Simula

"Ano ba gusto mo sa mga lalaki?" Tanong sa akin ni Xia habang kumakain kami ng kwek-kwek.

"Wala gusto ko lang ng mabait, maalaga, tapos responsable, gano'n lang." Mahinahon ko naman na  saad ko kay Xia habang ipinagpatuloy ko ang pagkain.

"Alam mo ba Tin, may kilala akong pogi." Hirit pa ni Xia sa akin, at alam na alam ko na kung saan ito patungo. "Mabait, maalaga, at responsable rin siya, tapos bonus na rin yung fact na mayaman siya!" Tumitiling saad pa nito habang nagkukuwento.

"Gusto mong ipakilala kita?" Tanong nito sa akin.

Umiling ako.  Ayoko.

"Ayoko." Pagtanggi ko kaagad na ikinaawang ng kaniyang mga labi dahil sa gulat.

"Marami pa akong dapat unahin kaysa makipaglandian sa mga lalaki ngayon. Ayoko munang pumasok sa dating o magkaroon ng love life. Ayaw kong makipaglaro lang, gusto ko ng kasalan agad." Seryosong aniya ko na mahinang ikinatawa ni Xia.

Right.

Gusto ko ng kasalan agad.

At kung puwede, ay sana ang magiging first boyfriend ko ang magiging asawa ko.

Alam kong assumera ako dahil wala ng ganoong mga lalaki sa panahon ngayon, pero sana naman ako ang unang babaeng mamahalin ng taong ihaharap ko sa altar.

"Huy! Kahabahan ka nga sa mga sinasabi mo!" Natatawa akong sinapak ni Xia sa braso at taas-kilay ako nitong hinarap. "Lumandi ka nga, minsan lang naman ito eh!" Pangungumbinsi pa nito sa akin.

Umiling ako. "Ayaw ko, ang daming ko pang responsibilidad sa mga kapatid ko. Uunahain ko muna ang mga iyon, bago ako lumandi."

"Hayst," Bumugha ng hangin si Xia at masamang napatingin sa akin. "Ang killjoy mo naman!"

"Hindi ako killjoy, sex lang naman kasi hanap ng mga lalaki ngayon eh." Walang prenong aniya ko na dahilan para mapatingin sa akin ang mga lalaking kumakain din dito sa tabing kalsada kasabay namin.

Tinaasan ko ang mga ito ng kilay at inirapan, "Oh bakit napatingin kayo!? Totoo naman 'di ba?" Parang nanghahamon ng away na tanong ko sa kanila.

Kaagad namang umiwas ng tingin sa akin ang mga lalaki, inawat na rin ako ni Xia.

"Ano ba nakakahiya ka! Tara na nga!" Nahihiyang sambit pa ni Xia at hinila na ako pabalik ng office.

Nagtatrabaho ako sa isang beauty careline ng mga Adeliz. Isa ito sa mga pinakasikat na careline brand dito sa Pilipinas at unti-unti ring lumalago ang brand sa mga bawat taon na nagdaan.

I was only nineteen nang makapasok ako sa kompaniyang ito bilang sekretarya ng babaeng CEO ng Adeliz Careline na si Miss Danica Adeliz. Nagsilbi ako bilang kaniyang sekretarya sa loob na nang halos anim na taon, at tiniis ko ang hirap at pasakit sa kompaniyang ito para lang manatili ako rito.

Ito lang kasi ang trabahong tumanggap sa akin kahit hindi ako college graduate o degree holder, ngunit ang kapalit naman noon ay hirap at pasakit mula sa mga taong nakakasalamuha ko araw-araw sa kompanya.

Okay lang din naman yun sa akin, dahil ang trabahong ito ang bumubuhay at nagpapaaral sa mga kapatid ko.

"Huy Kristina!" Pagtawag sa akin ng isang babaeng boses sa kung saan.

Napalingon ako sa may pintuan ng office ni Miss Danica at nakita ko roon si Jessie, ang babaeng palagi akong pinag-iinitan dito sa kompaniya.

Dali-dali at mahinahon naman akong lumapit sa kaniya. "Ano po iyon?" Magalang ang tono ng aking boses. 

"Tawag ka ni Miss Danica. Lagot ka, galit yun ngayon!" Nakangising pagbabanta pa nito sa akin kaya bahagya akong kinabahan.

Malakas niya akong binangga at nakangising umalis sa harap ko.

Bahagya naman akong napalunok at inayos ang damit ko bago ako pumasok sa office ni ma'am Danica.

"Ma'am? Pinatawag niyo raw po ako?" Mahinahon at magalang ang tono ng aking boses nang pumasok ako sa loob ng office ni ma'am.

Nabigla naman ako nang kaagad niyang ibinigay sa akin ang isang laptop, at ang sobrang kapal na mga folders na pinagpatong-patong.

"Make a PowerPoint presentation, use these documents for reference and finish it before 9 am tommorrow." Nagmamadaling utos sa akin ni ma'am Danica nang sabay-sabay niyang ipinatong ang mga iyon sa aking mga kamay.

May kausap siya sa telepono, at hawak-hawak niya ang kaniyang birkin. Mukhang nagmamadali itong umalis sa opisina niya. Itinulak niya ako palabas ng office niya at kaagad iyong isinara.

Mutikan na akong matisod dahil sa malakas na pagkakatulak sa akin ni ma'am Danica pero buti na lang ay kaagad kong nabalanse ang galaw ng aking katawan.

Bago pa ako nakahakbang patungo sa table ko, naramdaman kong bumukas ang pinto ng office ni ma'am Danica at tinawag muli ako nito. Lumingon ako, at nakita ko siyang palapit sa akin.

"Tin, after you made the presentation please go to this address and sign the contract for me. Just tell them that I have an urgent thing to settle, kaya hindi ako makakapunta. Don't fuck it up, and don't be late." Nagmamadaling saad ni ma'am Danica sa akin at inabot sa akin ang card.

"P-Pero ma'am—" Magrereklamo pa sana ako nang bigla na lang umalis si ma'am Danica na nagmamadali.

Wala akong nagawa kun 'di sundin na lang ang utos niya dahil wala rin namang mangyayari kung magrereklamo pa ako.

Alas kwatro na ng hapon at mamaya ng 7 pm ang out ko. Kaagad akong nagtungo sa desk ko at sinimulang atupagin ang paggawa ng presentation para hindi ko na ako mag-alala pa bukas. Pokus na pokus ako sa paggawa ng presentation hanggang sa hindi ko na namalayan na wala na palang tao rito sa kompaniya at ako na lang mag-isa rito.

Madilim na ang langit nang matapos kong gawin ang presentation. Malaki ang ngiti na gumuhit sa aking mga labi nang matapos ko kaagad itong gawin bago mag-umaga. Ininat ko ang aking katawan nang isara ko na ang laptop.

Naglipat naman ang aking tingin sa isang maliit na card na ibinigay sa akin ni Miss Danica kanina. Binasa ko ang detalye doon at nakita kong 7 pm ang meeting time.

Binuksan ko ang aking phone at tiningnan kung ano na ang oras. Nanlaki ang aking mga mata nang makita kong alas nuwebe na ng gabi. Dali-dali akong tumayo sa desk ko at dinala ang laptop na ginawan ko ng presentation saka umalis na sa loob ng kompaniya.