CHAPTER 01

"Kumusta?" bungad ko kay Via, isa siya sa naging kaibigan ko dito sa coffee shop kagaya ko ay kailangan rin niyang magtrabaho para sa anak niya, ako naman ay para sa aming dalawa ng mama ko.

"Maayos naman, dalian mo na nandiyan na si manager." anito, mabilis akong napatingin sa likuran ko at doon ko nakita ang manager namin na papalapit na. Nagpanggap akong hindi siya nakita at naglakad papuntang locker para sa mga trabahador ng shop.

Nagpalit ako ng uniform at pagkatapos ay lumabas na ng silid. Nagsimula na ako sa pagtra-trabaho. Nakangiti kong ginagawa ang kape, masarap sa pakiramdam tuwing nakakagawa ako ng kape at maiabot ito sa bawat costumer na umo-order

Nakangiti kong iniabot ang kape sa isang costumer. "Enjoy your coffee Ma'am."

Nang magsara ang shop kami rin ang nag-linis at pagkatapos no'n ay doon lang kami makaka-uwi. Palaging ganito ang routine ko, pagkatapos sa eskwela ay diretso kaagad dito sa coffee shop, minsan nga lang ay napapagalitan ako ng manager dahil madalas ay late ako.

Walang sasakyang dumadaan kung kaya napagdesisyunan kong lakarin na lang hanggang sa makarating sa paradahan ng sakayan.

Habang naglalakad ay napakunot ang noo ko at nakaramdam ako ng kaba dahil sa nakita. Nag-aalangan ako kung lalapitan ko ba ang taong walang malay at nakahandusay sa kalsada o hindi.

Pero hindi ko maiwasang hindi makaramdam ng awa sa tao, kung kaya sa huli ay naglakad ako palapit sa kaniya.

"Hello Mister? Gumising ho kayo." kinakabahan kong sabi dito. Ngunit hindi man lang ito gumalaw, napatingin ako sa mukha nito. Maraming mga pasa ang kaniyang mukha, pero kahit ganoon ay halata pa rin dito kung gaano ito kagwapo.

Mabilis kong tinignan ang pulso nito at nakahinga ako ng maluwag nang makitang humihinga pa ito.

"Mister gumising ho kayo." pag-gigising ko rito. Kailangan niya nang magising dahil pwedi kaming masagasaan kung mananatili kami rito sa kalsada.

Ilang minuto ang lumipas napagod lang ako sa paggising dito dahil hindi naman ito nagigising, amoy alak rin si Mister.

Wala akong choice kundi gawin ang naisip ko.

Buong lakas ko siyang tinulungang patayuin, halos mabalian ako ng sariling buto dahil sa bigat nito idagdag pang ang laki pala niyang tao.

"Mister, gumising ka na." nakangiwi kong paki-usap sa lalaki.

Haisst, gwapo na sana siya kaso dumagdag pa siya sa pasanin ko ngayon.

Patigil- tigil ako sa paglalakad habang akay-akay siya dahil sa bigat niya para kaming lasing na dalawa dahil sa klase ng paglalakad ko.

Laking pasasalamat ko nang may humintong tricycle sa dinaraanan namin.  Mabilis ko itong pinara, nang huminto ito ay napangiti ako pero kabaliktaran naman no'n ang nararamdaman ko. Dahil sa inis ay itinulak ko papasok sa loob ng tricycle ang lalaking akay-akay ko dahilan para mauntog ito, nakaramdam ako ng guilt ng tumama ang gwapo nitong mukha sa upuan ng sasakyan.

Pagka-lipas ng ilang minuto ay nakarating na rin ang sinasakyan namin sa tapat ng bahay. Hindi ko alam kung paano ito ipapaliwanag kay mama, pero bahala na.

Nagbayad ako sa tricycle driver ng pamasahe at pagka-alis nito ay napatingin ako sa lalaking naka-akbay sa akin habang inaalalayan kong huwag matumba.

Ilang beses akong nagpakawala ng buntong hininga bago kumatok sa pinto ng bahay. Pagkaraan ng ilang saglit bumukas ang pinto at bumungad si mama.

"Ma, magpapaliwanag po ako." nakangiwing sabi ko, hindi pa man siya nagsasalita ay inunahan ko na siya.

"Sino siya?" tanong ni mama.

"Ma papasukin mo muna kami." nahihirapang sabi ko, dahil pakiramdam ko ilang saglit lang ay mababalian na ako ng buto dahil sa bigat niya.

Niluwagan ni mama ang pagkakabukas sa pinto upang makapasok kami, nang makapasok sa loob ay kusa ko ng binitawan si Mister sa pagkaka-akay ko dahilan para bumagsak ito sa sahig. Napangiwi ako ng tumama na naman ang mukha nito sa sahig.

Kawawa na tuloy ang handsome face niya.

Pinatunog tunog ko pa ang batok ko at ini-streatch ang balikat at braso ko, ang sakit!

"Ngayon magpaliwanag ka?!" halos mapatalon ako sa boses ni mama.

"Ma ganito kasi 'yan, naglalakad na ako pauwi at naghahanap ako ng masasakyan ng makita ko si Mister sa kalsada habang nakahandusay at walang malay, wala akong choice ma kundi ang iuwi siya rito sa bahay kasama ako." mahabang paliwanag ko.

Napatingin naman si mama sa lalaki. "Kawawa naman ang binatang ito. Sige na Yara kumuha ka ng pang-gamot doon sa sala at kumuha ka na rin ng tubig na maligamgam at bimpo." utos ni mama.

Tumango lang ako tinalikuran na silang dalawa, paniguradong mahuhuli ako ng gising bukas dahil sa nangyari ngayon.

Kinuha ko ang mga pinapakuhang gamit ni mama at bumalik na dala-dala ang mga iyon. Inilapag ko sa semento ang mga dala ko at tinulungan si mama na linisan ang sugat ni Mister.

Nakaramdam ako ng awa sa kaniya, ano ba ang nangyari bakit siya may mga pasa? Mukha rin siyang mayaman dahil sa suot niya at sa kutis pero bakit naging ganito?

Naramdaman ko ang paggalaw nito ng idampi ko ang cotton na may alcohol sa sugat niya pero hindi naman siya tuluyang nagising.

Nang matapos namin siyang gamutin ay humarap sa akin si mama. "Yara doon ka na matulog sa kwarto ko, tabi na lang tayo at doon na muna siya sa kwarto mo."

Kahit ayaw ko ay tumango ako dahil wala naman akong pagpipilian kundi ang pumayag. Inakay ko na naman si Mister hanggang sa makarating kami sa kwarto ko at inihiga siya sa hindi gaanong malambot kong kama.

Pinakatitigan ko pa saglit ang mukha niya bago inayos ang ilang hibla ng buhok niyang tumabig sa noo niya. "Ang gwapo mo naman po Mister, medyo crush na po kita." mahinang bulong ko dahil baka marinig ni mama na nasa kabilang kwarto lang, mahina pa akong humagikhik bago kinumutan si Mister.

Umayos na ako ng tayo at naglakad, akmang aalis na ako ng marinig kong nagsalita siya. "Please come back Rain." narinig kong sabi niya sa baritonong boses.

Nilingon ko siya saglit bago napabuntong hininga, broken ka ba mister? Tuluyan na akong umalis at pumunta sa kwarto ni mama.

Tumabi ako ng higa kay mama at mabilis akong nilamon ng antok dahil sa pagod. Kinaumagahan akala ko ay late na ako ng gising ngunit pagtingin ko sa orasan ay ala-singko pa lang ng umaga. Napatingin ako kay mama, tulog pa rin ito.

Sinubukan kong bumalik sa pagtulog ngunit hindi na ako makatulog, mabilis akong napabangon sa pagkakahiga ng maalala ang nangyari kagabi.

"Si Mister." mahinang bulong ko bago dahan-dahang tumayo para hindi magising si mama.

Lumabas ako ng kwarto ni mama at naglakad patungo sa silid ko na kinarorounan ni Mister. Dahan dahan kong binuksan ang pinto at pumasok sa loob.

Akala ko ay gising na ito at umalis na ngunit nagkamali ako dahil naabutan ko itong nakahiga pa rin at tulog. Naglakad ako palapit sa kaniya.

Hindi ko maalis ang mga mata ko mula sa pagkakatitig sa kaniya, ang ganda niyang pagmasdan habang natutulog. Mabait kaya si Mister?

Akmang hahawakan ko na ang matangos niyang ilong ng magulat ako dahil biglang umangat ang kaniyang kamay upang sanggahin ang kamay ko at madiing hawakan ang pulsuhan ko.

Bahagya akong napangiwi kasabay ng pag-mulat ng kaniyang mga mata, nakakatakot ang kulay berde niyang mga mata, ngunit maganda namang titigan.

"Who are you?" matigas at paos na boses niyang tanong sa akin na ikinatulos ko sa pagkakaupo sa gilid ng kama na kinahihigaan niya.

"Ah." nawalan ako ng sasabihin, nakaramdam ako ng kaba dahil sa boses niya at parang bumahag ang buntot ko.

"I'm asking you. Who are you?" tanong ulit nito sa madilim na mukha.

"Y-yara." nauutal kong sagot.

"What am I doing here?" matigas pa rin niyang tanong habang hindi pa rin binibitawan ang wrist ko, gusto ko ng umiyak dahil sa higpit ng pagkakahawak niya sa wrist ko.

________

RIALLANNE