Kabanata 72 Insecure

“Noah, let’s not talk about us. Sa totoo lang napagod na ako pumasok sa isang relasyon. Gusto ko na lang munang mag-focus sa negosyo at sa anak ko. Dagdag problema lang kayong mga lalaki. Sakit kayo sa ulo.”

“Grabe ka naman! Aminin mo, ibang saya naman ang dulot ng pagmamahal. Pero seryoso, nakahanda akong maghintay. Hayaan mo akong alagaan ka at si Eli.”

Ang sarap sa tenga ng mga salitang binitawan nito. Sasagot sana siya ngunit may babaeng pumasok sa loob ng opisina.

“Surprise!” sabi nito na todo ang ngiti. May dala itong take-out food mula sa kilalang restaurant. At ibang level ang bisita dahil may hawak itong keycard ng private office ni Noah. Keycards were only given to important people. So, importante ang babaeng ito. Uminit ang bumbunan niya. Panay ang bitaw ng mabubulaklak na salita pero eto at may bagong babae na naman.

Napatingin siya kay Noah. Paasa talaga ito. Aalagaan daw siya pero eto at may bisita. Mas bata ito sa kanila. Makinis at kayumanggi ang balat nito, malayo sa