Chapter Fifty-Two(PART FIVE)

“Tara na son,” sabi niya dito at naglakad na sila palabas. Kita niya sa kaniyang paningin na nakatayo lamang si Angeline na nakatanaw sa kanila. Panalangin niya na sana ay hindi nito maisipan na pumunta sa mall dahil mabubuking sila. Mabilis lang ang naging byahe nila at pagkarating sa mall ay hinanap agad si Sabrina ayon sa sinabi nitong tagpuan. Mula sa malayo ay nakita niya ang isang matangkad na babae habang nakasoot ng red na fitted dress habang nakabun ang buhok nito sa likuran, hawak-hawak nito ang isang batang babae nan aka red dress din ngunit hindi siya fitted at pareho silang naka bun ang buhok sa likuran.

“Sabrina.” Tawag niya dito na ikinalingon ng dalawa dito. Napangiti si Sabrina ng makita siya ngunit ng makita si Jared ay natigilan ito. “Siya nga pala ang anak ko, si Jared.” Pakilala niya dito at agad na tumakbo ang batang lalaki kay Sabrina’t niyakap siya sa binti dahil iyon lang ang inabot nito. Kita niyang lumuhod si Sabrina upang makapantay niya ito.

“Hello po!