Chapter 3

"Rouge! Bilisan mo!" sigaw ni Eren, nasa harap kami ngayon ng pintuan ni Rouge, naka-upo sa parihabang upuhang kahoy na parang balkonahe.

Ewan ko ba, basta may upuan. 'Di ko sure.

"Sorry talaga ha..." mahina kong sambit kay Eren nang mapatingin ito sa akin.

Kumunot naman agad ang noo nito, nagtataka ang itsura, "Sorry?" 

Buntong hininga lang ang naisagot ko sa lalaki nang marinig ko 'yon mula sa kaniya.

"I mean..." napakagat agad ako sa aking pang-ibabang labi nang mapagtantong nag-ingles na naman ako, "Pasensiya na," tuloy ko rito.

Magtatanong pa sana ang lalaki dahil sa nabanggit kong 'I mean', pero sabay na kaming napatingin ni Eren kay Rouge na nakabibis na, at parang posteng nakatayo sa harap ko.

Napalunok ako nang biglang dumapo ang paningin nito sa akin! 

Medyo hapit sa kaniyang maskuladong d****b ang suot nitong polong kulay puti, bumagay rin sa kaniya ang pantalon niyang maluwag na kulay itim.

Napaiwas agad ako ng tingin nang biglang umubo ng peke ang isa.

kinikilatis ko lang naman, e!

Tumingin muli ako sa gawi ni Rouge na abala na sa pakikipag-usap kay Eren, hawak ng lalaki ang kulay tsokolate nitong sumbrero, at nakahawak ang isa niyang kamay sa mga gagamitin mamaya; tulad ng tinta at kulay puting tabla.

Tumikhim si Eren, kaya naputol na naman ang titig moment ko kay Mr. diver in the sapa.

"Tara na," ani ng lalaking panira ng moment.

 

Tumango naman kaming dalawa ni Rouge. Tsaka naglakad na kami palabas ng balkonaheng gawa sa kahoy.

"Akin na iyan, Binibini," ani Eren sa akin at nakatingin sa aking bayong na hawak-hawak ko.

Hindi na ako nakapagsalita nang ngumiti ito't kinuha na nga niya.

Napatingin naman ako kay Rouge nang mapansin ko itong nag-iwas ng tingin.

"Siya nga pala, ako si Eren Lavida, ano naman ang iyong ngalan Binibini?" ani na naman nitong Mr. panira ng moment, na-a-awkwardan pa rin ako sa pa-Binibini na tawag nito sa akin. Sa Maynila kasi'y 'chix' ang mga tawag nila sa mga babae.  

Ano kaming mga babae sa tingin nila? 

Manok?!

Napairap na lang ako bago bumaling sa dalawa na nakatingin na pala sa akin.

Ibinwelo ko pa ang aking boses, bago nagsalita, "Agnes... ako si Agnes Francisco," tsaka ko inilahad ang kamay ko, napangiti naman si Eren at nakipagkamay agad. Mabilis lang iyon. Ewan ko ba, parang napaso pa yata sa ka-hot-tan ko.

"Rouge, ipakilaka mo naman ang iyong sarili," rinig kong bulong ni Eren, kaya napatayo naman ng maayos ang lalaki't bumaling agad sa gawi ko't napatikhim.

"Rouge," muntik ko ng makagat ang aking pang ibabang labi dahil sa narinig na malalim niyang boses.

Natawa si Eren nang bigla akong mapangsinghap. Inilahad ba naman kasi bigla ni Rouge ang kamay nito sa harap ko! 

"Ang ngalan ko'y Rouge Ricardo, Binibini..." tuloy nito at unti-unti kong nakita ang bulto ng ngiti sa kaniyang labi.

Iniangat ko nga ang aking kamay at nakipag shake hands kay Rouge. Nang tuluyan na ngang nagsiklop ang aming palad ay naramdaman kong magaspang ito. 

Matuturn-off na sana ako pero 'di bale, gwapo naman siya. Kidding, ang sabi sa akin noon ni lolo, kapag daw magaspang ang palad ay masipag itong magtrabaho. Kaya napangiti na lang ako biglaan nang mapagtantong masipag itong Ginoo na ito.

"Tara na, baka kung ano pang mangyari sa inyo," rinig namin kaya parang pareho kami ni Rouge na bumalik ang diwa,'t biglang kinalas ang pagkakahawak sa isat-isa. Tsaka kami tumingin kay Eren na nakangisi na!

Hindi ko na rin ginamit ang aking abaniko pantakip ng kalahating mukha, dahil medyo pa-feeling close na ako sa kanila.

"Ano ang ibig mong sabihin?" ani Rouge sa saad kanina ni Eren, habang nakaiwas na ngayon ng tingin sa akin.

"Baka may mangyari sa atin na kung ano, dahil nga tayo ay huli na masiyado," pagtatama naman ng lalaki.

Napaayos naman ako ng tayo, habang si Rouge ay patango-tango.

Naglakad na nga kami pakanang direksiyon. Magtatanong pa sana ako sa kanila kung bakit iba kami ng dinaanan, pero hindi ko na itinuloy dahil nakita ko na ang building ng Unibersidad.

So, short cut pala dito sa pakanan?

"Binibini, pasensiya na..." biglang usal ni Eren, kaya nagtaka naman ako sa sinabi ng lalaki.

"Bakit?" nang tanongin ko iyon ay tumingin ito kay Rouge na seryoso na ngayon ang mukha.

"Huli na tayong tatlo sa klase... mapaparusahan tayo... mapaparusahan ka," sagot ni Eren.

Napangiwi naman ako at tumingin pa sa kalangitan. Iniisip kung anong parusa ba iyon, e sa school kasi namin sa Maynila'y magpapasa lang ng floorwax o 'di kaya'y dadagdagan muli ang activity.

Ano naman kaya rito? Wala naman yatang floorwax dito. Mga hayop lang at mga lumang gamit.

Baka magpapasa ng kambing lang naman. O 'di kaya'y isang matabang baka na alaga nila.

"Okay lang 'yon, ano ka ba!" sagot ko na lang para mabawasan ang kaba nito. Ang mukha niya kasi'y para nang pinagbagsakan ng langit at lupa.

Napakunot naman ang noo nito sa reaksyon ko, ganoon din si Rouge pero napailing-iling din ito sa huli.

"Ano? Tara na? O mag-cu-cutting classes na lang tayo? Ano? Masaya iyon!" natutuwa kong ani sa kanila, naguguluhan naman si Eren, magtatanong pa sana sila ni Rouge pero nakuha nang dalawang babae ang aming atensyon.

"Hoy Susein! Piste ka kasi! Kung hindi ka sana nagpuyat kagabi, di sana hindi tayo na-late ngayon!" ani ng isa. Napadilat naman ako ng bongga dahil sa narinig!

'Late' ba ang aniya?!

Nag-english siya?!

"Anong ako! Sino kayang nakipag tawagan  sa isang Ginoo, sa pamamagitan ng latang may sinulid hanggang ala-una!" angal naman ng isa.

Napansin yata ng isang babae, na nag ngangalang Susein na kanina pa kami nakatingin sa kanila. Kaya napatingin na rin sila sa amin.

Nakabihis din sila ng pang-unang panahon, gaya ko.

OMG! Kakaibiganin ko sila!

Napakunot ang noo ko nang narinig ko silang impit na tumili at namula.

Eh? 

"Bruha ka! Si Rouge at Eren! Maging Binibini muna tayo sa harapan nila!"

Ano?

"Umn... h-hi pi..." ani ng babae, na ang hinuha ko'y Susein ang pangalan. Mag sasalita pa sana sila nang makita nila ako, kaya nawala ang mga ngiti nila sa kanilang labi.

Jusko! Gusto ba nila ang dalawang ito?! Pabebe pa, imbes na 'po' naging 'pi' na! 

Kukurutin ko mga kippy nila, sige.

"I can not! Sino 'yong babae?! GF?!

"Gaga, think positive lang tayo. Nanay nila 'yan panigurado."

Heck?!

Nanay?!

 Ako?!

"Excuse me," nagsalita na ako dahil naiinis na ako sa pinagsasabi nitong dalawa! Ang dalawang Ginoo naman ay parang naguguluhan na sa mga pinagsasabi namin. 

Nang marinig ng dalawang babae 'yong sinabi ko ay bigla rin silang nagkatinginan at may pa-wide eyes pa ang mga h*******k.

"Sis! Taena, galing rin yatang Maynila!" 

"Galing kang Maynila?!" excited na tanong  ng isa, kaya ang inis ay nabago ng pagkuryusyo dahil sa mga reaction nila.

"Oo, bakit?"

"OMG!" usal agad nf dalawa.

"May ka-vibes na tayo rito! Thankyou Lord!" nagflying kiss pa ang babae pagkatapos sabihin iyon.

"Pasensiya na kung ako'y nakisingit sa inyong usapan mga Binibini-" naputol agad ang sasabihin ni Eren nang sumabat ang nag-ngangalang Susein.

"Teka! Gwapo ka, pero sabi ng teacher namin, kapag marami daw ay lagyan ng 's' sa dulo Kaya Binibinis hindi mga Binibini," napangiwi ako sa sinabi ng babae, si Vina naman ay napa-face palm sa narinig.

"A-Ano ang iyong sinasa-" naputol na naman ulit ang sasabihin ni Eren nang magsalita si Vina.

"Pasensiya na Ginoo, hunghang lang talaga palagi sa umaga itong si Susein, epekto na rin ito nang hindi niya pag-kain kanina dahil sa katamaran niya."

Natatawa naman nang awkward si Eren sa biro ng babae habang pakamot-kamot sa batok nito. Si Rouge naman ay seryoso lang na nakikinig. 

Kanina ngingiti-ngiti lang ito ha. 

Ang moody talaga ng bibi ko. 

"Tara na, ilang minuto na tayong huli sa klase, mas mabigat na ang ating mga parusa," parang nabalik ang aming huwisyo nang magsalita si Rouge, pero napairap naman ako agad nang may marinig muli.

"Gosh! Ang lalim ng boses! Aatakihin ako Vina! Saluhin mo ako! Isa, dalawa, tatlo!" ayon nga ang gaga, at napasalampak na sa lupa dahil sa kalandihan nito. Tumawa tawa naman si Vina dahil hindi niya ito sinalo. 

Ngunit si Susein ay w*-epek ang sakit sa balakang dahil agad naman kasing sumugod si Eren para tulungan ang binibining sinto-sinto.

"Ehe, enebe kese Vene!" napa-irap na lang kami ni Vina sa narinig mula sa kerengkeng na babae.

"Girl! Bagong salta?!" agad na tanong sa akin nitong si Vina, habang kami na ay naglalakad papunta sa Unibersidad. Halos mga puno lang na pa line ang mga nakikita rito at pahangin-hangin. May mga upuan din sa gilid para pagtambayan, pero may klase na nga yata. Kaya wala ng mga nakikitang estudyante sa mga paligid. 

Kami na lang ang natira.

"Oo, kayo? Bakit ganito rito?" madami akong katanungan, pero iyon ang unang lumabas mula sa akin.

"Ang hayop," natatawang ani nito nang makita namin si Susein na nagpabuhat na siya sa likuran ni Eren.

"Malalaman mo rin," sagot naman agad ng babae sa tanong ko kanina.

"Eren, ano ang iyong ginagawa? Makita ka ng mga namamahala rito," maawtoridad na saad ni Rouge na kanina pa seryoso.

"Masakit daw ang paa ng binibini, sasabihin ko na lang sa mga namamahala na kami ay nag-iibigan," simpleng ani ng lalake.

At ayon nga si Susein, tumitili ng mahina at may papikit pikit pa ito.

"Lahat pala tayo'y nasa seksyon pula," usal ni Rouge, napatingala pa ako sa kanya nang tignan ko ito dahil ang tangkad niya! 

"Duhh, matagal na naming alam. Kayo lang itong no pansin, ayan tuloy at 'di niyo nakita ang kagandahan ko," sabat ni Susein nang nakababa na sa likuran ni Eren. Kaya ang lalaki naman ay parang nabigatan sa babae, ngunit 'di na lang niya ito pinahalata.

"Kung gayon, may ka-vibes na tayo Susein!" napahawak pa kaming tatlo sa magkabilang tainga nang biglang tumili ang dalawa at tumalon talon pa! 

"Ano ang kaguluhang nagaganap dito?!" napasinghap kaming lahat, at napatigil ang dalawa sa ginagawa nang may narinig kaming parang kulog na boses ng babae!

Sabay-sabay kaming tumingin sa nagsalita at nakita nga namin ang nakasuot rin ng baro't saya na gurong babae. Mataba ito at kay sungit ng pagmumukha. 

Wow, parang si ma'am Narag lang ang version nito, ha.

"Kayo na naman?! Ilang beses na kayong naparusahan Binibining Laurel at De-Guzman!" napayuko ang dalawa na animo'y napagalitang tuta. Marahil ay napahiya sila dahil may mga naki-usyuso na rin na mga estudyante rito.

Napakarami nila! Ang mga babae ay pare-parehas kami ng mga kasuotan, pati rin ang mga lalaki, ang ganda pa sa mata tignan dahil lahat sila'y nakasumbrero ng kulay tsokolate.

"Hindi ba ay sila iyong nakaraang araw na naman na naparusahan?"

"Bakit nandiyan ang ating kaklaseng dalawang Ginoo?"

"At sino naman ang kasamahan nilang Binibini na kakulay nito ay tablang makinis ang kaniyang kutis?"

Mga narinig kong bulong-bulongan.

"Bumalik lahat sa klase!" pasigaw na naman na ani ng matabang guro. Para kasing bruha ito, buhaghag pa ang buhok na parang 'di sinuklay. O sadyang ganoon talaga.

Basta. 

Hayaan na nga.

"Kayong Lima! Pumunta kayo sa lumang silid!" patuloy ng babae, at napatingin pa muli ito sa akin.

"Ikaw ang bagong salta? Pwes, sumama ka na rin sa kanila! Ang kukupad niyo! Para naman magtanda na kayo!" huling ani nito at ibinalibag ang pintuan nang pumasok na ito para magturo muli.

Hinawakan ko ang aking d****b dahil sobrang lakas ng tibok nito. Nainlove na ba ako sa bruhamg iyon? Charot.

Naka-kakaba naman iyon!

"Pasensiya na... nadamay pa namin kayo..." usal ni Vina, si Susein naman ay 'di na nagsasalita at hindi na makatingin sa amin.

"Ano ba kayo mga Binibini! Ayos lang iyon! Gagawa kami ng paraan kung mabigat ang parusa nila, hindi ba Rouge?!" pilit na pinapagaan ni Eren ang mabigat na atmosphere sa aming paligid, para hindi na kami mag-alala pa.

"Tignan natin..." tumango ng kaonti ang lalaki, at sinabi iyon ng mahina habang seryoso ang mukha.

"Saan tayo pupunta? Ano ang gagawin sa lumang silid?" ani ko agad nang hahakbang na kami pakaliwa.

"Nakikita mo iyong kulay puti na malawak na bahay roon sa malayong 'yon, Binibini?" matamlay na ani Eren at itinuro ang nag-iisang bahay roon pakaliwa. Napapalibutan ito ng malalaking kahoy sa gilid, pero kitang-kita pa rin ito mula rito sa kinatatayuan naming unang floor ng Unibersidad.

Kaya tanging tango lang ang naibigay ko bilang pag-tugon.

Tinignan muli ako ni Eren, lumunok ako agad nang makitang seryoso na ang kanyang mukha, tsaka muling ibinaling ang paningin sa lupang tinatapakan namin bago ito mahinang nagsalita. "Doon tayo sisentensiyahan, kung ano ang kanilang parusang ibibigay..."