The enemy's lair

Chapter 4

Ang saya lang ng lahat habang siya ay naglalakad papunta kay Kai Rowan. Maging ito ay abot-tenga ang ngiti habang naghihintay sa kanya.

Ang galing nitong umarte! Hiyaw ni Zendra sa kanyang isipan.

Samantalang siya ay alanganin na nakangiti at mukhang umiiyak.

Hindi niya maintindihan ang nararamdaman ng mga oras na ito. Minsan na nga lang ikasal ang babae ay minalas at sa ganitong paraan pa talaga siya.

She needs justice! Revenge for her dead parents!

Siya ang sumagot sa mapait na kapalaran na kanyang nararanasan ngayon.

Inumpisahan niya ang maghiganti at tatapusin niya hanggang sa dulo!

I'm sorry, Mommy and Daddy. I married my enemy. Naiiyak na bulong ni Zendra.

Hindi niya alam kung bakit ang saya-saya ng Uncle Lucio niya.

Kung sabagay ay masaya talaga ito kung mababawi nila ang kayamanan ng kanilang pamilya.

Sakto naman at napatingin siya sa kanyang Auntie Clarita na nakasimangot sa isang sulok. Masama ang tingin nito sa kanya na may halong inggit.

Muntik ng matawa si Zendra pero pinigilan niya.

And the moment of truth is here ng makaabot na siya sa finish line.

Ikakasal na talaga siya!

Kahit fake lang ang kasal ay kinakabahan parin siya. First time niya kaya!

Iniabot ni Lucio ang kamay ni Zendra kay Kai Rowan.

"Congratulations, take care of my niece." Nakangiting sabi nito.

"I will," maikling sagot ni Kai Rowan.

A few moments later...

"You may kiss the bride," sabi ng Pari.

Nagising naman ang natutulog na diwa ni Zendra na kung saan-saan na nakalipad.

Sobrang bilis ng mga pangyayari na hindi niya namamalayan.

Nasungkit niya ang korona at si Mrs. Grey na siya!

Madaming mga babaeng bisita lola na sosyalera ang naiinggit sa kanya dahil siya ang pinakasalan ng isang Kai Rowan.

Nakangiti ang mga ito sa kanya. Pero kung makatingin at makatitig sa kanya ay pinapatay na siya!

Wala siyang pakialam. Basta nakapasok na siya sa pamilya Grey

"Kiss! Kiss!"

Sigawan ng mga tao.

Nagulat si Zendra ng biglang hapitin ni Kai Rowan ang kanyang beywang at halikan siya.

Napakapit siya sa balikat nito. Nagulat siya at hindi napaghandaan ang ginawa nitong paghalik.

Palakpakan naman ang lahat ng mga tao sa paligid.

Masaya ang buong pamilya ni Kai Rowan mas lalo na ang kanyang Lolo na si Faustino.

Nakiayon nalang si Zendra at hindi tumutol sa halik ni Kai Rowan.

She must admit that he is good in kissing sa katulad niyang wala pang karanasan.

Mahilig lang siya maglakwatsa at maki jamming sa mga barkada.

Pero wala pa siyang boyfriend dahil ayaw niya ng sakit sa ulo.

Ngayon ay sobra pa sa sakit ng ulo ang kanyang pinasukan na sitwasyon!

Matapos ang kasal ay sumunod ang reception.

Kasalo niya ngayong kumain ang pamilya na siyang dahilan ng kanilang kahirapan.

Halos hindi niya maisubo ang kanyang kinakain dahil wala siyang gana. Maraming mga mata ang nakatingin sa kanya.

"I never thought na ang mapapangasawa ng anak namin ay isang Enriquez." Seryosong sabi ng Daddy ni Kai Rowan.

Mas lalong naging awkward para kay Zendra ang kumain.

"Indeed, Ako rin ay nagulat ng magpunta ang dalawa sa bahay. Hindi ko inaasahan ito." Nakangising sagot ni Lucio.

"Sino ang mga magulang ni Zendra?" Nakangiting tanong ng Mommy ni Kai Rowan.

Napatigil si Zendra sa pagkain at muntik ng mabilaukan!

Paano kung malaman nila na anak ako nina Mommy at Daddy? Kinakabahan na tanong ni Zendra sa kanyang isipan.

Napatingin siya sa kanyang Uncle Lucio at relax na relax parin ito. Habang siya ay pinagpapawisan na ng matindi!

"The truth is- she is an adoptive daughter of my brother Steve na sa US na ngayon nakatira. Nagbabakasyon lang ngayon si Zendra at hindi ko naman inakala na ma in-love itong dalawa sa isa't-isa. Mas lalo na ngayon na kasal na sila! Nagulat kami at hindi namin nasabi sa Daddy Steve niya." Mahabang paliwanag ni Lucio.

"Naku, excited na masyado itong apo ko Lucio na pakasalan ang pamangkin mo." Nakangiting sabi ng Lolo ni Kai Rowan.

"Right, iba na talaga ang mindset ng mga kabataan ngayon. Ingatan mo sana ang pamangkin ko Kai Rowan." Pakiusap ni Lucio.

Bilib na bilib siya sa pamangkin na si Zendra dahil napaamo nito ang isang Kai Rowan Grey!

"Of course, Uncle. I will always take good care of my wife." Nakangiting sagot ni Kai Rowan at nakipag holding hands pa sa kanya sa ibabaw ng lamesa.

Kinilig ang lahat sa pag-aakalang napaamo ni Zendra ang ruthless na si Kai Rowan.

Napangiti naman si Zendra ng pagkatamis kahit napipilitan lang.

Dahil sa unexpected at biglaan ang nangyari ay hindi nila inakala ng kanyang Uncle Lucio na makukuha niya agad-agad si Kai Rowan ng isang gabi lang.

Hindi niya alam kung ano ang magiging reaksiyon ng kanyang Tito Lucio kapag nalaman nito na umaarte lang si Kai Rowan at Contract Marriage lang ang habol nito sa kanya para sa Lolo nitong may sakit.

Hindi na muna niya sasabihin sa ngayon dahil tiyak na magwawala ito. At andito rin sila sa kuta ng kalaban!

"Maraming salamat Kai Rowan. Panatag ko na iiwanan si Zendra sayo." Nakangiting pasasalamat ni Lucio.

"Huwag kang mag-alala Lucio. Baka sa susunod na buwan ay may apo na tayo. Hindi namin pababayaan si Zendra." Excited na sabi ni Lolo Faustino.

Kinakabahan naman si Zendra dahil baka bukas din ay mabuntis siya sa bilis ng mga pangyayari!

Wala naman sa kontrata na kailangan kang mabuntis Zendra kaya relax ka lang. Kausap niya sa kanyang sarili.

"Condolence nga pala Lucio sa nangyari sa isa mong kapatid na si Romulo at sa asawa nito." Singit ng isa sa mga kapamilya ni Kai Rowan.

Bigla naman nanginig ang mga tuhod ni Zendra ng marinig ang pangalan ng Daddy niya.

Nagagalit siya pero kailangan niyang pigilan!

May gana pa talagang mangumusta ang mga ito sa ginawa nila sa pamilya ko! Galit na hiyaw ni Zendra sa kanyang isipan.

Nauna siyang tumayo bago sumagot ang kanyang Uncle Lucio. Ayaw niyang marinig ang sasabihin ng ibang myembro ng pamilya Grey.

Dahil nagagalit siya sa mga pagmumukha ng mga ito na kunwari ay nakikisimpatiya!

"Excuse me po," sabay tayo ni Zendra at umalis.

Hindi niya alam kung nasaan ang banyo. Basta patuloy lang siya sa paglalakad at ayaw huminto ng kanyang mga paa.

Sa laki ng mansion ng mga ito ay bukas pa siguro siya makakarating sa banyo!

Wala siyang makita na mga maids o ibang tao sa paligid, pakiramdam niya ay naliligaw ata siya.

Huminto muna siya sandali sa paglalakad at huminga ng malalim.

"Mommy, Daddy," naiiyak niyang bulong.

Makalipas ang ilang minuto ay kumalma naman ang kanyang nararamdaman.

Napagpasiyahan niyang bumalik.

Habang siya ay naglalakad ay nakasalubong niya ang grupo ng mga babaeng sosyalera.

"Look, Kai Rowan's wife!" Sabi ng isa.

"The bitch!" Nakasimangot na sabi ng may bangs na babae.

"Hey, saan ang punta mo? Mas maganda pa si Queen sa kanya. Bakit kaya siya pinakasalan ni Kai Rowan?" Nang-iinis na sabi ng mataba.

Hindi pinansin ni Zendra ang mga ito at patuloy lang sa paglalakad.

Wala siyang pakialam ngayon sa ibang tao. Gusto niyang unahin sa pag-asikaso ang problema niya ngayon.

"She's a real bitch at hindi tayo pinansin,"

Humarang ang may bangs sa daraanan ni Zendra.

"Excuse me," sabi ni Zendra na hindi tumitingin sa mga babae.

"Feeling maganda ka girl. Hindi ka namin pwedeng galawin. Hintayin mo ang pagdating ni Queen mamaya." Nakairap na sabi ng isang payatot na babae.

Sumenyas ito na padaanin na siya.

Wala siya sa mood na makipag away dahil hindi na katulad ng dati na ang yaman nila.

Pulubi na siya ngayon at walang maipagmamalaki.

"I don't care about your Queen," walang ganang sabi ni Zendra at nagpatuloy sa paglalakad.

Lalapitan sana siya ng isa pero pinigilan ng payatot.

Hinayaan lang siya ng mga ito na makalayo.

**************

Habang naglalakad ay nakasalubong niya ang Lolo ni Kai Rowan.

"Where have you been?" Nag-aalalang tanong nito.

Wala namang bahid ng pagpapanggap ang pag-aalala ng Lolo ni Kai Rowan.

Pero hindi alam ni Zendra kung mabait parin ba ito sa kanya kapag nalaman nito na anak siya nina Romulo at Carlota Enriquez!

"Nawala ako Lolo. Ang laki kasi ng mansion ninyo." Nakangiting sagot ni Zendra.

"Masasanay ka rin dito. Halika na at hinahanap kana ng asawa mo."

Sabay silang naglakad ni Lolo Faustino pabalik sa reception.

Tapos na pala kumain ang lahat at nagpaalam na rin ang Uncle Lucio niya. Pero bago ito umalis ay binulungan muna siya na mag-ingat.

Tumango siya upang hindi mahalata.

Susunod daw sa agenda nila ay honeymoon. Bukas na bukas din ay lilipad sila sa Europe.

Nabibilisan talaga si Zendra sa mga pangyayari. Pakiramdam niya ay siya lang ang mabagal.

Kaya ngayong gabi ay napagpasyahan niyang hanapin ang mga titulo ng kanilang negosyo bahay at iba pa.

Lilipad na sila papuntang Europe bukas. Baka hindi na siya magkaroon ng pagkakataon.

Sinabi ni Kai Rowan na may pupuntahan daw ito at matulog na siyang mag-isa.

Bakit siya matutulog?

Bumangon siya at nagsimulang maghalungkat sa buong kwarto ni Kai Rowan.

Dahil sa laki nito ay inabot na siya ng madaling araw sa paghalungkat.

Bawat sulok ay wala siyang pinalagpas.

Pero wala siyang nakita!

Napatingin siya sa malaking cabinet nila.

Mabilis niyang binuksan ang cabinet niya. Pero wala, puro damit lang niya na bagong bili ni Kai Rowan ang nasa loob ng cabinet.

Sinunod niya ang cabinet ni Kai Rowan. At bumuluga sa kanya ang isang vault ng hawiin niya ang mga naka hanger na damit nito.

"Is this it? Dito kaya itinago ni Kai Rowan ang mga papeles ng negosyo namin? Paano kung hindi siya kundi ang Daddy o Lolo niya ang nagtago nito?" Sunod-sunod na tanong ni Zendra sa kanyang sarili.

Napagpasiyahan niyang subukan. Nagbabakasali na andito nga ang papeles ng kayamanan nila.

Kanina pa siya pindot ng pindot pero hindi parin tama ang password. Hindi niya mabuksan!

Nanigas si Zendra sa kinauupuan ng biglang bumukas ang pintuan ng kanilang kwarto!

Ang lakas ng kabog ng kanyang dibdib at hindi niya alam kung humihinga pa ba siya!

"What are you doing?" Seryosong tanong ni Kai Rowan.

Ano ang isasagot niya?!