Chapter 5

Susein POV

"Agnes? Naririnig mo ba ako?" usal ko sa lata na naka-sentro sa aking bunganga.

"Tigil mo na nga 'yan. Hindi ba ipinaaral sa iyo ni Ma'am Susan sa 'yo noong elementary ka? Na kapag hindi straight line ang sinulid, ay hindi ito makaka-abot sa kabila," ngumiwi naman ako sa panenermon ni madam Vina inggrata!

Nagbuntong hininga na lang ako at ibinaba ang lata tsaka sumalampak sa higaan namin.

Pagkatapos kasi ng parusa namin kanina ay agad na kaming pina-uwi. Nagulat nga ang Ale do'n dahil humihinga kaming lumitaw sa harapan niya.

Huh, anong akala niya. 

"Ang boring! Tara na, huwag ka namang KJ Vina, minsan lang ito, oh!" pang-aaya ko sa kaniya ulit para kami ay tumakas.

Gabi na kasi at pinapatulog na kaming lahat ng mga namamahala rito sa mga ganitong oras. 6 PM pa lang yata. Kung sa Maynila ay baka 6 AM pa lang ako matutulog, at sa ganitong mga oras ay panay indak ako sa bar.

"Tumigil ka, mapapahamak tayo sa mga kabalbalan mo," ani lang nito't pumunta sa malapit sa bintana para magpahangin, at para isalpak ang yosi sa bibig nito.

"Magtanim ka kaya ng tobacco? Like, eww girl?! Ilang buwan mo ng pinagtitiisan iyang yosi mo, ha?"

Hindi ako pinansin ng bruha. 

Dahil sa kabagutan ay napangisi ako nang  dumapo ang aking paningin sa ginawa kong palihim na mga damit na pang-tao.

I mean, pang-tao naman itong mga suot naming bestidang pang-manang ngayon. Ngunit sadya talagang nababaduyan ako rito. Kaya noong may mga kagamitan na sinulid at tela rito noong isang buwan, dahil na rin sa kabagutan ay nagtahi ako at gumawa ng shorts at t-shirt man lang na ordinaryo.

"Put- huwag mong sabihin na itutuloy mo iyang binabalak mo?!" ngisi lang ang ibinigay ko sa babae nang makita na niya akong naka-bihis ng short at t-shirt.

"Huwag kang manibugho sa akin binibini kung nagsasaya na ako mamaya sa gala, pwede ka naman kasing-"

Itinaas niya ang middle finger nito sa akin kaya natawa ako at ibinato na sa kaniya iyong mga damit na ordinaryo, para makapagbihis na rin ito.

"Saan ang tambayan?" buntong hininga niyang usal matapos makapag-palit. 

Pinasadahan ko naman ang suot nito kaya napangisi ako. "Punta muna tayo sa babaitang Agnes," sagot ko na lamang tsaka kinuha na ang telang itim para gawing face mask. 

Mahirap na at baka mahuli pa kami ng tuluyan. Okay pa kung anino lang namin ang kanilang makikita.

Nang makalabas kami ay sinalubong kami ng preskong hangin sa gabi. Lumanghap pa ako ng kaonti't sumenyas kay Vina na bilisan na naming pumunta sa dorm ni Agnes 

Hinuha ko naman ay hindi pa tulog iyon.

"Agnes? Nariyan ka ba?" saktong usal ko lang para hindi kami marinig ng mga marites niyang kapitbahay.

"S-Sino iyan?"

"Ako ito. Pfft, si natoy..." natatawa kong sagot kaya nang mabosesan ako ay binuksan na niya ang pintuan nito.

Gulat siyang naka-tingin sa amin ni Vina, akala pa yata ay mga estranghero kami dahil sa aming mga suot.

"Oh, papasukin mo muna kami! Mahuhuli kami sa kamulalahan mo, e!"

Paano ba kasi at nakatingin na lang ito sa amin!

"Oh," lahad ko sa mga ordinaryong damit sa babae.

"Ano ito?"

Ipinaikot ko na agad ang aking mata dahil sa usal nitong natatanga.

"Suot mo, pero kung okay naman sa iyo iyang bestida ay iyan na lang. May gala kasi, sama ka?" sunod-sunod kong ani.

Agad namang nagliwanag ang mukha ng neneng dahil sa iniusal kong 'gala'.

Kita mo nga naman at pareho kami ng ikot ng bituka.

"Magsumbrero ka na lang," usal ng isa nang makita na si Agnes na nakabihis na. Tango naman ang isinagot ng babae bago kami lumabas sa kaniyang dorm.

"Ay lintik!" halos pahiyaw lang na ani Vina at bigla niyang hinila ang mga damit namin.

Muntik na kami roon, ha!

May mga nagbabantay kasi na halos mahuli na kami kanina. Mabuti na lang at matang cheetah ang isang kasama namin, kaya mabilis kaming nakatago sa malapad na puno.

"Kita mo na?" masamang ani ng babae at sinamaan ako ng tingin. Kahit wala kaming dalang mga ilaw ay nakikita ko ang mukha ng babae dahil sa buwan na nagsisilbing ilaw namin sa dadaanan.

Sinesermonan ako nito dahil muntik na kaming mapahamak sa mga plano ko.

"H-Hindi ba delikado ito?" kita sa mga mata nitong neneng na kasama namin ang takot dahil nga sa nangyari kanina.

"Ano ka ba girl," buntong hininga ko at hinawakan ang balikat nito. "Siyempre delikado!" natatawa kong sagot kaya ang balikat nito ay bumagsak.

"Tara na, ipagpatuloy na natin. Malapit na iyong matayog na puno rito," ani ko kaya nagsitanguan na lang sila.

Wala silang choice, duh.

"Teka, tang'na ka. Pahinga muna tayo," usal ni Vina nang medyo nakalayo na nga kami.

"May maliit na ilog mamaya rito, tara na at nauuhaw na ako."

Nang tumingin ako sa likuran ay napatigil agad ako!

"Walanjo! Nasaan si Agnes?!"

"H-Ha?" welga rin niya nang makitang wala sa aming likuran ang babae na iyon!

"Put- ilang gubat na ang natawid natin, baka naligaw na iyon!" 

Sinabunutan ng babae ang buhok nito't agad akong nakakuha ng sama ng tingin, "Kita mo na itong plano plano mong ito," mariin niyang saad sa akin kaya napaiwas ako ng tingin.

"Hindi ko naman alam na-" natigil ako sa pagsasalita nang lagpasan niya ako't kumaliwa!

"Hoy! Huwag mo akong iwan rito! Saan ka ba pupunta?!"

"Bunganga mo," masama pa rin ang timpla ng babae. "Magpapatulong tayo kila Eren."

"H-Ha?! Sigurado ka?! May bantay roon! Mas delikado!" agad kong suhestiyon.

Kapag gumagala ako sa gabi ng patago at pupunta ng palihim sa mga ginoong nandoon para lang sulyapan ang mga papi noon, ay doon ko napagtanto na may nagbabantay rin pala doon. Limang tao, titiktikan yata ang nga kalalakihan.

Ewan ko ba sa kanila. Kung ano bang tradisyon ang mga pinagagawa nila rito sa lugar na ito.

Nakita kong ibinulsa na ni Vina ang yosi nito bago bumaling sa akin nang matungtong namin itong harapan ng gate na gawa sa kahoy.

"Teka! Huwag mong sabihin na aakyat tayo?!" hindi makapaniwalang ani ko!

Siya naman itong ngumisi.

"Ang tutulis ng mga kahoy! Tarantado!"

Vina POV

"Ano? Mahapdi? Deserve mo iyan," natatawa kong ani rito sa nakabusangot ng si Susein.

Paano ba kasi at palampa-lampa. Ayon, nadawit pa ang makinis niyang balat.

Bumuntong hininga ako at tinanggal ang tela na ginawa kong pantakip sa kalahati ng aking mukha.

Hinila ko ang babae at walang ano-anong itinali ang tela sa braso niyang nagdurugo.

"Gaga ka, alam mo ba iyon?" 

Natawa ito sa aking iniusal, "Kilig naman ang aking kippy sa pa-ate mode- Aray! Sakit no'n, ha!" usal niya sa huli, paano at binatukan ko bigla sa ka-dramahan niya.

"Ay, shete," marahas na lang akong napakamot sa aking ulo nang makita ang mala-tren na dorm na tabi-tabi rito. 

"Wala ngang mga nagbabantay kanina, ngunit heto naman. Gusto ko na lang matae."

"Bakit? Anong ikinapro-problema mo? Kung saan sila Eren bebe ko?" malaki na naman ang ngisi ng babaeng mahadera.

Tumango tango ito habang nakangisi, "Oo nga pala at may kaibigan akong stalker na talandi."

Napa-atras agad ako habang natatawa dahil akma sana niya akong babatukan.

"Doon," turo niya sa ikatlong dorm rito, kaya thumbs up na lang ang ginawa ko sa kaniya bago kami nagpatuloy.

"Hindi pa sila tulog, naka-sindi pa lang ang lente nila."

"Tao po? Mga ginoong yumm-" bago pa maiusal ni Susein ang mga kabalbalan nito ay napaataras agad kami nang bumukas ang pinto. At tumambad sa amin ang walang saplot na pan-itaas na katawan ni Eren!

Ang lalaki ay hindi rin alam ang gagawin dahil nanlaki ang mata nito at 'di mawari kung uunahin ba niya kaming babatiin o magsusuot ng damit.

"Mga binibini! Bakit kayo narito?!" 

Pfft.

Kumuha ang lalake ng maluwag na damit pang-bahay at itinapal lang iyon sa kaniyang dibdib.

Para naman na kaming mga rapist tuloy. 

Piste.

"Sshh, papasukin mo muna kami bebe," ang hangal na Susein ay walang pag-aalinlangang pumasok na sa loob.

"Pasensiya na," paumanhin ko agad sa ugali noong babae kay Eren na hindi na makapag-salita. Paano ay ginoong ginoo ito, kaya parang hindi siya sanay na may nakapaligid na babae sa kaniya.

Dali-daling isinuot ni Eren ang medyo kupas na damit, bumagay naman ito sa kaniya dahil parang fashion lang niya ito.

Tumikhim ito bago nagsalita, "Anong pakay niyo rito mga binibini?"

"Nasaan si Rouge ginoo? Kailangan namin ng tulong niyo," ani ko na agad dahil baka kung ano ng nangyari sa neneng na babae na iyon.

Ilang minuto na rin ang nakaka-lipas. Iniiwasan kong hindi mag-isip ng mga negatibong bagay ngunit baka nalamon na siya ng sawa sa gubat. 

"Ha? Anong pakay niyo sa amin binibini? Teka, rito lang kayo at kakatukin ko siya sa kaniyang silid," aniya kaya tango na lang ang aming isinagot bago siya lumabas.

"Naks, amoy Eren rito ha, tsaka ang linis dito sa loob!" manghang ani ng gaga nang pasadahan niya ng tingin ang nga kagamitan rito sa loob.

Hindi nga maitatangging mas malinis pa itong silid ni Eren kaysa sa aming dalawa na kaonti na lang ay tatalakan kami ng mga gamit, dahil kung saaan-saan na kasi sila nag-pu-pupunta. Gaya ng unan na nasa sahig na at kung ano-ano pa.

Bumukas ang pinto at kita namin agad ang pag-aalala ni Eren sa mukha. Kaya nagkatinginan kami nitong bruha bago ibaling muli ang paningin sa lalaki.

"Bakit, ginoo? Para kang nakakita ng multo, ha?" usal ni Susein sa lalaki.

"Ako ay may pabor, pwede niyo ba akong samahan mga bibinibi?" nahihiya na boses niyang aniya, ngunit ang pag-aalala sa mukha niya ay hindi pa rin nawawala.

"Bakit? Anong nagyari? Nasaan ang kasama mo?" sunod-sunod ko ng tanong.

"W-Wala si Rouge sa loob ng kaniyang silid!"

"Saan ba siya nagtungo? wala ka bang ibang alam na pupuntahan niya sa mga ganitong oras?" kanina pa daldal ng daldal ang bruha kay Eren habang hawak-hawak namin ang kaniyang lente rito sa gitna ng gubat.

Akala namin ay matutulungan niya kami, ngunit heto, pare-pareho kaming naghahanap ng dalawang taong bigla na lang naging bula.

Sarap mag-mura.

Mabuti pa kung magkasama ngayon ang dalawa.

Ngunit imposible, dahil ang ani Eren ay hindi daw pala-gala ang lalaking si Rouge. 

Ngayon lang daw nawala.

"Dito muna tayo, ito 'yong sinasabi kong ilog Vina."

Ibinaba ko na lang ang lente at nagbuntong hininga. Tsaka umupo sa gilid nitong ilog at sumalok ng tubig gamit ang palad para maibsan naman ang tuyo ng aking lalamunan.

Hindi naman lasang tae ng kalabaw o ano ito, kaya okay na rin kaysa ma-dehydrate ako ng tuluyan.

"Teka..." usal ni Eren kaya tumingin naman kami sa lalaki dahil sa naka-papanindig balahibo niyang boses.

"May daanan pala rito..." dala niya ang lente at itinutok iyon sa parang pa arko na mga puno at halaman. Parang nagmistulang lagusan ito ng encantadia dahil sa itsura nito.

"Natatandaan ko ito!" nagliwanag ang mukha ng lalaki kaya nagkatinginan kami ng bruha.

"Minsan na ring ikinwento ni Rouge ito sa akin. Isang tagong lugar kung saan ko siya hahanapin kapag nawala ito. Bakit ko ba nakalimutan iyon," kamot nito sa batok. "Ang ani niya ay ang lugar na iyon ay maililigtas niya ang anumang bagabag sa kalooban dahil sa napakaganda nitong senaryo mapaaga man o gabi."

Napakamot ako sa leeg dahil sa pinagsasabi ng lalaki.

"Maaari kayang diyan siya nag-tungo, beh?" umasim naman ang aking mukha mula sa narinig dito sa malanding kaibigan.

Tanging tango at ngiti ang ibinigay sa kaniya ni Eren.

E di kayo na. 

"Tara na muna sa kaniya, para may kasama tayong maghanap mamaya sa babae," ani ko rito para mas mapadali na lang mamaya.

Sana lang. Buhay pa ang babaeng iyon, jusko!

"Teka... parang familliar din sa akin itong lugar na ito, ha!" paggigimbal naman sa akin nitong babae.

Tinaasan ko siya ng isang kilay nang tignan ako nito.

"Huwag mo sabihing dito ka nagtutungo para makipagkita sa lalaki- putangina," kako sa huli, dahil may napagtanto, "Nagkikita kayo ni Rouge dito?!" napalingon sa amin si Eren dahil sa narinig mula sa akin.

"Pakyu ka, hindi!"

Malaman laman ko lang talaga na may kababalaghan itong pinag-gagawa. Aba, ewan ko na lang at baka mapingot ko ang p****k nito sa kalandian.

"Kita niyo na! Kaya pala, e! Short cut din pala ito patungo sa tree house na pinagtatambayan ko!" tumingin kami sa itinuro ng babae at tumambad nga sa amin ang bahay sa taas ng puno, nang lente-han namin ito ni Eren.

Agnes POV

"Tahan na binibini..." narinig ko na naman ang malumanay niyang usal. Kanina pa ako humihikbi dahil sa nakaka-traumang nangyari sa akin kanina.

Paano ba kasi at hindi man lang ako nilingon kanina ng dalawang babaeng damuho! 

Bukas sila sa akin!

Natisod ako kanina sa malaking ugat ng puno at hala ang dalawang babae, sige kung makipag-bardagulan at naiwan na sa kanilang isipan na may kasama sila!

Muntik pa akong mahuli ng mga nagbabantay sa mga tabi-tabi, mabuti na lang at biglang sumilpot ang lalaking nag-ngangalang Rouge.

Jusko. Nakaka-trauma iyong dilim kanina!

Hinigit ako ng lalaki dito sa puno at umakyat nga kami rito sa tree house. 

Ang astig dito! Ang presko sa pakiramdam iyong hangin ng gabi. Ngunit hindi ko madama ng bongga ito dahil hindi pa rin ako maka-get over kanina!

"Heto," narinig ko ang baritono nitong boses, at nakita ko na ngang naka-lahad ang isang bao sa harapan ko na may lamang tubig.

"S-Salamat," sagot ko nang kinuha ko na iyon mula sa kaniya. Kita kong ngumiti ito ng tipid dahil sa lente na tanging ilaw namin rito sa taas.

"Wala ka na bang ibang gusto, binibini?" naka-upong ani na niya sa akin. 

"U-Uh... wala naman na," tumingin na ako sa ibang direksiyon dahil naiilang ako sa titig niya!

Para bang unti-unting nagiging liquid ang aking malanding katawan kapag ako ay tinititigan nitong lalaki!

"A-Ah... matanong ko lang..." agad na tumaaas ang dalawa nitong kilay, tinatanong kung ano ba iyong tatanongin ko.

"Sa iyo ito?" libot kong tingin sa loob nitong tree house.

Ang astig dito, ha. 

May dalawang malaking bintana na naka-open, kaya malayang naka-kapasok ang preskong hangin at tanaw na tanaw namin ang bilog na bilog na buwan ngayon. Rito sa loob ay may maliit lang na mesa, itong sahig na siyang inuupuhan namin ay may hinabing dahon na inilatag rito para maupuan, o hindi kaya ay matulugan. May isang kumot at isang unan kasi sa gilid. Bukod doon ay may isa pang parang silid sa kanan at iyon ay isang maliit lang na kusina na naka-lagay ang mga baso, pinggan, maiinom at iba pang gamit pang kusina.

Muli akong tumingin sa lalaki nang hindi pa sinasagot ang aking tanong. Bahagya na naman akong na-concious sa sarili dahil sa titig niya!

Hano ba hiyan, mehen!

Pinaypayan ko ang sarili gamit ang kamay tsaka ibinaba ko agad ang bao. Baka kasi ito ay mahulog ko dahil sa mga tinginan niya!

"Ginawa ko nga binibini," pagilid ko itong tinignan kaya nakita ko na naman ang ngiti nito na kung tutuusin ay napakasarap titigan iyon!

Magtigil ka sa kalandian mo Agnes! University before maglandi muna!

Rinig ko itong tumikhim kaya napatingin ako sa lalaki at agad na iniayos ang sarili na umupo.

"Naiinitan ka ba binibini? Gusto mo bang lumabas sa maliit nitong balkonahe?"

Agad nagtama ang paningin namin nang maka-kuha na ako ng lakas para makipag-eye contact sa lalaki.

"H-Ha? May balkonahe rito?" agad sumilay ang ngiti nito sa labi. Aatakehin yata ako!

Iyong ngiti niya ay hindi na tipid o sinsero, kun'di ay isang matamis na ngiti!

Tumango ito habang hindi pa niya tinatanggal ang titig sa akin, "Mmn. Tara?"

Nataranta naman akong gusto ng tumayo at hindi ko alam kung hahawakan ko ba ang kamay niya nang inilahad nito sa akin bigla!

Humugot muna ako ng lakas ng loob bago hinawakan ang kamay niya na naka-lahad sa aking harapan kaya unti-unti na nga akong nakatayo. Ngunit, natisod ako bigla at napatili na lang nang nakapikit dahil bumagsak kami ulit sa sahig! Paano at umepal ang itinabi kong bao na may lamang tubig! Kaya na-out balance na naman ako!

"A-Aray ko..." rinig ko itong natatawa kaya iminulat ko ang aking isang mata para makita ito. Napasinghap nga ako nang tumambad siya sa aking harapan na labas ang ngipin na nakangiting natatawa!

Lord! 

Hindi ako makagalaw dahil nasa ibabaw pala na niya ako!

"Wala na, patay na yata ang babaeng Agnes dahil sa ka-artehan mong umakyat!"

"Hoy! Rinig niyo iyon?! Parang may tumili kanina, ha?!"

"Rinig ko rin binibini, parang hiyaw ng pusang... ah... pasensiya na sa aking salita. Dahil parang may pusang may kakalantari iyon," sabay tawa ng lalaki na alam kong si Eren!

Nagkatinginan kami ni Rouge nang may napagtanto! Sila Vina iyon!

Ngunit bago pa kami maka-tayo ay isang singhap na napaka-OA na ang narinig namin mula kay Susein nang buksan niya ang kurtina na pasadyang pintuan nitong tree house. 

Nakita na nila kaming nasa ganito ang pwesto!

"OH EM GI! What is happening in our world and us and thoughts of our body and mouth?!"

Puking'nang bunganga iyan!

Kung ano-anong pinagsasabi na ni Susein sa nadatnan niyang pwesto namin ni Rouge! Kung ano-ano na yatang santo ang binulabog niya sa kabunga-ngahan nito!

"Ang sakit sa tainga, hayop ka baka magising iyong kapre dito. Kayo naman," turo ni Vina sa amin nang kami na nga ay nakatayo na. Pareho silang nakangisi ni Eren. Si Susein ay may naka-kalokong tingin mula sa amin! Kung ano-ano na yata ang iniisip!

"Ang sakit niyo sa mata, ha," tuloy ni Vina kaya nag-iwas agad ako ng tingin. 

Naka-kahiya!

"Narito ka pa lang bruha ka!" muntik na akong sabunutan ni Susein nang sa wakas ay kumalma na silang tatlo!

"Aba, ako itong dapat pagsabihan kayo at sermonan. Dahil iniwan niyo ako sa kagubatan!"

Nakangisi naman na tumingin ito sa akin at ibinaling muli ang tingin kay Rouge na kanina rin nag-iiwas ng tingin kay Eren, dahil may panunukso sa mga mata at ngisi ang lalaki mula kay Rouge.

"Ay wow, naka-kahiya pala sa atin ano Vina? Na iniwan natin siya sa gubat, at ang babaita ay nag-ala ahas agad nang gumapang kay-" tinakpan ko na agad ang bunganga nitong babae. 

"Kayo nga ay magtapat," sabat ni Eren na may nakaka-lokong ngiti.

"Kayong dalawa ba ay nagliligawan na?"

Agad kaming nagkatinginan ni Rouge at sabay pa kaming nag-iwas!

Bago ko pa maisalba ang sarili ay umusal na si Vina, "Eren. Ginoo, tignan mo na lang ang namumulang pisngi ng babae at namumula ring tainga nitong si Rouge. Pisngi na at tainga ang sumagot."