Chapter 40

Kinabukasan ay naunang magising si Thunder at napangiti na lamang siya ng makita ang dalagang katabi na mahimbing ang tulog. Hindi niya lubos maisip na pagkatapos ng ilang taon ay makakasama niya muli ang asawa. Alam niyang naging gago siya at hindi naging maayos ang pagtrato niya rito at lubos niya iyong pinagsisihan.

Simula ng maikasal sila ay namuo ang galit niya rito dahil sinisisi niya ito kung bakit natali siya ng maaga at nawala ang pagiging binata nito. Kaya ipinangako niya sa kanyang sarili na kahit kailan ay hindi niya ito mamahalin at gagawin niya ang lahat para maging miserable ang buhay nito na kasama siya. At nagtagumpay nga siya dahil sa araw araw na ginagawa at pinapakita niya sa dalaga.

At noong iniwan siya ng kanyang asawa ay doon niya lang na realized lahat ng mga maling nagawa niya rito, ang akala niya ay hindi siya makakaramdam ng pagmamahal sa dalaga pero sa araw araw na wala ang presensiya nito sa kanilang bahay ay doon niya napagtantong import