CHAPTER 18: Gala as a Friend!?

Matapos ang agahan naming puno ng saya ay magkahawak kamay kaming bumaba ng hotel upang pumunta na sa aming destinasyon. Pagdating sa baba ay nanduon na rin ang kotse na gagamitin namin ni Theo.

“Saan tayo pupunta T?” tanong ko habang inaayos ang seatbelt matapos niya ako pagbuksan ng pinto at hinawakan pa nito ang ulo ko para hindi mauntog.

“Just wait and see, this is something exciting,” saad nito sa akin at marahang ngumisi bago tuluyang pinaandar ang kotse.

“Malapit lang ba ‘yon dito?” pagtatanong ko uli baka sakaling madulas ito at masabi sa akin kung saan ang pupuntahan ngunit marahan lamang itong umiling at nag-focus sa pagda-drive.

Nanahimik nalang din ako at mas piniling makinig sa music na kasalukuyang bumabalot sa sasakyan dahil walang nagsasalita sa aming dalawa. Ng lumingon ako sa lalaki ay nakita kong nakasandal ang isang braso nito sa bintana habang nilalaro ang labi nitong mapula at kulay rosas. Napalunok ako ng laway lalo ng makita ang muscles na humahapit sa t-shirt n