Chapter 80

Hindi naman ganoon kalayo ang probinsyang iyon sa Maynila kung kaya’t mga hapon ay nakarating na sila sa opisina ni Max.

“Hey dude!” bati nito nang makarating sila. “Phoebe, kamusta?”

“Okay naman.”

“Parang puyat ka ata. Napagod ka ba sa byahe?” usisa ni Max habang ginigiya sila sa loob.

“Ah…” nahawakan niya ang magkabilang pisngi. “O-Oo mejo malayo din eh.” Sagot lamang niya. Nakita niya ang pilyong ngiti ng kasintahan kaya siniko niya ito.

Pag-upo ni Max ay nagapalipat-lipat ang tingin niya sa dalawa. Namumula ang pisngi ni Phoebe habang ngingiti-ngiti naman ang kaibigan.

“Tsk. If you’re going to be lovey-dovey in front of me, just get out.” Kunwari pa siyang nagdabog.

“You wish.” Kinuha pa si Thomas ang kamay ni Phoebe at hinila para maupo sa sofa.

Padabog namang tumayo si Max at may kinuhang papel.

“Here. Check the details if that’s exactly what you want.”

Kinuha iyon ni Thomas, nakita ni Phoebe na blueprint iyon ng bahay. Inabot ang isang folder.

“Ano to?”

“Give me your insights.”