Chapter 23

Inis na pumasok si Cally sa kanyang silid sabay padabog na isinara ang pinto at pasalampak na nahiga sa kama.

"I hate you! Vin!" sigaw ni Cally habang nagpapadyak dahil labis na pagkarita at isinubsob niya ang sariling mukha sa unan.

Hindi niya lubos maisip kung paano nagawang baliktarin ng binata ang gusto niyang mangyari. Ang alam niya wala naman itong maipagmamalaki sa kanyang Lolo kaya tiwala siyang hindi siya nito magugustuhan.

Pero sa nangyari ngayon labis ang naging pagdududa niya kung anong mahika ba ang ginawa o ginamit nito para lang mabilog ang ulo ng matanda.

Sa paraan pati nang pananalita nito kanina ay parang hindi ito ang Vin ka nakilala niya ilang araw na ang nakalipas. Parang ibang tao ang kaharap niya kanina at nagsusumigaw ito sa kapangyarihan na hindi niya malaman kung saan nanggagaling.

Napukaw ang pag-iisip niya nang biglang may kumatok mula sa labas ng pinto ng silid kaya padabog siyang tumayo para pagbuksan ito at bumungad sa kanya si Yaya Jhai.

"Pasensya na po