga-sabon, s'ya naman ang taga-banlaw kaya.

Dahil nasa labas si mama at nagsasampay ng mga  damit namin na nilabhan niya kanina kaya kami lang ni Cloud ang nasa loob. ''Hindi mo ako kinakausap simula kanina baby, may problema?" tiningnan ko s'ya akala ko pa naman nagtatampo ang mukha yun naman pala nagpipigil ng tawa, ang sarap sabonin din ang mukha dahil sa gwapo-gwapo sya n'yan. Inirapan ko s'ya dahil nang-iinis.

"Wag mo akong kausapin, naiinis ako sa'yo," sabi ko kahit hindi naman at talagang ako yung nahihiya dahil sa nangyari kanina.

"What? Bakit ka naman naiinis? Ahh alam ko na dahil pala doon," ngayon tumawa na talaga s'ya, hinahampas ko na ang kanyang mga braso, tapos na akong magsabon habang s'ya kakatapos lang na hugasan ang mga pinggan namin.

"Sabihin mo na hindi mo yun nakita kanina…in short wala kang nakita rather, ha?" kombensi ko sa kanya pero ang loko nakangisi lang, kaya yun inirapan ko na s'ya.

"What? No baby, alam mo ba na yun ang pinakamagandang mukha ng babae ang nakita ko a..," hindi na nya natuloy dahil hinahabol ko na sya ng sandok na nakita ko lang sa kusina ang ending naghahabolan kami sa square na lamesa namin. At ng mahabol ko s'ya ay kikilitiin ko na sana ng bumukas ang pinto.

"Hay nakung mga bata kayo, titirisin ko yang mga singit nyo kakatapos nyo lang kumain tumatakbo na kayo at hindi ba may event kayo sa school at dapat maaga kayong pupunta, eh ano itong ginagawa nyo ngayon? Naghaharotan na naman ok lang kung walang pasok pero meron, meron,meron…kaya ikaw Shemaia magsuklay ka na ng buhok mo at mag-ayos sa kwarto at ikaw naman half Italiano ka hintayin mo dito sa labas ang anak ko," mahabang sermon ni mama.

Sinunod ko ang sinabi nya at iniwan si Cloud. Pagkapasok ko ay agad kong sinuklay ang buhok, naglagay ng konting make-up like lip gloss at konting pulbos para kahit papano hindi ako nagmukhang lanta.

Nang makontento na sa ayos ay kinuha ko na ang bag ko at sa school ko na ito tatalian ang buhok ko. Nagdala narin ako ng extra t-shirt at bimpo para kung papawisin mamaya ay may nakareserba.

Nagmamadali na akong lumabas ng kwarto para makaalis na kami ni Cloud. Baka mamaya sermon ang aabotin namin kapag ma late kami.

"Mag-iingat kayo ha ang mga binilin ko sa inyo kanina, Cloud pakitingnan mo na lang ang anak ko, minsan pasaway yan hindi agad nagpapalit ng damit kapag pinagpapawisan o di kaya maulanan kaya madaling lalagnatin eh," bilin ni mama kay Cloud, hindi na ako bata pero kung makapagbilin si mama parang 1 year old lang ako kaya love na love ko talaga si mother earth ko, s'ya lang natatangi.

"I love you nanay ko, mag-iingat po kayo sa lakad nyo mamaya ha?" paalala ko kay mama habang kayakap s'ya, pupunta daw sya ngayon sa Dumaguete may inaasikaso lang, hindi na ako nag-usisa kasi baka ma late pa kami, hintayin ko na lang na sabihin ni mama yung kinakaabalahan niya kapag wala sya sa bahay o di kaya wala sa mansion. Itanong ko na lang mamayang gabi bago matulog kung maalala ko.

 "Walang problema po yun manang Carmelita, obligasyon ko po yun sa kanya wag po kayong mag-alala, palalambotin natin ang ulo nito para sumunod," ay aba ang loko humirit pa, ang sarap iuntog eh. Inirapan ko s'ya sa hangin, akala nya ha.

"Sige, salamat.. na hala alis na kayo ilang minuto na lang," bilin ni nanay. Pareho na kaming nakasakay ni Cloud sa kanyang sasakyan, yes his using his Zubaro naman this time. Tiningnan namin si nanay at kumaway bago kami umalis, pinapasok na muna s'ya sa loob. Nang makitang nasa loob ng bakuran namin si nanay ay umalis na kami ni Cloud.

Habang nasa biyahe, kinuha ni Cloud ang kaliwang kamay ko at dinala sa kanyang mga labi. "Good morning baby ko, hindi kita nabati kanina kaya ginawa ko ngayon," may pilyong ngiti na naman na gustong lumabas sa kanyang mga labi pero pilit na pinipigilan.

 "Remind me ulit sa nangyari kanina buong araw kitang hindi papansinin," banta ko sa kanya kahit sa totoo niyan nagjojoke lang naman ako.

"Subukan mo lang hindi ako pansinin hahalikan talaga kita sa harapan ng mga tao sa school." Hinampas ko na naman sya pero mahina lang, nakakainis talaga tong  nilalang na'to ako ang nagbanta ako pa ang nadali, sinimangotan ko sya.

"Eh kasi, totoo naman di ba? I'm soooo ugly kaya kanina, Cloudy baka iiwan mo ako dahil doon ayyy…" bigla na lang akong napatili dahil sa biglaan nyang paghinto akala ko pa naman na nakabangga kami pero ng tiningnan ko sa labas wala naman. "Bakit?" tanong ko, clueless na nangyari.

"Bakit mo dinadown ang sarili mo Shamaia Rey Ocampo? Fiba sabi ko sa'yo na maganda ka, nakalugay man o nakaayos ang mga buhok mo, may make-up o wala, lahat na nakikita ko sa iyo ay beyond perfect kaya please don't mention that again." Pinigilan kong maluha dahil sa pinagsasabi nya hindi ko alam bakit ako ganito, ah alam ko na dahil siguro malapit na kasing dumating kumare ko kaya feeling ko lagi akong bad mood. "Maganda ka, ok? Natatawa lang ako sa reaction mo kanina, that's it."

Hindi ko na pinahaba ang sinasabi ko baka saang planeta naman kami nito dadalhin kapag nag-uusap lalo at masinsihan. Dahil narin ng makita ko na malapit na kami sa school. May nakikita na ako ng mga naka p.e uniform ang halos lahat ng mga estudyante.

"Noted Cloudy ko, and thank you for always reminding me about that and sorry for always o minsan lang naman na minamaliit ko yung sarili ko," nakangisi na ako ngayon sa kanya. Huminto na ang kanyang sasakyan dahil nasa parking area na kami ng school. 

 Wala namang estudyante na dumaan dito sa ngayon at feeling tinted naman itong sasakyan niya kasi hindi ko nakita ang hitsura ng  loob nito pagpasok namin kanina  kapag nasa labas.

Dahil d'yan may naisip ako, gusto ko kasing lalabas kami ng sasakyan nya na accepted na yung thank you at sorry ko at dahil na appreciate ko yung sinasabi nya kanina, he lifted me up with his beautiful and magical words kaysa dinadown nya rin ako kagaya ng ginagawa ko sa sarili ko, mabuti na lang at hindi ganun ang boyfriend ko. He's always caring and loving me unconditionally.

Bago pa n'ya mabuksan ang pinto ay hinila ko na ang braso nya at inangat ang aking katawan para makalapit sa kanya at  pinugpog ko s'ya ng halik sa noo, ilong, pisngi paulit-ulit while saying I love you.

Humawak s'ya sa aking bewang para suportahan ako. May ngiti sa kanyang mga labi at nasisiyahan sa ginagawa ko sa kanya."I love you too, sobra."

At ng makontento na ay inayos ko na ang damit ko at lumabas na kami ng sasakyan nya. Mabuti na lang at iilan lang ang nasa parking area. Baka magtataka yun na kanina pa kami dumating ay ang tagal naming lumabas ng sasakyan nya, eh sa nag heart to heart talk kami.

"Let's go," kinuha ni Cloud ang isa kung kamay at sabay na kaming pumasok ng school. Nasa gate pa lang kami nakita namin si manong na abala sa ibang mga estudyante na pumapasok sa school, kahit intrams tinitingnan nya kung may id ba o wala ang mga bata.

Nginitian lamang kami ni manong ganun din kami sa kanya nung pinakita na namin ang mga ID na nakasabit na sa leeg namin ni Cloud.

Tuloy-tuloy lang ang lakad namin ni Cloud papunta sa kanya-kanya namin na classroom. May bumabati naman sa amin at nginingitian lang namin pabalik pero sadya lang atang ma appeal tong katabi ko ay may napatili pa na estudyante habang binubulungan nya ang kanyang kaklase kung gaano ka gwapo tong nilalang na kasama ko.

Pagkarating namin sa tapat ng classroom ko ay humarap s'ya sa akin."See yah later, ok?" tumango lang ako sa kanya, hindi na niya pinakialaman ang buhok ko kasi nabanggit ko na kanina na yung kaklase na lang ako muna magpapaayos ng buhok. Plan ko kasing gawin siyang naka braid hairstyle. Hindi pa sya marunong nun eh kaya pag-aralan nya muna.

Nginitian ko sya at nagbigay ng flying kiss para makaalis na s'ya,nasa loob na ako pero parang ayaw pang umalis. Nung dumating yung kaklase ko na tahimik na si Kyla ay nagremind na ako sa kanya about sa pagbabraid nya ng buhok ko, inalok nya kasi ako nung nakaraan na baka gusto nya pakialaman ang buhok ko at dahil marunong syang magbraid ay umuoo na ako, nung nakaraan kasi si Cloud ang nag-ayos kaya ayaw ko naman na pangnagkita kami ay makita na nya lang na iba na ayos ng buhok ko, hindi ko alam kong magtatampo s'ya pero as a girlfriend dapat alam mo yung mararamdaman nya na pinaghirapan nya ring gawin dahil ganun rin ang mararamdaman ko kung ako ang naghairstyle ng buhok nya at mabalitaan ko na lang na inaayos na ng iba lalo kapag babae iwan ko na lang baka magwawala na ako.

      "Oo ba, mamaya after ng attendance natin sa ating professor." tumango at nginitian ko s'ya pagkatapos magpasalamat. Hindi naman katagalan ay dumating narin ang teacher namin para sa kanyang announcement sa event na gagawin ngayong araw.

      Pagkalabas namin sa classroom ay tumungo na kami sa field para sa flag ceremony at mensahe ng principal namin. Nakita ko si Cloud kasama ang mga barkada nya. Tumingin ito kung saang banda ako marahil siguro my nakikita syang kaklase ko kaya for sure may idea na sya na nasa paligid lang ako, kakawayan  ko na sana s'ya pero hindi nya siguro ako napansin na kumakaway dahil may humarap sa kanya na babaeng estudyante, may tinatanong siguro kasi nagtuturo si Cloud. Kalaunan umalis din ito, at bumalik na si Cloud kung saan sya nakapwesto kanina dahil tinawag sya ng kaklase nya.

Humarap na ako kung saan nagsasalita ang principal namin about sa mangyayari sa first instrams namin and to congratulates sa mga sasali. After na palakpakan at halos lahat ay excited sa mangyayari ngayong araw.

Pupunta na sana ako sa locker room ng mga girls para makapag-bihis ng una naming gagawin ngayon yun ang cheerdance, yes kasali din ako since first year ganito na ang sinasalihan ko, last year sumali din ako kaya hindi na ito bago sa akin.

Kaya hati lagi ang practice namin sa Volleyball at sa cheerdance para hindi naman mukhang bagsak ang katawan namin."Sure kana ba na sasali ka? Pwede ka pang umurong baby," rinig kong may nagsalita sa likod paglingon ko ay si Cloud pala.

  

 Nginitian ko s'ya, ito na naman ang pagiging nerbyoso niya umaandar na naman. Last year kasi kamuntikan na akong mahulog habang hinahagis sa ere, muntikan kasing ma out of balance yung kasamahan naming lalaki sa sayaw kaya napasigaw si Cloud.Tumayo ako sa kanyang harapan to make sure na ok lang ako, umigting ang mga panga nito at gustong-gusto na manapak pero nandoon ako ay kumalma s'ya.

 

"Cloudy ginagawa ko na'to dati pa, hindi ba? Kaya gagawin ko ulit wag kang mag-alala walang mangyaring masama sa akin, hmm?" sabi ko para hindi nya na ako pilitin na ang isang bagay na gusto kong gawin sa sarili ko ay hindi ko magawa sa ngayon. "Magbibihis na ako, pwede ka naman na bumalik sa mga barkada mo at wag mo na akong hintayin, magkita na lang tayo sa lunch," sabi ko kay Cloud.

   

 Tiningnan nya lang ako nagpipigil na magalit. Dahil hindi nya ako sinagot ay iniwan ko na s'ya baka malate pa ako, nasa gym na ang ibang mga estudyante na sasali sa cheerdance sa batch namin. Labas-pasok narin ang mga estudyante galing sa kanilang mga classroom o saan man sila nanggaling, yung iba abala sa mga preparations nila sa kanilang mga games o activities na napili.

Pagkatapos kung magbihis pagkalabas ko ay naabotan ko si Cloud na nakatayo at naghihintay sa akin, nakangiti na ito ngayon. O kanina parang galit ngayon nahimashimasan na siguro.

"Sana hindi mo na lang ako hinintay, baka may gagawin kapa na importante," sabi ko sa kanya baka mamaya may mga activities pala ito na gagawin tapos laging nakabuntot sa akin, hindi naman yun masama kasi gf nya ako pero baka mamaya mapagalitan sya at bumaba grado nya, sayang naman.

Hinawakan nya ang bewang ko, sabay na kaming naglakad papuntang gym."Hell I care, gusto ko nandito sa'yo," napapiling na lang ako sa sagot nya, ayaw ko ng pilitin baka mamaya umigting na naman ang mga panga nito.

Pagkatapos magperform ng second year high school ay kami na ang next, naghanda na kami sa gilid para sa formation at hinihintay lamang ang hudyat o tawag ng aming grupo. Kinakabahan ako ng kaunti pero binabalewala ko iyon nung tinawag na ang 3rd year high school, agad-agad naman kaming pumunta sa gitna para magpakitang gilas.

Napapangiti na lamang ako na makita si Cloud na nasa gitna nakaabang kung saan kami, talagang tinutoo niya yung sinabi kanina na tututukan nya ako kung pwede pupunta sya sa gitna kapag hinahagis na ako sa ere kabilang kasi ako doon, siguro dahil magaan ako wala naman akong narinig na reklamo ng mga kasamahan kung lalaki na nagbubuhat sa akin.

 Nakatayo lang si Cloud habang nakapameywang bantay-sarado at hindi nilulubayan ang kanyang mga mata sa akin.Nginitian ko s'ya pero ang loko parang sinasabi nya na 'ngingiti kapa habang ako dito nenerbyos'. Napangiti na lang ako kung tama itong nasa isip ko. 

 Inihanda ko ang sarili ko para sa paghagis nila sa akin at ng ginawa na ng kasamahan ko lumapit na talaga si Cloud kung saan ako. Narinig kung hiyawan ng ibang mga estudyante dahil sa nakita at may naririnig pa ako na sana all na lang talaga.

Binabalewala ko iyon at nakipag-concentrate sa ginawa ko, maganda naman ang kinalabasan ng pagbagsak ko sa dalawang kaklase na lalaki na sumasalo sa akin.

Nasa gitna na si Cloud at ganun parin ang ginagawa n'ya bantay sarado parin. At ng yung posisyon namin ay pa V ang letter at ako ang nasa gitna na design na v dahil malapit lang ako kay Cloud, ilang inches lang yung pagitan namin habang gumagawa ng form ay binigyan ko sya ng flying kiss at nag mouth na I Love you.

Ayon naman pala kailangan lang ng assurance, umiiling na lang ito sa ginagawa ko habang may sumisilay na ngiti sa mga labi at langya narin dahil may nakakita at alam nila ang ginawa ko kaya nagtitilian na naman, ganun ba karami ang mga fans namin? Hindi pa kami nyan artista pero feeling ko special kami sa school na'to paano pa kaya kung na KMJS pa ito, charoot lang.

Pagkatapos ng tapunan sa ere at ibang formation ay natapos narin namin, hingal na hingal ako pagkatapos. Pinuntahan ko si Cloud at ng napansin nya ako may kinuha siya sa kanyang bulsa at ito ay maliit na towel. Pagkalapit ko sa kanya pinunasan nya agad ang aking mukha, ito na naman ang pagkaalaga nya na kahit na pwede naman ako ang gumawa pero he insist daw kaya hinayaan ko na.

"Take a breath muna, calm down your heart bago ka uminom ng tubig para hindi malunod at mabigla ang puso mo," sinunod ko sya kasi feeling ko nagrarambolan ang paghinga ko at ang tunog ng dibdib ko.

Pagkatapos kumalma saka nya inabot ang tubig sa akin. "Thank you Cloudy!" nginitian ko siya habang palakad kami papuntang labas para makapagbihis na ako.

Dinala niya ako sa office ng tito nya para doon na daw ako magbihis malapit lang naman kasi dito sa may gym ang opisina nila. Nang makapasok wala dito ang tito nya dahil isa iyon sa mga judge kanina.

Papasok na sana ako ng banyo ng hinila ni Cloud ang braso ko sa kanya at yinakap nya ako ng mahigpit. "You did a good job kanina, so proud of you kahit parang aatakihin ako sa puso," reklamo nito. 

Napapangiti na lang ako sa kanya. Ako nga easy go lucky lang kanina pero itong mahal ko sari-sari na pala ang nararamdaman. Kaya para masuklian ko iton ay yinakap ko rin sya ng mahigpit para hindi na ito mag-alala. 

 "Thank you Cloudy for always there by my side, natakot naman ako kanina baka hindi maganda yung pagbagsak ko pero dahil alam ko na nandyan ka wala akong nararamdaman na kaba kasi alam ko na hindi mo ako pababayaan.Kaya sobrang thank you talaga," sabi ko sa kanya habang nakayap narin ng mahigpit sa kanyang bewang.

Nang pinakawalan nya ako kinuha nya ang kamay ko para halikan ang likod nito.

"Go change your clothes bago pa yan matuyo sa katawan mo baka ma walis-tambo ako ng nanay mo kapag malaman nyang sinasabayan ko lang ang katigasan ng ulo mo sa hindi pagsunod ng bilin ng nanay mo." Inirapan ko lang sya akala naman hahayaan ko ang damit ko na matuyo sa pawis lalo ngayon na kasama ko si Cloud baka buong hapon nakabuntot lang ito sa akin lalo ngayon imbes na manuod sya sa kanyang mga kaklase na nagperform ay kasama ko ngayon dito.

Pagkatapos makabihis ng puting tshirt ay sinuot ko narin ang pajama ko na sinuot kaninang umaga hindi pa naman ito madumi kasi iba ang ginamit namin nung nagperform.

 

Pagkalabas ko ng banyo nakita ko si Cloud na nanunuod ng tv habang may tinatype sa kanyang cellphone. Napansin nyang lumabas na ako kaya nginitian nya ako habang tinatapik nya ang upuan katabi sa kanya. Sumunod naman ako at umupo narin.

"Nagpahanda ako ng pangmerienda natin kay aling Bechay na nasa canteen idedeliver ng tauhan nya dito sa office, kain muna tayo bago bumalik."  Oh may textmate sila? natatawa na lang ako sa naiisip ko.

"Nagutom ka? Sa bagay parang nagugutom narin ako dahil sa ginagawa kanina parang nagsisiliparan lahat ng kinain ko kaninang umaga dahil sa pagsayaw," natatawa kong sabi sa kanya.

"Yeah, at ako naman itong matalim ang mga tingin sa dalawang mga lalaki na nakatoka sa'yo malilintikan talaga sila kapag hindi nila aayosin ng maayos ang pagkasalo sa iyo," sinimangotan ko s'ya dahil sa kanyang mga naiisip kaya love ko to eh handang gawin para sa akin.

"Ewan ko sa'yo Cloud pero thank you for staying me hanggang matapos ang laro," nag-uusap pa kami ng kung ano-ano ng makarinig ng katok sa pinto, tumayo si Cloud para tingnan kung sino yun baka yun na yung pinaorder nya.

Pagkatapos ng cheerdance parang gusto ko tuloy matulog dito sa sofa lalo at naka on ang aircon dito, parang hinihele ang katawan ko sa tamang lamig ng hangin.

Pagkarating ni Cloud ay inisa-isa na nyang nilabas ang laman sa supot. May banana que at camote, meron ding Ginataang Bilo-bilo at pancit. 

"Ang dami naman itong inorder mo, may maiuuwi na naman ako sa bahay nito 'pag hindi maubos," nakangiti kong sabi sa kanya.

Napapailing na lang itong nilalang sa akin, "kumain muna tayo bago bumalik sa gym, nakakagutom kang tingnan kanina kaya kakain tayo at uubusin natin ito," tumatawa na lang ako sa sinasabi nya.

"Bakit? Kailan pa naging ulam o pagkain tong katawan ko Cloudy at nagutom ka? tanong ko sa kanya habang nakangisi at kumakain ng pancit.

"Syempre halos sa umpisa at kataposan ng dance nyo ako ang natatakot sa'yo, parang gusto ko palitan yung kasama mo para ako ang sasalo o maghagis sa'yo sa ere pero pinigilan ko ang sarili ko baka ma disqualified pa kayo,tsk." Wala na tumatawa na talaga ako hindi ko maimagine ang hitsura nya na halos magsisilabasan ang mga ugat sa mukha na hindi mapakali habang ako ineenjoy ang pagsayaw, itong isa nagwawala habang tinitingnan lang ako, hindi talaga s'ya nasanay na ginawa ko na ito dati pa.

"Kaya love na love kita eh, thank you Cloudy ko," sabi ko habang binigyan sya ng halik sa pisngi.Sinusubuan ko s'ya ng pancit kasi yung camote lang ang kinakain nya.

Pagkatapos naming mag merienda ay bumalik na kami sa gym para sa iba na namang mga laro, ayaw pa sana ni Cloud pero pinilit ko na s'ya na makisalamoha sa kanyang mga classmates o barkada kung ano man ang ginagawa ngayon.

Ako naman ay heto nanunuod ng chess ng second year kalaban ang first year. Nasa gilid ko lang sina Sophia, Gail at Mercy nanunuod din ng games, maraming mga activities sa unang araw na ito. Nang mapagod na kami sa kapapanuod na hindi naman naiintindihan ang tungkol sa chess na yan, kinuha ni Sophia ang bola ng volleyball para mag-ensayo daw kami para sa gaganapin bukas, yan kasi ang oras para sa sport namin at hapon naman kina Cloud about sa basketball.

Timing at hindi isinabay may chance na makapanuod sya at ganun din ako sa kanya, hmm parang may gusto akong gawin bukas ah for sure hindi naman magagalit si Cloud nun, well see that kung effective ba itong mga naiisip ko na ito, sana lang ma appreciate nya kasi kung hindi isang linggo ko syang iirapan.

Kasama kong naglunch break ang mga kaibigan ko at kasama namin si Cloud, naiilang man ay nakikipaghalubilo narin sila kay Cloud.

Masaya ang unang araw ng activities namin sa school, sobrang natutuwa at game na game ang ibang estudyante sa mga sinasalihan nila at ang pinakamasaya sa lahat na kanya-kanyang cheer sila sa mga kinakampihan nila na players.

Halos namamaos na kami sa kakasigaw dahil kung ano yung sinalihan ng kaklase namin ay nandoon kami para magbigay ng lakas ng loob ay yun ang pagche-cheer sa kanila.

Minsan nakikita ko si Cloud na nakatingin sa banda ko, pinagtitripan na naman siguro ako nito na kunan ako ng picture, yan kasi hilig nya.